заменик градоначалник – Kurir.mk

Заменик градоначалникот на Белград: Збогум Матеј, твојот прекрасен татко ни одржа лекција!

Тале Кристо — Fri, 20 May 2022 14:27:08 +0000

Заменик градоначалникот на Белград Горан Васиќ се опрости од Матеј Периш, хрватскиот државјанин кој ноќ пред Нова година се удави во Белград, и чије тело денеска ќе биде испратено во Сплит. -Збогум Матеј!До крај се надевав дека малку си се сокрил од се и дека сепак ќе го запознаеш Белград во кој што си дошол. Како и ние тебе. Тажен сум. Тажен е Белград. -Сите се плашевме за твојата судбина и се надевавме. Твоите сплитќани, ние белграѓани, загребчани, новосадѓани... Твојот прекрасен татко ни одржа лекција по достоинство. Ангелите нека те чуваат!, напишал Васиќ, пишува српски Телеграф. Претходно од Министерството за внатрешни работи на Србија официјално соопштија дека со ДНK анализа на телото кое беше пронајдено во Дунав, утврдено е дека се работи за хрватскиот државјанин Матеј Периш (1994) чие исчезнување е пријавено во полицијата во Белград на 31 декември минатата година. Според преелиминарните наоди од обдукцијата, смртта настапила по ненасилен пат. -Припадниците на МВР од моментот на пријавата за исчезнување на хрватскиот државјанин интензивно трагаа по него и ги преземаа сите мерки за да го пронајдат и да ги расветлат сите околности за исчезнувањето, се наведува во соопштението.

Руските војници киднапираа заменик-градоначалник

Магдалена Андонова — Sat, 02 Apr 2022 14:52:48 +0000

Руските војници го киднапираа заменик-градоначалник на Нова Слобода, Алексеј Шибаев. Шибаев е киднапиран вчера додека придружувал достава на помош. Тој бил запрен од од руските војници на контролниот пункт на околу 80 километри северозападно од Суми. Нова Слобода е лоциран во регионот Суми, северна Украина. Суми се уште е под контрола на Украина, но е под опсада и е гранатиран од руската артилерија. Голем број други локални украински владини претставници беа заробени од руските окупаторски сили, а во некои случаи киднаперите биле заменети за колаборационистите. (МИА)

Секој обид за влез во Мариупол е многу опасен, вели заменик градоначалникот

Дарко Андоновски — Fri, 01 Apr 2022 08:34:18 +0000

Опколениот Мариупол се уште е затворен за секој обид за влез во него и „многу опасен“ за секој обид за излез, изјави денеска заменик-градоначалникот на тој јужен украински град, кој беше уништен и држен во кругот на руските сили. Петро Андриушченко рече дека руските сили од четвртокот спречуваат испорака на мали количества хуманитарна помош за опколените жители, што јасно покажува дека планираниот „хуманитарен коридор“ не е отворен. „Градот останува затворен за секој влез, а многу е опасно да се излезе со автомобил“, напиша тој во Телеграм. „Покрај тоа, од вчера окупаторите категорично одбиваат да достават каква било хуманитарна помош – дури и во мали количини – до градот“, додава тој. Колоната автобуси што во четвртокот тргна кон Мариупол не стигна до градот во четвртокот вечерта. Градоначалникот на Мариупол оваа недела изјави дека уште 170.000 жители се блокирани и страдаат без струја, храна и друга помош. Русија продолжува да тврди дека не напаѓа цивили Повторените обиди да се организираат безбедни коридори за цивилите да го напуштат градот не успеаја, а двете страни, украинската и руската, се обвинуваат меѓусебно. Русија ги отфрли обвинувањата дека напаѓа цивили и цивилни цели откако ја започна инвазијата на Украина на 24 февруари, што ја нарекува „специјална воена операција“. Конвојот на Меѓународниот комитет на Црвениот крст (MOCK) со хуманитарна и медицинска помош во петок стои во Запорожје бидејќи не се добиени безбедносни гаранции дека може да продолжи кон Мариупол, јавува Би-би-си.

Арсовска ја назначи Бујаре Абази за заменик-градоначалничка

Магдалена Андонова — Fri, 19 Nov 2021 11:22:01 +0000

Градоначалничката на Град Скопје, Данела Арсовска, ја назначи Бујаре Абази за нова заменик- градоначалничка на Скопје. Арсовска денеска свечено го врачи решението, при што на средбата со Абази дискутираа за идната соработка и за предизвиците со кои се соочува Градот. Бујаре Абази е дипломиран инженер на Факултетот за комуникациски науки во Загреб, а има и дополнително високо образование како дипломиран економист. Абази е избрана за член на Советот на Град Скопје на локалните избори што се одржаа во октомври 2021 година.

„Само неколку часа од нашето последно дружење..“ – Брена со трогателна порака се прости од градоначалникот на Загреб (ФОТО)

Магдалена Андонова — Sun, 28 Feb 2021 14:12:55 +0000

Лепа Брена се прости од Милан Бандиќ, со заедничка фотографија и трогателна порака. "Драг наш Милан, ни беше огромна чест и задоволство да ве познаваме и да се дружиме со вас. Вие бевте единствени и ја поседувавте таа величина, секогаш учевме многу од вас. За жал, поминаа само неколку часа од нашето последно дружење и од твојот говор што засекогаш ќе го паметиме за пријателството, љубовта, почитта и семејството. Почивај во мир, нека ти е вечна слава. Брена и Боб, напишала пејачката.

View this post on Instagram

A post shared by Lepa Brena (@lepabrenaa)

Да потсетиме, градоначалникот на Загреб, Милан Бандиќ, почина ненадејно утрово на 66-годишна возраст како последица од срцев удар.

Град Скопје: Загубивме голем пријател и драг колега

Ивона Петрова — Tue, 01 Dec 2020 09:31:40 +0000

Со длабока тага ја информираме јавноста дека денеска почина Енвер Малиќи, заменик градоначалник и член на Советот на Град Скопје. Денеска загубивме голем пријател, драг колега и човек кој својот лик и дело на повеќе нивоа нераскинливо ги врзува за Скопје. Нека му е вечна слава, соопштуваат од Град Скопје. Малиќи почина утринава по компликации од коронавирус.