Жан-Ив ле Дријан – Kurir.mk

Путин мора да разбере дека НАТО е исто така нуклеарен сојуз, вели Ле Дриан

Ивона Петрова — Fri, 25 Feb 2022 09:33:08 +0000

Владимир Путин мора да разбере дека НАТО е „исто така нуклеарен сојуз“, изјави францускиот министер за надворешни работи Жан-Ив Ле Дријан за ТФ1 по започнувањето на voenqtq офанзива во Украина, тврдејќи дека ја фаворизира стратегијата за економски санкции поради воената интервенција, јави дописникот на МИА. -Претседателот Путин го негираше потписот на Русија бидејќи сите дејствија што се преземаат се во спротивност со обврските преземени од Русија, рече шефот на француската дипломатија. Тој, исто така, ги прекршува своите лични обврски, тој е циник и тој е диктатор“, додаде Дриан. -Мислам дека Владимир Путин исто така мора да разбере дека Атлантската алијанса е нуклеарна алијанса. Нема да кажам повеќе за тоа, додаде тој како одговор на заканите на рускиот претседател за последиците од какво било надворешно мешање во руско-украинскиот конфликт. Жан-Ив Ле Дриан притоа ја бранеше ефективноста на економските санкции. -Гушењето на Русија, фактот да се удри во срцето со економски и финансиски мерки, на долг рок ќе биде многу посилно од каква било интервенција. Збирката мерки што ќе се преземат се многу масивни, многу спектакуларни, многу тешки и ќе бидат многу ефикасни, рече тој.

Ле Дријан: Оружјето од Балканот е се поголема закана за европската безбедност

Ивона Петрова — Tue, 11 Dec 2018 17:42:38 +0000

Милионите парчња лесно оружје што циркулираат низ Балканот, претставуваат голема закана за европската безбедност, изјави денеска францускиот министер за надворешни работи Жан-Ив Ле Дријан. – Европол смета дека меѓу три и шест милиони парчиња огнено оружје циркулираат низ Западниот Балкан. Тоа е огромно количество, изјави Ле Дријан на министерскиот состанок во рамки на француско-германската иницијатива за сеопфатна контрола на малокалибарското и лесно оружје на Западниот Балкан, што се одржа во Париз. Ле Дријан нагласи дека оружјето што потекнува од балканскиот регион во голема мерка го користат криминалните групи и терористите. – При нападите во Франција во јануари и ноември 2015 година, терористите користеа илегално оружје по потелко од овој регион, истакна шефот на француската дипломатија. Извршителите на нападите во Париз на 13 ноември 2015 година, за кои одговорност презеде џихадистичката група Исламска држава, користеа верзии на руските автоматски пушки „Калашњиков“, произведени во српската фабрика „Застава“. Ле Дријан најави дека Франција ќе им помогне на безбедносните сили од регионот со нивна обука и опремување со софтвер за идентификација на илегалното оружје. Покрај тоа, Париз ќе именува и специјален претставник во Француската амбасада во Белград задолжен за борба против шверцот на огнено оружје. Германскиот министер за надворешни работи Хајко Мас во обраќањето на собирот нагласи дека состојбата со илегалното оружје на Западниот Балкан е неприфатлива. Според него, терористи и криминалци со тоа оружје продолжуваат да убиваат луѓе низ цела Европа. Француско-германската иницијатива за сеопфатна контрола на малокалибарското и лесно оружје на Западниот Балкан беше лансирана кон крајот на 2017 година, во чии рамки се поставени цели што треба да бидат исполнети до 2024 година. МИА

Ле Дријан: Париз не се согласува со Вашингтон за Иран

Даниел Василев — Wed, 23 May 2018 08:26:25 +0000

Францускиот министер за надворешни работи Жан-Ив ле Дријан изјави денеска дека не се согласува со одлуката на САД да излезат од нуклеарниот договор со Иран и предупреди дека нивниот метод за воведување дополнителни санкции ќе ја зајакне конзеративната струја во таа земја. - Не се согласуваме со методот, затоа што оваа група санкции кои ќе се воведат на Иран, нема да овозможат дијалог, туку напротив ќе ги зајакне конзервативците и ќе го ослабнат претседателот Хасан Рохани, рече Ле Дријан. Тој оцени дека со таквиот став се ризикува да се загрози регионот уште повеќе. Ле Дријан рече дека Париз ќе продолжи со применување на договорот со Иран иако се согласува со Вашингтон дека треба да се сузбијат иранските балистички активности и неговите регионални хегемонијални амбиции. МИА

Франција ја повика Русија да ги поддржи напорите за мир во Сирија

Даниел Василев — Sun, 15 Apr 2018 12:18:29 +0000

Францускиот министер за надворешни работи Жан-Ив ле Дријан ја повика Русија да ги поддржи меѓунардоните напори за изнаоѓање политичко решение за конфликтот во Сирија. - Треба со здружени напори да го поддржиме политичкиот процес во Сирија, кој ќе овозможи обезбедување излез од крозата, изјави Ле Дријан во интервју за денешниот број на весникот, „Журнал ди Диманш“, само еден ден по вчерашните напади на САД, Франција и Велика Британија врз цели во Сирија. Ле Дријан нагласи и дека Франција ги продолжила редовните контакти и разговори со Русија дури и по зголемувањето на тензиите меѓу Москва и западните земји. Францускиот претседател Емануел Макрон во петокот телефонски разговараше со својот руски колега Владимир Путин за состојбата во Сирија, само неколу часа пред нападите на трите западни земји врз објекти на сириските владини сили. МИА