жалкина пешевска – Kurir.mk

Пешевска: Слободата не се подарува, се освојува, под ова мото УЖ одбележува 78 години од ослободувањето на Скопје и спомен на 426 луѓе од градот кои притоа загинале за ние слободно да живееме

Дарко Андоновски — Sun, 13 Nov 2022 10:47:27 +0000

Денес одбележуваме 78 години од ослободувањето на Градот Скопје, и ден кога имаме низа манифестации низ градот, ние од Унијата на жени на ВМРО-ДПМНЕ одлучивме да направиме еден настан под мотото „Слободата не се подарува, се освојува“, ова денеска преку изјава за медиумите го истакна Жаклина Пешевска од ВМРО-ДПМНЕ. -Така да на овој ден во 1944 година, 426 луѓе го положиле својот живот во Народно ослободителната борба против фашизмот, луѓе која што ги водела една идеја и една мисла велат срцата им биеле како едно, со една мисла за слободно Скопје. Денеска на овој настан ќе ги спомнеме сите 426 имиња на луѓето кои го положиле својот живот и загинале, за ние да живееме слободно во Скопје. Ќе одадеме почит со положување на свежо цвеќе и делење на цвеќе низ случајни минувачи како што тоа се случувало всушност кога парадирале откако го ослободиле Скопје. Сакам да напоменам дека околу 500тини луѓе кои учествувале во таа Народно ослободителна борба и го ослободиле Скопје, учествувале околу 100тина жени од кои што 8 загинале и читајќи ги сеќавањата на тие жени кои што учествувале, во сеќавање ми остана еден впечаток на една жена која што учествувала во Народно ослободителната борба за ослободување на Град Скопје која се вика Пенка Кралевска во 2015та некаде имаше една статија во која што објаснуваше дека се чувствувала како најгордата скопјанка бидејќи токму таа го ставила знамето кога го ослободуваат Скопје на врвот на Офицерскиот дом. Тие имале причина да бидат горди. За жал ние сме сведоци дека сега на Република Македонија ова што се случува е токму погазување на нивната жртва и непочитување кон нив, вели Пешевска. Таа додава дека она што се случува сега во Собранието каде законот за здруженија и фондации изгласан со 83 пратеници, донесен со мнозинство пратеници во кои што учествуваа и гласаа пратеници од парламентарното мнозинство од власта за да сега, Бујар Османи се дрзне и да кажува дека ќе го даде на Венецијанска комисија. Сакам да испратам порака дека ние не се плашиме од мислењето на Венецијанска комисија, но сакам да го потсетам дека кога Собранието носи со мнозинство гласови тоа треба да го спроведува владата без приговор. -Ние се сеќаваме во минатото кога имаше закони кои што има забелешки од Венецијанската комисија за закони кои што ним им одговараа, тие забелешки од Венецијанската комисија во тоа време не им беа важни. Тоа се тие двојни аршини на оваа власт, па ќе правел списоци кои празници ќе сме ги славеле заедно со Бугарија, наместо да одговори на онаа брутална реторика која што ја има Бугарија кон нас. како министер за надворешни работи вели дека ќе правел списоци, како да си прави списоци или да си бира слава која што ќе ја слави дома. Сакам да упатам порака од овој настан денеска до власта кои што се марионетски квазиполитичари да го слушаат гласот на народот. А гласот на народот е, слобода. До народот сакам да пратам порака за обединување. Нека ни е честит 13ти Ноември, вели таа.

Пешевска: Жената никогаш досега не била поранлива и понезаштитена, време е за оставки на Филипче и Владата

Ивона Петрова — Sat, 20 Mar 2021 11:36:05 +0000

Се собравме да го кренеме гласот за сите неправди во здравството. Нашето место е на улицата, додека местото на оваа власт е во Мексико и во Дубаи, истакна на денешниот протест Жаклина Пешевска, претседателка на Унија на жени на ВМРО-ДПМНЕ. Таа посочи дека го креваат гласот во името на сите засегнати луѓе од пандемијата. -Го креваме гласот во името на сите нас на сите на кои им е загрозено основното човеково право загарантирано со Устав, а тоа е здравјето. Бројките во нашата држава се немилосрдни и најголеми во цел свет. Најмногу заразени и мртви, а најмалку заштитени и вакцинирани. Затоа ве прашувам дали треба да сме неми набљудувачи на се ова што ни се случува? Жената никогаш досега не била поранлива и толку незаштитена. Соочени сме со можеби најголемиот предизвик досега, со короната, но и со најголема дискриминација на жените по сите основи. Пандемијата е катастрофална по женските права бидејќи кога имавме вонредна состојба, најголем дел од нас жените останаа дома да се грижат за домот и семејството, многу жени останаа без работа, а жените во приватниот сектор, цело време одеа на работа. Текстилните и просветните работнички беа принудени да одат на своите работни места користејќи јавен превоз во преполни автобуси, притоа ставајќи го својот живот и животите на своите семејства во ризик. Најмногу беа изложени и се уште се здравствените работници, кои уште на почетокот на пандемијата се соочија со недостаток на заштитна опрема, но и покрај се останаа на првата борбена линија против короната. Тие се херои на ова време и ја заслужуваат сета наша почит и благодарност, истакна Пешевска. Таа посочи дека како жена го крева гласот во името на сите трудници и сите хронично заболени лица кои имаат потреба од клексан, а во екот на оваа пандемија се соочија со недостаток на истиот. Апелира владата да спроведе итна набавка на клексан бидејќи секојдневно има реакции од граѓани кои не можат да го добијат. -Мораме да го кренеме гласот во името на сите наши сограѓани кои не можат да добијат термин за тестирање на коронавоирусот. Владата наместо да субвенционираше и овозможеше граѓаните бесплатно да се тестираат, народот беше оставен да талка по институциите за да на крај да мора приватно да се тестира. Уверена сум дека дел о ширењето на короната е последица на немањето на бесплатни тестови, па така луѓето со симптоми, барајќи начин за тестирање, без своја вина го ширеле вирусот. Оваа влада ветуваше бесплатно здравство, а пандемијата е прескапа и удира по џебот на секој еден граѓанин и истата оваа влада ги поскапе и струјата и водата во време на пандемија, со што поскапе потрошувачката кошница за секое едно семејство во Македонија. Ете така се грижи оваа влада за своите граѓани. Затоа треба да замине и веднаш оставка. Како жена сериозно сум загрижена за стравот кој се јавува кај жените трудници, но и кај оние жени и девојки кои во иднина би требало да се реализираат како мајки. По еден голем скандал кој се случи во Македонија, неприфатливо е во 21 век, кога технологијата секојдневно напредува во светот, ние во Македонија да се соочиме со случај да на една жена трудница и биде уништено репродуктивното здравје. Апелирам да не се доведеме во ситуација, губејќи ја довербата во институциите да се вратиме во0 средниот век па жените да се принудени да се породуваат во своите домови. Ако жената е таа која ја има дарбата дадена од Бог, да дарува живот, тогаш наша должност е да се грижиме за репродуктивното здравје на жената. Со тоа се грижиме и за иднината на светот, бидејќи безбедна жена значи безбедна иднина и здрави генерации. Доста е за сите лаги и манипулации, калкулации со нашето здравје не смее да има. Здравјето не е само статистика на заразени и жртви. Време е оваа власт да си замине и ВМРО-ДПМНЕ да ги исправи сите неправди. Време е за оставка., нагласи Пешевска.