Замбија – Kurir.mk

Судот во Замбија овозможи Хрватите, кои посвоија деца во ДР Конго, да се бранат од слобода

Тале Кристо — Thu, 12 Jan 2023 15:22:12 +0000

Осумтемина Хрвати осомничени во Замбија за трговија со луѓе односно во исправноста на документите за посвојување на деца од Демократска Република Конго, ќе се бранат од слободата откако ќе платат кауција, ќе ги достават пасошите, редовно да се јавуваат полиција и да го регулираат престојот во земјата, одлучи денеска судот во Ндоли. Четири брачни двојки еден месец се во притвор во градот Ндоли, Замбија откако на почетокот на декември беа уапсени на аеродром под сомнение дека поседуваат лажни документи за посвојување на деца од ДР Конго. На аеродромот со нив биле и посвоените деца, кои им се одземени од социјалната служба на Замбија. Осомничените хрватски државјани пред два дена се појавија пред судот во Ндоли при што изјавија дека не се виновни за обид за трговија со луѓе и за фалсификување на документи. Сè уште не е познато какви документи добиле уапсените Хрвати во ДР Конго и зошто властите на Замбија истите ги сметаат за лажни. Во ДР Конго со години е во сила забрана за меѓудржавно посвојување, но во пракса, судовите дозволуваат. Поради долгата постапка во Хрватск а, изминатите години голем број Хрвати посвојуваат деца од други држави. Во Хрватска сега има околу 3.000 деца без соодветна родителска грижа, но само приближно 200 ги исполнуваат правните услови за посвојување. Во службениот регистар се наоѓаат повеќе од 1.100 посвоители.

Фудбалерка на Замбија суспендирана поради тестостерон како кај мажи

Ивана Ефремовски — Thu, 07 Jul 2022 08:33:00 +0000

Капитенот на женската фудбалска репрезентација на Замбија, Барбра Банда, доби забрана за учество на Африканското првенство (CAF) поради ненормални вредности во тестот на крвта. Според африканските новинари, тестовите на крвта на Банда откриле претерано високо ниво на тестостерон. -Во врска со отсуството на Барбра Банда од турнирот, не можам да ви ги кажам вистинските причини. Подобро прашајте го „CAF“, се огласи селекторот на репрезентацијата на Замбија, Брус Мвапе. Навивачите на репрезентацијата на Замбија се незадоволни од немањето јасен одговор од репрезентацијата околу исфрлањето на фудбалерката. Тие ја обвинуваат Фудбалска федерација на Замбија за отсуство на соодветна реакција и мерки за случајот. (МИА)

Првиот претседател на Замбија примен во болница, побарал сите да се молат за него

Ивона Петрова — Tue, 15 Jun 2021 06:16:52 +0000

Првиот претседател на Замбија, Кенет Каунда (97) е примен во болница, соопшти денеска неговата канцеларија. Каунда побарал сите жители на Замбија и меѓународната заедница да се молат за него, додека лекарскиот тим прави се што може да тој да заздрави, пренесува Ројтерс. Во кусото соопштение не е прецизирана болеста на Каунда, но Замбија во моменто се соочува во нагло зголемување на бројот на новозаболени од Ковид-19. Тој е хоспитализиран во Медицинскиот центар Маина Соко каде се лекуваат пациенти од коронавирус.

Македонија во друштво со Џибути, Боцвана, Уганда, Замбија и Конго по однос на почитувањето на работничките права

Тале Кристо — Thu, 20 May 2021 10:42:24 +0000

Македонија се најде во друштво со Кенија, Џибути, Боцвана, Уганда, Замбија, Конго и низа други земји од т.н. трет свет по почитувањето на работничките права според извештајот на Mеѓународната Конфедерација на синдикати, извештај кој се смета за најрелевантен кога станува збор за оценување работничките права во земјите низ светот. Македонија е класифицирана со оценка четворка, односно со оценка „систематско кршење на работничките права“, заедно со земји од третиот свет. Полоши од Македонија се само работничките права во Палестина која е зафатена од неколкудеценсики конфликт, Сомалија, Судан, Сирија, Јемен, Либија, Бурунди и Централно Африканска Република. Македонија е во друштво со Кенија, Џибути, Боцвана, Уганда, Замбија, Конго и низа други земји од т.н. трет свет по почитувањето на работничките права според извештајот на Mеѓународната Конфедерација на синдикати, извештај кој се смета за најрелевантен кога станува збор за оценување работничките права во земјите низ светот. Од Македонија подобро се рангирани сите Балкански земји, освен Србија. Со подобра оценка се Црна Гора, Албанија, Бугарија, Хрватска и Словачка. Но подобри се и африканската Того, Мозамбик, Буркина Фасо. Оценката која ја доби Македонија – 4, односно „Систематско кршење на работничките права“, означува дека во земјата се работничките права се кршат од страна на Владата и компании блиски до владата. Владата е вклучена во систематско уништување и задушување на колективниот глас на работниците и нивно организирање во синдикати.