заминува – Kurir.mk

Жбогар си заминува од Македонија: Со 30 фотографии ќе го одбројувам времето

Тале Кристо — Sun, 16 Aug 2020 18:09:17 +0000

Евроамбасадорот Самуел Жбогар, најави дека за 31 ден ќе ја напушти земјава. Жбогар на социјалните мрежи најави дека секој преостанат ден ќе објавува по една фотографија од Македонија што засекогаш ќе му остане во сеќавање. -Возбуден сум што се враќам дома, но истовремено сум облиен со емоции за времето што го оставам зад себе. Со 30 фотографии ќе го одбројувам времето и ќе се навраќам на сеќавањата од изминатите четири години, напиша Жбогар.

In 31 days I'll be leaving ??. I'm exited to return home, but also overwhelmed with emotions of the time I'm leaving behind. In 30 slides countdown I'll reflect on the memories of the last 4 years. 1/30 pic.twitter.com/HAUhxMVbvs
— EU Ambassador (@AmbassadorEU) August 16, 2020

Бебето родено 690 грама, заминува здраво по три месеци од ГАК

Магдалена Андонова — Fri, 31 Jul 2020 14:48:17 +0000

По три месеци и четири дена на Универзитетската Клиника за гинекологија и акушерство -Скопје, со престој на одделот за интензивна нега и терапија (ОИНТ), предвремено роденото бебе Инара денеска замина дома како здраво бебе во добра општа состојба. Од Клиниката информираат дека бебето е родено на 27 април годинава и тоа предвреме во 28 гестациска недела, со само 690 грама, а денеска стручниот тим го испиша со 2.120 грама телесна тежина. -Тримесечната Инара денеска првпат ќе влезе во својот дом во скопското село Грчец, по 3 месеци поминати на ОИНТ, период во кој тимот лекари и медицински сестри секојдневно ја следеа нејзината здравствена состојба и заедно со новороденото ги надминаа сите предизвици кои се испречуваа пред нив. Тоа е нашата најмала хероина во 2020 година, родена спонтано, со застој во растот во текот на бременоста, информираат од Клиниката. Началничката на ОИНТ, Рената Димитриоска истакна дека во овој период од три месеци предвремено роденото бебе континуирано било следено и му биле правени редовни контроли на виталните органи кои, сега при испишувањето, се во референтните граници. -Бебето имаше исклучителни проблеми со дишењето кои доаѓаат со незрелоста и малата родилна маса, поради што 40 дена беше приклучено на механичка вентилација (респиратор), а потоа продолжено со неинвазивна (CPAP) вентилација уште 15 дена, што значи дека безмалку два месеци беше со потпомогната дишна функција. Овие мали бебиња често имаат проблем со отворени фетални комуникации (ДАП), кои претежно бараат и хируршки третман. ДАП имаше и нашето бебе, што во одреден период ја компромитираше респираторната функција, меѓутоа успеавме конзервативно да го затвориме, рече Димитриоска. Таа објаснува дека предвремно родените бебиња со екстремно мала родилна тежина се со намалена отпорност и се подложни на потешки инфекции. – И кај Инара се боревме со потешка инфекција која за среќа, беше успешно излекувана. Сепак, во рамки на екстремната незрелост и малата родилна тежина и целокупниот спроведен третман, новороденото го испишуваме во добра општа состојба. Бебето е стабилно и нема значајни оштетување на виталните органи, додаде Димитриоска.

Клоп го потврдува заминувањето на Лалана од Ливерпул

Тале Кристо — Wed, 08 Jul 2020 12:49:48 +0000

Тренерот на Ливерпул, Јирген Клоп го најави заминувањето на играчот од средниот ред Адам Лалана на крајот на сезоната 2019/20. – Јасно е дека Адам ќе го напушти тимот ова лето. Иако тој сè уште не е заминат, мене веќе ми недостасува сè што е поврзано со него. Тој е неверојатен професионалец, еден од највлијателните фудбалери во однос на тренинзите, меѓу сите оние со кои сум работел во текот на мојата кариера. На Адам му посакувам се најдобро за неговата идна кариера. Ми се чини дека тој веќе стана легенда на Ливерпул, сега може да стане легенда во друг клуб, изјави Клоп. Лалана се пресели во Ливерпул од Саутемптон летото 2014 година. На негова сметка се 22 голови и 22 асистенции на 178 натпревари за „црвените“.

Балотели ќе си замине од Бреша во летниот преоден рок

Тале Кристо — Thu, 21 May 2020 07:06:05 +0000

Марио Балотели ќе го напушти тимот на Бреша на крајот на сезоната 2019/20, објави новинарот Николо Скира. Според добриот познавач на италијанскиот фудбал, за 29-годишниот Балотели се заинтересирани турски Галатасарај и бразилски Васко да Гама. Се известува дека двата клуба веќе започнале преговори со агентот на играчот, Мино Рајола. Балотели и се придружи на Бреша летото 2019 година како слободен агент. Тој има пет гола на 19 натпревари за тимот во сезоната 2019/20. Порталот „Transfermarkt.com“ ја проценува вредноста на играчот на 5,5 милиони евра.