жан дрвошанов – Kurir.mk

„ПРЕД ДОЖДОТ“

Дарко Андоновски — Wed, 01 Jun 2022 12:42:36 +0000

ПРЕД ДОЖДОТ „Навистина се согласувам дека да се прави политички маркетинг на маката на нашите сограѓани е недолично. Но, кога граѓаните доцна во ноќта преку телефон барат помош, кога се нервозни заради маката што ги снашла ние кои сме зеле обврска да се грижиме за јавното и општото добро не смееме да не реагираме. Затоа, многу важно е да се има во предвид дека нашите реакции не се случајни. Постојат факти зошто Костадинов и СДСМ во Струмица се одговорни за работите што пропуштија да ги направат пред дождот во Струмица: 1. Дали случајно Градоначалникот Костадин Костадинов во својата изборна програма за локалните избори 2021 ја нема спомнато улица ,,Младинска”, ниту решевањето на проблемот со поплавите. 2. Во сите претходни изборни циклуси изминативе 16 години СДСМ на изборите ветуваше дека улица Младинска повеќе нема да се поплавува. 3. Затоа пак, на локалните избори во 2017 година СДСМ во својата изборна програма ветуваа: Да поставиме одводен канал за атмосферска вода на улица „Младинска“ 4. На локалните избори 2009 година СДСМ во својата изборна програма пред струмичани вети посебен проект за ова прашање. 5. Исто така поранешниот градоначалник Зоран Заев во 2014 година ни ветуваше дека со ободниот канал е решен проблемот на улица ,,Младинска”. Затоа потребно е да се запрашаме што Костадинов и СДСМ пропуштија да направат пред проблемите кои не снајдоа деновиве: 1. Во мојата изборна програма за локалните избори 2021 ветивме дека ќе се заложиме за санација на поплавите на ,,Младинска” преку ископување на одводен канал на улиците „Младинска“ и „Маршал Тито“, ќе се спречи поплавувањето на околните куќи; Таа идеја, се разбира, се уште е една опција пред мнозинството во Советот. 2. ВМРО-ДПМНЕ Струмица преку својата Советничка група и пратениците во повеќе наврати бара и предлага решавање на овој проблем. Патем, Владата на СДСМ, предводена од Зоран Заев при креирење на буџетот за 2022 година ги отфрли амандманите на пратениците на ВМРО-ДПМНЕ со кои се предвидуваше изградба на ободен канал на улица Младинска во должина од 2 километри со поставување на 20 нови шахти. 4. Владата на СДСМ, предводена од Зоран Заев при креирење на буџетот за 2022 година ги отфрли амандманите на пратениците на ВМРО-ДПМНЕ со кои се предвидуваше изградба на ободен канал за атмосферски води во Куклиш и покривање на ободниот канал во Дабиле. 5. Градоначалникот Костадинов го одби аманданот на Советниците на ВМРО-ДПМНЕ за подобрување на атмосферска канализација на улица Ѓорги Трајков, која излегува на улица Младинска. 6. Градоначалникот Костадинов го одби аманданот на Советниците на ВМРО-ДПМНЕ за Изградба на одводен канал во Куклиш (од Џоко Стојанов до училиштето) 7. Градоначалникот Костадинов го одби аманданот на Советниците на ВМРО-ДПМНЕ за атмосферска канализација на улица МХЈ од куќен број 95 до куќен број 103 8. Градоначалникот Костадинов го одби аманданот на Советниците на ВМРО-ДПМНЕ за одводните канали во селата Дабиле и Муртино. 9. Покрај овие предупредувања и предлози како дел од комисијата за штети при општина Струмица од ВМРО-ДПМНЕ побаравме свикување на седница за проценка на штетите од невремето во Општина Струмица. Значи ние нашата задача како опозиција со конструктивен пристап низ редица предлози и барања уредно ја завршуваме пред дождот. Ама, дождот ги открива сите оние запретани шахти и проблеми затруени по фиоки на една локална администрација која веќе предолго трае“. Фејсбук статус на Жан Дрвошанов.

Дрвошанов: Првите 100 дена од мандатот на Костадин Костадинов поминаа со популизам, струмичани сега плаќаат најскап гас

Тале Кристо — Wed, 09 Feb 2022 13:52:47 +0000

Првите 100 дена од мандатот на Костадин Костадинов поминаа со популизам, сликање и безидејност, изјави денеска Жан Дрвошанов, претседател на ОК на ВМРО-ДПМНЕ Струмица. Во продолжение интегрален текст и видео од изјавата на Дрвошанов: Додека од ветените капитални проекти нема „ниту трага, ни глас”, неколку пати крпењето на истите дупките по улиците се прикажува како градежна офанзива. Во другите градови неговите колеги отпочнаа крупни капитални проекти додека Костадинов се слика со градинката во касарната завршена пред неговиот мандат која се уште не може да ја стави во функција. Иако претставен како амбициозен градоначалник кој за првата година ветуваше крупни проекти да потсетиме: парк на местото на пазар Чешел, нов археолошки и историски музеј, боемски парк, парк шума, нова противпожарна станица, пат кој ги поврзува Сачево и Свидовица, куглана, кино сала, подземни контејнери - од сето тоа нема ништо. Да го потсетиме Костадинов дека во предизборната кампања ветуваше преземање на мерки за чист воздух, а сведоци сме дека Струмица и понатаму е еден од најзагадените градови во Европа. Без конкретна стратегија, без мапирање на загадувачите и без дебата сака да се амнестира од одговорноста за 16 годишното владеење на СДСМ во општина Струмица и непреземањето на никакви мерки против аерозагарувањето. Патем најголемото и скапо решение – гасификацијата на општина Струмица се покажа доста неупешно. Струмичани плаќаат најскап гас кој во месец јануари достигна цена и од 81 денар. И додека во својата програма ветуваше дека Струмица ќе стане земјоделски, економски и младински центар во последното свое интервју најави дека Струмица ќе биде центар за производството на канабис. Да не заборавиме дека Костадин Костадинов покрај градоначалник стана и член на извршниот одбор на владејачката партија. Па затоа, останува да го потсетиме дека Струмица во овој втор национален мандат на Владата на СДСМ ги очекува ветените експресен пат Струмица – Смоквица, патот Ново Село – Струмица, четирите ленти на патот кон Дабиле, спортски сали, потоа лизгалишта, читални. Почитувани, Очигледно, во првите 100 дена добробитта од оваа гарнитура ја почувствуваа неколку блиски луѓе на партијата на власт но, за струмичани засега нема ништо, рече Дрвошанов.

Струмица се соочува со урбанистички хаос! Наместо плански решенија, актуелната локална власт гради каде што ќе и текне

Тале Кристо — Wed, 06 Oct 2021 14:26:09 +0000

Струмица се соочува со урбанистички хаос! Наместо плански решенија, актуелната локална власт гради каде што ќе и текне. Зборуваат за старата струмичка чаршија, а ние добро се сеќаваме кои се главните фактори за нејзиното пропаѓање. Поентите од моето обраќање се причина повеќе зошто треба да го заокружите бројот 7, вели во својата Фејсбук објава кандидатот за градоначалник на општна Струмица од редовите на ВМРО-ДПМНЕ Жан Дрвошанов.

Дрвошанов со проектот „Смарт Струмица – дигитална општина“

Ристе Здравков — Tue, 05 Oct 2021 17:53:22 +0000

Кандидатот на ВМРО-ДПМНЕ за градоначалник на Струмица на својот Фејсбук профил го престави проектот за „СМАРТ Струмица - Дигитална општина“, еве што објави: ➡Ние имаме за вас причина повеќе која ќе ве поттикне да го заокружите бројот 7️⃣. ➡Слушнете што има да ви пренесе мојата сопартијка Тања Дедејска за проектот „СМАРТ Струмица - Дигитална општина“

Дрвошанов: Нови булевари, нов градски пазар и привлекување на инвестиции во Струмица

Магдалена Андонова — Mon, 04 Oct 2021 19:24:08 +0000

Кандидатот за градоначалник од ВМРО-ДПМНЕ во Струмица, Жан Дрвошанов, на вечерашниот митинг во Струмица истакна: Се надвиснале проблеми над нашата заедница, општина и татковина. Проблеми кои секој ги гледа. Газиме по отпад, загаден ни е воздухот, економијата ни тоне, а државата не реагира. И први тоа го видоа младите и решија да заминат насекаде во светот. Нам ни зададоа само една единствена обврска. Да создадеме иднина за Македонија, да понудиме проекти, да направиме промена, да победиме. Да најдеме решение за овие 16 години натрупани проблеми, посочи Дрвошанов. Тој рече дека програмата на претходниот градоначалник е нереализирана, голем дел остана неостварено од сето што беше ветено, а причината зошто тој не е повторно кандидиран е неговото противење на лошите договори кои оцртале како владее оваа власт. Дрвошанов најави детална анализа за неодговорното работење на власта во Струмица. Мојот против кандидат Костадин Костадинов зборува за образование, а ваму местото кое што е предвидено во урабнистичкиот план за училиште ќе го правел замислете – боемска улица. Од пазарот наречен Чешел, од едно несредено место за продавачи и купувачи – сега ќе направеле боемска улица. Зборува Костадинов и за Старата чаршија, како да струмичани не се сеќаваат дека чаршијата почна да пропаѓа откако се отвори наводно најдобрата инвестиција „Глобал“. А кога веќе сме кај Глобал, да потсетиме дека до денеска нема расчистување на причините за пожарот, а тие интензивираат сликање по митинзи, критикуваше кандидатот. Тој вели дека власта во Струмица може да се пофали само со фабриките кои се донесени од ВМРО-ДПМНЕ, затоа што немаат донесено ниту една инвестиција за струмичани. -Во деновите што следуваат вашата доверба ја бараме заради изградбата на новата булеварска инфраструктура која ќе ги поврзува граѓаните. Доверба заради изградба на современ градски пазар со можност повторно Струмица да го врати својот препознатлив изглед со своите квалитетни производи. На Струмица и е потребна заложба за модерното и извозно ориентирано земјоделско производство, потребни и се нови понуди за стопанските гранки, нови вработувања и подобар стандард за граѓаните, нови можности за културен и спортски живот, истакна Дрвошанов. Тој вели дека еден од приоритетите е Струмица да биде еколошки чиста без диви депонии кои го загрозуваат здравјето на граѓаните. -Мојот збор пред вас вечерва е силен и означува сигурна реализација на ветеното, сигурно решавање на проблемите. И затоа Ве повикувам да ни се придружите. Да ги посетите вашите пријатели и да ги потсетите дека на 17-ти октомври Струмица и Македонија се пред решавачки избор. На 17-ти октомври во Струмица бројот 7 да значи победа и создавање на нова иднина, посочи Жан Дрвошанов на митингот во Струмица вечерва.

Дрвошанов во Струмица: Поевтина вода и трајни решенија на отпадот во Струмица

Ивона Петрова — Fri, 01 Oct 2021 12:18:25 +0000

Нашата програма е направена во соработка со граѓаните како решение за конкретни проблеми. Нема да нудиме нереална програма со проекти кои никогаш нема да се остварат, вели кандидатот за градоначалник на Општина Струмица од ВМРО-ДПМНЕ, Жан Дрвошанов. Тој вели дека општина Струмица е пример за такви програми. Овде власта веќе 16 години ветува но, реално не остварува. -Наместо за огромни инвестиции и за грандиозни проекти, ние сите сме принудени како приоритети да ги бираме основните потреби на граѓаните, нешто незамисливо за 21 век. Проблемите се натрупуват врз грбот на граѓаните поради лажните ветувања. Откако ВМРО-ДПМНЕ со коалицијата ќе победи на локалните избори, приоритет ќе добијат проекти кои навистина ги измачуваат граѓаните. Намалувањето на цената на вода за пиење е наша важна определба. Струмица е една од општините во кои граѓаните плаќаат многу скапа вода, а комуналните такси се високи, нагласува Дрвошанов. Посочува дека ВМРО-ДПМНЕ ќе ја намали цената на водата и цената на комуналните такси. Ресурсите ќе ги направиме еднакво достапни за сите. -Струмица има сериозни проблеми поради слабото чистење на ѓубрето додека јавното претпријатие има голем број на вработени. Затоа ние декларираме дека за 100 дена од нашата работа Струмица ќе биде чиста! Во програмата го предложивме проектот кого го нарековме ,,отпадот има вредност”. Општина Струмица на неколку локации ќе постави вендинг машини за рециклирање и конечно во консултација со граѓаните ќе ја разгледаме можноста за формирање на посебна депонија за рециклиран отпад со кој ќе управува посебно претпријатие кое ќе настане по преструктуирањето на ЈП Комуналец. Нашите топ проекти се поврзани со најважните проблеми на сограѓаните како поевтина вода и трајно решение за отпадот. Токму таквиот реален и чесен пристап кон вистинските проблеми е тоа што прави нашите понудени кадри и програмата да бидат фаворити на овие избори. Ги повикувам граѓаните на 17 Октомври да излезат масовно на изборите и да започне создавањето на нова иднина за Струмица, посочува Дрвошанов.

Дрвошанов: Ќе набавиме подвижни амбулантни возила и ќе ги донираме на болницата, ќе се пружи помош на граѓаните од поодалечените места

Магдалена Андонова — Thu, 30 Sep 2021 20:02:16 +0000

Видовме како директорот молеше за амбулантно возило, затоа ние планираме подвижни амбулантни возила за населените места кои се наоѓаат на поголемо растојание од градот да може да се посетат и да им се пружи помош, изјави кандидатот за градоначалник на Струмица од ВМРО-ДПМНЕ, Жан Дрвошанов во дебатата на Телевизија 24 со другите кандидати. Тој потенцираше дека во неговиот мандат нема да се случи директор да моли за помош, туку дека општината силно ќе се заложи во помош кон здравствениот сектор, затоа тие возила ќе бидат набавени и донирани на општината. Дрвошанов зборуваше и дека Струмица има огромен проблем со нечистотијат, улиците не се одржуваат и се полни со ѓубре, а дивите депонии кои се сериозен загадувач на животната средина и додаде дека има решенија за истите. Проблемот со дивите депонии е огромен во Струмица, тие се сериозни загадувачи и постојано се палат, затоа ќе направиме 24 часовен видео надзор на потенцијалните места за диви депонии и служба во рамки на јавното претпријатие за комунални слуги каде ќе има 24 часа дежурна телефонска линија за пријави од граѓаните.

Дрвошанов: Струмица ќе добие нов ДУП за еднаков развој на сите делови од општината, вистински да стане европски град, а не само декларативно

Тале Кристо — Thu, 30 Sep 2021 19:46:43 +0000

СДСМ власта во Струмица ја држат преку партиски вработувања и нерегуларности, додека граѓаните живеат се полошо вели кандидатот за градоначалник на Струмица од ВМРО-ДПМНЕ, Жан Дрвошанов во дебата на Телевизија 24 со другите кандидати за градоначалници на општината. Дрвошанов истакна дека тоа што се гледа од СДСМ се само празни предизборни ветувања, но во 16 години локална власт, единствено што е направено е продлабочени проблеми на граѓаните кои се повеќе сакаат промени кои ќе дојдат на овие избори. - Дојде време за промени, и треба да се промени и начинот на работа, Струмица да биде навистина европски град, а не само декларативно, каде животот на граѓаните навистина ќе биде добар, рече Дрвошанов. Тој потенцираше дека нуди програма која има решенија и проекти насочени кон сите граѓани на Струмица и околината, а средствата кои ги плаќаат граѓаните ќе бидат насочени кон нив. - Нашата програма е направена во соработка со граѓаните и нивните барања и идеи, затоа ќе донесеме нов Детален урбанистички план, за да може инвестициите во општината да имаат посилен ефект и сите делови еднакво да се развиваат, планираме повеќе зелени површни, места за спорт и рекреација. Дрвошанов нагласи дека завршува времето кога во Струмица СДСМ градеше улици од 2 см кои веднаш се раскопуваат, дека доаѓа времето на капиталните проекти во општината

Дрвошанов: Измина цел месец од пожарот во ТЦ Глобал во Струмица, како опозиција нема да изостане нашата задача и бараме одговорност и агилност од властите

Магдалена Андонова — Fri, 05 Feb 2021 15:58:07 +0000

Измина цел месец откако трговскиот центар Глобал во Струмица беше опожарен. До сега не разбравме ниту за причините за пожарот, ниту видовме одговорност. Особено не од општинската власт која не може да одговори како наводната најголема инвестиција на Заев се најде во таква незавидна состојба, изјави денеска на одржаната прес конференција пред Домот на културата во Куклиш, Жан Дрвошанов, претседателот на Општинскиот комитет на ВМРО-ДПМНЕ Струмица. - Ете денеска, се наоѓаме пред друг опожарен објект од редицата такви во Струмица. Домот на култура во Kуклиш и денеска, по изминати седум години, останува само рушевина. Да потсетиме дека зградата на домот со својата централна позиција има и општествено и стопанско значење, тука се одвива целокупниот живот на најголемото населено место-Куклиш. Очигледно е дека и во овој случај не функционира ниту општинската ниту државната власт на СДСМ, истакна тој. - Како опозиција во Струмица нема да изостане нашата задача постојано да бараме одговорност и агилност од властите: -до каде е одговорноста за опожарените објекти во Струмица? -до каде се проектите за ревитализација на овие објекти и нивно повторно ставање во функција на граѓаните? Би сакале да потсетиме дека во овој објект се одвиваше целокупниот културен живот на ова населено место но, воопшто не зачудува фактот за неговата запоставеност. Гледаме дека СДСМ деновиве е презафатен со спорни и несоодветни кадровски решенија од областа на културата во Струмица, посочи Дрвошанов. - Да потсетиме дека уште тогаш како градоначалник зоран заев најавуваше брзо изградување на овој значаен стопански и културен објект на куклиш и, виновна беше државната власт. Но, на лагата и се кратки нозете. Ете со четири маднати на локална власт и во втор мандат на национална власт на СДСМ објектот на домот на култура во куклиш останува рушевина , додаде тој.