заменик-министер за здравство – Kurir.mk

Иранскиот заменик министер за здравство позитивен на коронавирусот

Дарко Андоновски — Tue, 25 Feb 2020 12:40:54 +0000

Тестовите што иранскиот заменик министер за здравство Ирај Харирчи ги направил се покажале позитивни на коронавирусот. Иранскиот министер за здравство, Киануш Јаханпур потврди дека Харирчи е позитивен на коронавирусот и се наоѓа во карантин. Во Иран се починати околу 15 лица како последица на корнавирусот, а потврдени се 95 случаи на заразеност, истакна Јаханпур. Јаханпур изјави дека многу случаи со коронавирусот се поврзани со шиитскиот верски центар Комо.

Се уште нема правна и кривична одговорност за екс заменик министерот за здравство

Дарко Андоновски — Tue, 12 Nov 2019 12:15:27 +0000

Се уште нема правна и кривична одговорност за екс заменик министерот за здравство. Денес на 120-тата пленарна седница во Собранието на Република Македонија единствена точка на дневен ред е изборот на новиот заменик министер за здравство. За потсетување, сега веќе поранешниот заменик министер пред неполн месец си поднесе оставка од својата функција по огромните притисоци во јавноста откако се појави видео снимка како бара и зема мито од пациент за закажување на операција. Многу важно е да се напомене дека освен оставката и политичката одговорност на заменик министерот, и по изминат речиси еден месец се уште нема никаква правна и кривична одговорност од сега веќе поранешниот заменик министер. Очигледно е дека заложбите на власта за бескомпромисната борба со корупцијата и криминалот во своите редови е само празна флоскула и лажно изборно ветување, додека во пракса огромниот број на вакви случаи каде целата македонска јавност е сведок за сторен криминал и кривично дело на функционери од власта, истите се заташкуваат и игнорираат од надлежните органи. Овој случај со примање на мито од страна на поранешниот заменик министер, само ја отсликува катастрофалната состојба во која се наоѓа здравството во Република Македонија на чело со министерот Венко Филипче. Токму затоа, незадоволството како на граѓаните, така и на докторите, од ден на ден се повеќе расте. Докторите и медицинскиот персонал работат во субнормални услови, има неконтролиран одлив на стручен кадар од државата, нема капитални инвестиции, нема изградба на болници, нема набавка на медицинска опрема и реагенси, се склучуваат тендери со сомнителни ново отворени фирми, докторите и медицинскиот персонал постојано се цел на закани и физички напади од незадоволни граѓани и уште ред други примери за тоа како функционира здравството во Македонија на чело министерот Филипче.

Собранието ќе избира заменик-министер за здравство, Владата го предлага Арменд Арслани

Ивона Петрова — Tue, 12 Nov 2019 06:46:46 +0000

Собранието на Република Македонија денеска ќе ја одржи 120. седница на која треба да биде избран заменик-министер за здравство. Владата за нов заменик-министер за здравство го предлага Арменд Арслани, специјализант по урологија на Медицинскиот факултет при УКИМ, кој претходно работел како доктор по општа медина во Специјализираната болница за нефрологија во Струга. Арслани треба да дојде на местото на Асим Муса, кој поднесе оставка на функцијата по скандалот дека зел мито од пациент од Албанија за да му овозможи операција во Струга.