заложник – Kurir.mk

Атанасов: Заев е заложник на СДСМ и ДУИ и „жртва“ на Европската Унија

Тале Кристо — Wed, 10 Nov 2021 20:45:06 +0000

Поранешниот заменик министер за образование и наука, Петар Атанасов во своето гостување во емисијата „24 анализа“ на ТВ24 излезе со две објаснувања зошто сме во оваа ситуација и дека имаме уште една епска битка помеѓу ВМРО-ДПМНЕ и СДСМ што завршува на штета на граѓаните. - Се прави една политичка драма. На локалните избори, СДСМ дожиева голем пораз и наместо мирно да се канализираат резултатите и последиците на ова што се случува, се билда нов конфликт. Секогаш има излез од ситуацијата, а за тоа се одговорни лидерите. Заев сам го констатираше својот политички крај, а потоа пресврт. Тој стана заложник на своето членство и ДУИ и „жртва“ на Европската Унија. - вели Атанасов.

Мета: Албанија е заложник на банда контролирана од Сорос

Тале Кристо — Sat, 31 Oct 2020 11:09:30 +0000

Албанскиот претседател, Илир Мета,гостувајќи во емисија на Тв Клан обвини дека државата е заложник на банда, контролирана од Сорос и оти народот мора еднаш и засекогаш да ја земе судбината во свои раце. -Еди Рама се претвори во непријател на албанскиот народ. Мојата задача е да се залагам за Уставот и политичкиот плурализам.Рама е тој што ги протера младите од земјата, тој кој им наредува на армиските генерали да не доаѓаат кај претседателот, значи дека државата е заложник на банда контролирана од Сорос. Време е народот да ја земе судбината во свои раце, рече Мета. Додаде дека „25 април е првата битка што започнува да го обновува уставниот поредок во Албанија“. -Денот на парламентарните избори, 25 април е референдум. Луѓето ќе гласаат дали да одат во Европа или да одат во бездна. Мојата главна цел е да ја вратам Албанија на Албанците преку воспоставување референдуми, за да Уставот на Албанија повеќе не се доведува во прашање од две партии, како во 2008 година. Референдум на 25 април и по овој ќе има и други референдуми,рече Мета. Тој одговори и на прашањето дали ќе биде лидер на опозицијата,за што редовно го обвинува премиерот Еди Рама. -Јас денес сум лидер на Албанија. Оваа задача денес ми припаѓа мене. Јас сум лидер на Албанија и воопшто не ме интересираат партии,одговори Мета. Во врска со гласањето во Собранието, каде беше отфрлена неговата уредба за измените во изборниот законик, Мета рече дека тоа го блокира патот на Албанија кон евроинтеграциите.

Ѓорчев: Македонија станува заложник на садизмот на Заев

Тале Кристо — Fri, 14 Feb 2020 19:57:39 +0000

На собраниската расправа за Законот за јавно обвинителство за збор се јави пратеникот на ВМРО-ДПМНЕ, Владимир Ѓорчев, кој рече дека изминативе денови и недели во законодавниот дом се случуваат неморални понуди, отворени уцени, закани. – Од оваа говорница денеска на еден куп пратеници им беше упатена закана за затвор, а на некој други им се аплаудираше, рече Ѓорчев. Тој рече дека со жалење може да констатира дека во Собранието вакви, нарекувајќи ги „дилови“, кој што некој ги направил, можеле и многу други да направат, но не го направиле тоа. Според пратеникот, Македонија станува заложник, како што рече, на отворениот садизам на Зоран Заев со сите средства, по секоја цена, да остане на власт. – Никогаш сме немале човек кој вака лесно тргува со правдата, тргува со слободата. Никогаш сме немале човек, кој што со таква невидена леснотија ги руши македонските позиции, како Зоран Заев. Никогаш!, потенцираше Ѓорчев.

Старџен: Шкотска не може да биде заложник на Велика Британија

Тале Кристо — Sun, 15 Dec 2019 15:30:50 +0000

Шкотска не може да биде заробена во Велика Британија против своја волја, изјави денеска шкотската лидерка Никола Старџен. Таа повтори дека успехот на Шкотската национална партија на последните избори и дава мандат за нов референдум за независност, на кој се спротивставува британскиот премиер Борис Џонсон. – Ако Велика Британија продолжи да постои како унија, тоа ќе може да се направи само со консензус, изјави Старџен за Би-Би-Си. Според неа, британската влада греши во размислувањето дека отфрлањето на референдумот ќе значи и крај на овој проблем. – Тоа е суштинската точка на демократијата – не можете да ја држите Шкотска во унија против нејзина волја. Вие не можете да нè затворите во плакар, да го свртите клучот и да се надевате дека сè ќе помине, истакна таа.

Драма во авион: Патник грабнал стјуардеса како заложник, авионот принудно слетал

Ивона Петрова — Sun, 15 Apr 2018 07:43:25 +0000

Патнички авион на кинеската авиокомпанија Ер Чајна денеска морал принудно да слета откако човек грабнал стујардеса како заложничка користејќи остар предмет. Пилотот го приземјил авионот во градот Женжу, каде патниците и екипажот безбедно се симнале. Безбедносните сили интервенирале и немало повредени во инцидентот. Авионот полетал од градот Чангша во областа Хунан и требало да слета во главниот град Пекинг.