Жан Катекс – Kurir.mk

Макрон ја прифати оставката на Кастекс, медиумите ја најавуваат Борн за негова наследничка

Тале Кристо — Mon, 16 May 2022 16:33:35 +0000

Францускиот претседател Емануел Макрон ја прифати оставката на премиерот Жан Катекс, соопшти денеска Елисејската палата. Кастекс денеска поднесе оставка до претседателот на Републиката, која тој ја прифати. Медиумите пишуваат дека нов премиер ќе биде актуелната министерка за труд, Елизабет Борн. Претходно денеска, Кабинетот на премиерот соопшти дека Кастекс поднел оставка до претседателот Емануел Макрон. Британските медиуми пренесуваат дека оставката на Кастекс ја овозможува долго очекуваната реконструкција на владата по претседателските избори во април, на кои Емануел Макрон го доби својот втор мандат. Макрон, кој се очекува да испрати сигнал дека ги слушна пораките од гласачите изразени со слабиот одѕив и големата поддршка за радикалната крајна десница и крајна левица, вече изјави дека бара кандидат за премиер „ со зелена и социјална политика“. Неговите сојузници соопштуваат дека најверојатно тој ќе назначи жена за нов премиер, која ќе прва откако Едит Кресон на кратко имаше оваа функција додека на почетокот на 90-тите години на минатиот век претседател на Франција беше Франсоа Митеран.

Францускиот премиер поднесе оставка

Тале Кристо — Mon, 16 May 2022 14:51:40 +0000

Францускиот премиер Жан Катекс денеска поднесе оставка, соопштија од неговиот кабинет. Британските медиуми претходно јавија повикувајќи се на два неименувани владини извори, дека Кастекс пристигнал во Елисејската палата за да поднесе оставка. Оставката на Кастекс ќе ја овозможи долго очекуваната реконструкција на владата, по претседателските избори во април на кои Емануел Макрон го освои вториот мандат.

Францускиот премиер најави оставка во случај да победи Макрон

Ивана Ефремовски — Tue, 19 Apr 2022 18:44:09 +0000

Францускиот премиер Жан Катекс денеска изјави дека има намера да поднесе оставка по вториот круг од претседателските избори, доколку победи претседателот во заминување Емануел Макрон, јави радиото Франс Инфо.

-Ќе поднесам оставка во деновите по изборите доколку Макрон биде реизбран, рече Кастекс, додавајќи дека се зависи од изборните резултати.

Тој навести можност да остане на власт до парламентарните избори закажани за јуни, доколку лидерката на екстремната десница Марин Ле Пен победи на претседателските избори, бидејќи тоа го дозволува Уставот.

Кастекс, кој е од редовите на десничарската Републиканска партија, како причина за неговата евентуална оставка наведе дека е еден од оние кои сметаат дека е потребен нов поттик по реизборот на Макрон.

За Ле Пен рече дека никогаш не управувала со ништо, ниту била на власт. (МИА)