заложници – Kurir.mk

Хамас: Во израелскиот напад врз бегалскиот камп Џабалија погинаа и седум заложници

Тале Кристо — Wed, 01 Nov 2023 14:49:00 +0000

Военото крило на Хамас денеска соопшти дека седум заложници, вклучувајќи и лица со странски пасоши, се убиени во вчерашното израелско бомбардирање на бегалскиот камп Џабалија во Појасот Газа. „Смртта за седуммина приведени, меѓу кои тројца со странски пасоши, во вчерашниот масакр во Џабалија“, се наведува во пораката на Телеграм од бригадите Изедин ал Касам. Палестинското Министерство за здравство наведе дека неколку десетици лица загинаа во бомбардирањето на најголемиот бегалски камп во Појасот Газа. Како што соопшти израелската армија, цел на нападот била „елиминацијата“ на воен командант на палестинската организација. Военото крило на Хамас пред неколку дена излезе со проценката дека во израелското бомбардирање се загинати „речиси 50 заложници“. Меѓутоа, ваквата проценка не можеше да биде независно потврдена. Израелските власти соопштија дека најмалку 240 Израелци, двојни државјани, како и странци, сè уште се држат како заложници од Хамас. Сите беа киднапирани на 7 октомври, кога командоси на оваа исламска екстремистичка организација од повеќе страни упаднаа во јужен Израел од Појасот Газа и нападнаа цивили. Нападите беа ненадејни, а насилството беше без преседан. Според израелските власти, во нападот на Хамас загинаа над 1.400 лица. Оттогаш Хамас ослободи четири жени, две Американки и двајца Израелки. Според последните извештаи на Хамас, повеќе од 8.500 Палестинци, меѓу кои околу 3.500 деца, се убиени од почетокот на израелското бомбардирање на Појасот Газа по нападот на 7 октомври.

Потврдено: Хамас држи 239 заложници

Ивона Петрова — Sun, 29 Oct 2023 20:59:57 +0000

Портпаролот на ИДФ, Даниел Хагари, вели дека војската досега ги известила семејствата на 239 заложници дека нивните најблиски се чуваат во Појасот Газа, пренесуваат израелските медиуми. Тој посочи дека бројката не е конечна, бидејќи војската истражува нови информации. -Меѓу заложниците има и странски работници, ни треба време да дојдеме до семејствата на сите, вели тој. Хагари додаде дека бројот на исчезнати лица чија судбина засега е непозната во моментов изнесува 40. Израелскиот министер за одбрана Јоав Галан, пак, денеска го обвини Хамас за „психолошка манипулација“ со заложниците што ги држи, откако исламистичкото движење соопшти дека е подготвено да ги ослободи во замена за сите палестински затвореници затворени од Израел. -Приказните објавени од Хамас се дел од нивната психолошка манипулација и тешко го оптеретуваат целиот народ на Израел. Хамас цинично ги користи оние за кои се грижиме, ја разбира болката и притисокот што ги предизвикува, рече Галан при приемот на претставниците на семејствата на заложниците.

Хамас: Повеќе нема да ослободуваме заложници

Тале Кристо — Wed, 25 Oct 2023 06:30:03 +0000

Официјален претставник на Хамас рече дека исламистичката група повеќе нема да ослободува заложници доколку не се дозволи проток на медицински материјали и гориво во Појасот Газа. Во петокот Хамас со посредство на Катар ослободи двајца заложници кои се американски државјани. Исламистичката група држи над 220 заложници, вклучувајќи бебиња и мали деца. „Од хуманитарни причини, безусловно ослободивме четири лица, но ако некој побара дополнително ослободување на заложниците, мораме да побараме од меѓународната заедница да изврши поголем притисок врз Израел и да го отвори преминот Рафа за да може медицинските материјали и горивото да влезат во Газа“, рече Осама Хамдан, член на политбирото на Хамас и претставник во Либан. Хамдан вели дека Палестинците имаат основно право на болничко лекување доколку се изложени на секојдневни израелски воздушни напади. „Неопходно е Израел да престане да го бомбардира нашиот народ за да обезбеди ослободување на киднапираните луѓе“, рече Хамдан. Најмалку 222 лица беа киднапирани во нападот на исламистичкиот Хамас на 7 октомври во јужен Израел. Тој ден Хамас уби над 1.400 Израелци и граѓани на неколку други земји, речиси сите цивили. Во воздушните напади на Израел во Газа загинаа повеќе од 5.000 луѓе, соопшти Министерството за здравство под контрола на Хамас. Хамас е на листата на терористички организации на ЕУ и САД.

Хамас ослободи Американка и нејзината ќерка кои биле заложници

Тале Кристо — Fri, 20 Oct 2023 18:41:00 +0000

Палестинската група Хамас денеска соопшти дека ослободила Американка и нејзината ќерка кои биле заложници во Газа по нападот на исламистите врз Израел на 7 октомври. Воениот портпарол на групата во соопштение нагласи дека заложниците се ослободени „врз хуманитарна основа како резултат на посредништвото на Катар“. Медиуми во Тел Авив цитираат израелски официјални лица кои појаснуваат дека одлуката на Хамас за ослободување на заложниците била направена еднострано и дека Ерусалим не понудил ништо во замена.

ИДФ објави податоци за заложниците

Ивана Ефремовски — Fri, 20 Oct 2023 13:01:59 +0000

Израелските одбранбени сили (ИДФ) објавија ново соопштение со информации за 200-те заложници кои моментално се држат во Појасот Газа. - Повеќе од 20 од нив се деца помлади од 18 години. Помеѓу 10 и 20 од нив се постари од 60 години. Повеќето од заложниците се живи, се вели во извештајот. Во соопштението на ИДФ, исто така, се вели дека мртви тела биле „однесени како заложници“ во Појасот Газа по нападот на Хамас на 7 октомври. Би-Би-Си претходно јави дека Хамас понудил да ослободи некои од заложниците во замена за итен прекин на огнот за време на разговорите за ослободување на многу од околу 203 заложници кои се држат во Газа. Според британскиот медиуми, Хамас не ги држи сите заложници. Некои се задржани од други вооружени милитантни групи. Тоа што се уште се заробени во Газа, ја компликува ситуацијата на израелските команданти кои планираат упад на територијата. Очигледно, заложниците имаат многу поголеми шанси да излезат живи ако тоа може да се направи со преговори, коментира Би-Би-Си. (МИА)

Би-Би-Си: Хамас нуди да ослободи некои заложници во замена за прекин на огнот

Катерина Бојаџиева — Fri, 20 Oct 2023 11:05:53 +0000

Хамас понудил да ослободи некои од заложниците во замена за итен прекин на огнот за време на разговорите за ослободување на многу од околу 203 заложници кои се држат во Газа, јави Би-Би-Си. Израел досега не се согласил на ова. Според британскиот медиуми, Хамас не ги држи сите заложници. Некои се задржани од други вооружени милитантни групи. Тоа што се уште се заробени во Газа, ја компликува ситуацијата на израелските команданти кои планираат упад на територијата. Очигледно, заложниците имаат многу поголеми шанси да излезат живи ако тоа може да се направи со преговори, коментира Би-Би-Си.

Израелската војска известила 203 семејства дека нивните најблиски веројатно се заложници на Хамас

Катерина Бојаџиева — Thu, 19 Oct 2023 08:22:44 +0000

Портпаролот на Израелските одбранбени сили (ИДФ), Даниел Хагари соопшти дека војската досега ги известила семејствата на 203 заложници дека нивните најблиски се наоѓаат во Појасот Газа. Тој вели дека бројката не е конечна, бидејќи ИДФ постојано истражува нови информации за Израелците кои се исчезнати од нападот на 7 октомври. Хагари посочи дека во некои од случаите семејствата биле известени дека војската со голема веројатност смета дека тие се заложници на Хамас. Но, во други случаи, тој вели дека војската има умерено до ниска увереност дека тие се заробеници. Хагари вели дека ИДФ исто така отфрлила некои случаи и ги информирала семејствата дека нивните најблиски не се држат како заложници.

Израел нема да пушти хуманитарна помош за Газа додека заложниците не бидат ослободени

Ивона Петрова — Thu, 12 Oct 2023 11:34:29 +0000

Израел денеска соопшти дека нема да пушти хуманитарна помош за време на опсадата на Појасот Газа додека Хамас не ги ослободи сите израелски заложници, откако Црвениот крст побара да дозволи транспорт на гориво во Појасот Газа за да спречи преполните болници „да се претворат во мртовечници“. Израел вети дека ќе го уништи движењето Хамас што владее со Појасот Газа како одмазда за најсмртоносниот напад врз Евреите од холокаустот, кога стотици вооружени мажи ја преминаа границата и убија најмалку 1.300 луѓе, главно цивили, а зедоа десетици заложници. Израел одговори со ставање на енклавата, дом на 2,3 милиони луѓе, под целосна опсада и започнувајќи го убедливо најмоќното бомбардирање во 75-годишната историја на израелско-палестинскиот конфликт, уништувајќи цели населби. Властите во Појасот Газа соопштија дека повеќе од 1.200 луѓе се убиени, а повеќе од пет илјади се ранети во бомбардирањата. Исклучена е единствената електрична централа, а на болниците им снемува гориво за генераторите за итни случаи. -Човечката беда предизвикана од оваа ескалација е ужасна и ги молам страните да го намалат страдањето на цивилите, повика денескат Фабрицио Карбони, регионален директор на Меѓународниот комитет на Црвениот крст и додаде дека „како што Газа ја губи струјата, болниците губат струја, ставајќи ги новороденчињата во инкубатори, а постарите пациенти на кислород“. Израелскиот министер за енергетика Израел Кац изјави дека нема да има исклучок за хуманитарна помош во опсадата, додека не бидат ослободени израелските заложници. -Хуманитарна помош за Газа? Ниту еден електричен прекинувач нема да се подигне, нема да се отвори хидрант за вода и нема да влезе камион со гориво додека израелските заложници не се вратат дома. Хуманитарно за хуманитарно. И никој не треба да ни проповеда за моралот, објави Кац на „X“.

Најмалку двајца загинати и над 80 заложници во немирите во Колумбија

Дарко Андоновски — Fri, 03 Mar 2023 07:51:14 +0000

Еден цивил и еден полицаец загинаа за време на насилните протести во колумбиската провинција Какета, а 79 полицајци и девет работници на нафтените полиња беа земени како заложници од локалното население, изјави денеска колумбискиот омбудсман за човекови права Карлос Камарго. Инцидентот се случил во рурален дел на општината Сан Висенте дел Кагуан, каде демонстрантите нападнале нафтено поле во сопственост на кинеската компанија „Емералд енерџи“, по што го запалиле. Народниот правобранител порача дека е „жалосно што за време на протестот загинаа полицаец и цивил“, и додаде дека неговата канцеларија „нуди да биде посредник во преговорите“. Локалните жители го блокираа пристапот до нафтеното поле, барајќи од „Емералд енерџи“ да помогне во поправка на патиштата во таа област. Протестите во близина на нафтените и рударските компании се редовна појава во Колумбија, бидејќи локалните заедници бараат компаниите да изградат инфраструктура, вклучувајќи училишта и патишта. Колумбискиот претседател Густаво Петро на својот профил на Твитер напиша дека наредил заедничка комисија на колумбиските министерства за одбрана и внатрешни работи, како и вооружените сили, да бидат испратени во регионот за „да се запре насилството“.

Ова видео го изгледа целиот свет: Вака реагираше Ди Марија кога дозна дека неговото семејство е во заложништво на крадци

Дарко Андоновски — Mon, 15 Mar 2021 10:11:28 +0000

Фудбалот падна во втор план во 62-та минута од средбата меѓу ПСЖ и Нант во 29-тото коло, кога тренерот на „парижаните“ Маурисио Почетино одеднаш го извади од игра Анхел ди Марија и на негово место го стави Леандро Паредес. Ди Марија мораше да излезе затоа што во тој момент се случуваше голема драма во неговиот дом. Информацијата најпрво ја дозна спортскиот директор Леонардо, кој седеше во ложата. После тоа, информацијата стигна до самиот тренер, кој веднаш реагираше. Додека Ди Марија излегуваше од теренот, Почетино му кажа дека провалници влегле во неговиот дом каде што во тоа време се наоѓало неговото семејство. Аргентинскиот фудбалер веднаш побрза дома. Според некои информации, инцидентот во куќата на аргентинскиот фудбалер бил многу насилен, а членовите на неговото семејство биле заложници на провалниците. За среќа, нема повредени.