заменик министер – Kurir.mk

Димитровски поднесе оставка од функцијата заменик-министер за локална самоуправа

Тале Кристо — Tue, 14 Feb 2023 10:29:58 +0000

Заменик-министерот за локална самоуправа Зоран Димитровски, кој е од редовите на Демократскиот сојуз, денеска поднесе оставка од функцијата, потврди за МИА претседателот на Демократски сојуз Павле Трајанов. Повлекувањето од функцијата следува откако Демократскиот сојуз вчера ја напушти владината коалиција. Премиерот Димитар Ковачевски претходно изјави дека очекува функционерите на ДС да поднесат оставки, оценувајќи дека одлуката на Демократскиот сојуз не претставува никакво нарушување на стабилноста на владиното мнозинство.

Косовскиот заменик-министер за правда најави посета на осудените за „Диво насеље“

Тале Кристо — Wed, 08 Dec 2021 09:50:28 +0000

Заменикот министер за правда на Косово, Блерим Салаху најави дека утре ќе ги посети косовските државјани кои се осудени за случајот „Диво насеље“, кои ги служат казните во македонските затвори за настаните од мај 2015 година во Куманово, јави дописникот на МИА од Приштина. Во синоќешното интервју за телевизијата Т7, Салаху рече дека, по воспоставената комуникација со Министерството за правда на Северна Македонија, добил дозвола за во четврток да ги посети затворениците осудени за споменатиот случај. – Како Министерство, имајќи го предвид Законот за државјанство, во кој се нагласува јасно дека државјанинот има тесни врски со државата, ние имаме обврски (кон државјаните на Косово). Имаме потврда од македонскиот заменик министер за правда дека можеме да ги посетиме во четврток. Ќе ги посетиме, ќе ги видиме условите, потоа ќе преземеме мерки, како што е испраќање дописи до тамошната влада за да создадат подобри услови, рече Салаху. Претставникот на Владата во Приштина побара целосно расветлување на случајот и расчистување на дилемите околу тоа што точно се случи во кумановската населба во 2015 година. – Јас целосно се согласувам со потребата овој случај да се расветли, почнувајќи од прашањата како тие луѓе отидоа таму. Значи, зошто се случи тоа што се случи, кој го организираше?, рече Салаху. Осум полицајци – припадници на специјалната единица „Тигар“ и 14 осомничени терористи ги загубија животите во крвавата дводневна битка на 9 и 10 мај 2015 година. Десетици беа приведени од полицијата, а ранети беа уште најмалку 40 лица. Вкупно 33 лица обвинети добија затворски казни во времетраење од 12 години до доживотно, а четворица се ослободени од обвинението. Седуммина се осудени на доживотна затворска казна. Основниот кривичен суд Скопје на уште 13 обвинети им пресуди 40 години затвор, на шестмина по 20 години, на еден обвинет 18 години, на двајца обвинети по 14 години, на двајца по 13 години, и на по 12 години уште двајца од обвинетите.

Милошоски: Кој од замениците министри на Заев како инспектор ги злоупотребил своите овластувања и бил осуден?

Дарко Андоновски — Mon, 21 Sep 2020 11:35:42 +0000

Антонијо Милошоски од ВМРО-ДПМНЕ преку статус на Фејсбук прашува „Кој од замениците министри предложени од Заев своевремено како инспектор ги злоупотребил своите овластувања и побарал/зел парични средства од стопанственик во неговата општина, за што бил и осуден“? -Не толку тешка тема за истражување на новинарите: - Кој од замениците министри предложени од Заев своевремено како инспектор ги злоупотребил своите овластувања и побарал/зел парични средства од стопанственик во неговата општина, за што бил и осуден? Дали таквите кадри се моралната поука на владата во борбата против корупцијата и дали до утре можеби овој предлог за заменик министер ќе биде повлечен?, стои во неговиот пост на Фејсбук.

Не толку тешка тема за истражување на новинарите: - Кој од замениците министри предложени од Заев своевремено како... Posted by Antonio Milososki on Monday, September 21, 2020

Разрешен рускиот заменик-министерот за внатрешни работи

Тале Кристо — Fri, 10 Apr 2020 09:30:46 +0000

Рускиот претседател Владимир Путин го разреши заменик- министерот за внатрешни работи Александр Романов, кој истовремено е и раководител на одделот за истраги. Путин го потпиша указот за разрешување непосредно откако вработени во тоа Министерство беа уапсени за корупција. Случајот против неговите двајца заменици е покренат во врска со информациите добиени од Истражната единица на Министерството за внатрешни работи на 1 април. Замениците Александар Краковки и Александар Бирјуков беа уапсени на 3 април. Според истражителите, тие го довеле во заблуда Романов и помогнале да се ослободи бизнисменот Алберт Кудојан, кој е под истрага за измама од 10 милиони долари. Кудојан е во домашен притвор.

ФАТЕН НА ДЕЛО: Заменик министерот за здравство Асим Муса однапред зема 50 евра од побараните 1.000 за извршување на операција (ВИДЕО)

Дарко Андоновски — Mon, 14 Oct 2019 19:08:08 +0000

Заменик-министерот за здравство Асим Муса е вмешан во корупциски скандал при што и е фатен на дело. Муса беше фатен од екипата на најпознатото албанско истражно шоу, Фикс Фаре, кое се емитуваше вечерва во 20:10 часот на Top Channel. Имено заменик министерот Муса се пазарел со пациент од Албанија за да се изврши операција во една од болниците во Струга. За оваа работа, Муса побарал 1.000 евра, додека однапред земал 50 евра. Во емисијата се вели дека заменик министерот меѓу другото правел и сунети и дека тоа го правел за бакшиши.