жан тод – Kurir.mk

Нови информации: Жан Тод открива што прават со Шумахер кога го посетува

Ивона Петрова — Mon, 02 Nov 2020 09:39:32 +0000

Големиот пријател на Михаил Шухамер, Жан Тод (74) со кого тој работеше во Ферари, но и актуелен претседател на Светската автомобилистичка федерација (ФИА) е еден од ретките кој освен семејството е информиран за состојбата на Германецот по неговата несреќа на скијање во 2013 година. Тој во интерјву за „Де Телеграф“ потврди дека редовно го посетува седумкратниот светски првак, а во една прилика откри и дека заедно гледаат трки. -Редовно одам кај Михаил. Заедно гледаме телевизија. Неговата борба трае, заедно со членовите на семејството и докторите, изјавил Тод. На прашањето дали Михаил е свесен за успехот на својот 21 годишен син Мик, кој наскоро ќе стане дел од Формула 1, Тод без конкретен одговор. -Нема да зборувам за тоа бидејќи не сакам да одам во детали. Тоа се приватни работи. Мик е млд и талентиран возач. Има големо име, но големо име не управува со воланот. Кога ќе дојде во Формула 1 нема да има победнички болид. Ќе му биде потребно време и прерано е да се знае дали има талент како неговиот татко или како Макс Верстапен или Луис Хамилтон. Уште не знаеме, изјави Тод.

Тод: Го видов Шумахер, се надевам дека целиот свет ќе може повторно да го види

Тале Кристо — Sun, 19 Jul 2020 09:27:03 +0000

Поранешниот прв човек на тимот на Ферари во Формула 1, Жан Тод изјави дека е информиран за ситуацијата со која се соочува Михаел Шумахер со години. Легендарниот Германец имаше сериозна несреќа пред шест и пол години и оттогаш не се појавил во јавноста. Исто така, информациите за неговата здравствена состојба се скудни, а одвреме-навреме се појавуваат шпекулации дека семејството на секој начин се обидува да го одржи во живот. Тод истакна дека неодамна го видел Шумахер. – Го видов минатата недела. Тој се бори. Се надевам дека светот ќе има шанса повторно да го види. Тој и неговото семејство се стремат кон тоа, рече Тод. Наводно, Шумахер треба да помине третман со матични клетки, но сигурно е дека постапката била прекината поради пандемијата на коронавирус. Тод зборуваше и за актуелните светски проблеми, вклучително и расизмот, што го истакна шампионот на Ф1, Луис Хамилтон. – Мојата сопруга е од Кина, понекогаш има проблеми. Луис е погоден од тоа, тој искуси сè, но… Јас велам дека сите животи се важни, не само животот на црнокожите, или припадниците на жолтата или белата раса. Сите животи, заврши Тод. Тој наводно има намера да се кандидира за прв човек на ФИА.

Тод: Фетел има многу можности да ја продолжи кариерата, дури и надвор од Формула 1

Тале Кристо — Wed, 20 May 2020 13:44:59 +0000

Претседателот на ФИА, Жан Тод, го коментираше она што се случи минатата недела со четирикратниот шампион Себастијан Фетел. Французинот, кој е поранешен шеф на Ферари и има огромна заслуга за најголемите успеси во историјата на „Скудерија“, е на мислење дека кој и тим да потпише со Германецот за следната година, ќе има многу среќа во оваа ситуација. Себастијан Фетел и Ферари официјално објавија дека оваа година ќе биде последната во која заедно ќе се натпреваруваат. Така, по шест години Себ ќе може да преговара со тимови како Мерцедес, Рено и други. – Себастијан Фетел е еден од најголемите таленти во мотоспортот. Тој има многу можности да ја продолжи кариерата, дури и надвор од Формула 1. Можам само искрено да посакам да може да ги спроведе своите идеи. Без оглед кој тим ќе потпише со него, од сега па натаму ќеима многу среќа. Можеби по години тој ќе биде многу добар претседател на ФИА. Вие не знае што може да се случи, рече Жан Тод.

Потврдено: Новите регулативи во Ф1 се одложени до 2022 година

Ивона Петрова — Fri, 20 Mar 2020 10:28:33 +0000

Формула 1, ФИА и сите тимови се согласија да ги воведат новите регулативи една година подоцна – во 2022 година. Одлуката беше донесена за време на конференциски повик во четвртокот помеѓу шефовите на тимовите, претседателот на ФИА, Жан Тод, спортскиот директор на Ф1 Рос Браун и извршниот директор на Либерти Медиа – Чејс Кери. Страните се согласија дека сегашните правила ќе продолжат да се применуваат во 2021 година. Развојот на делови, вклучително и шасијата и менувачот, ќе биде замрзнат. Во подоцнежна фаза, ќе се овозможи развој на аеродинамични елементи. Задоцнувањето на новите правила ќе влијае на финансискиот капацитет на тимовите за развој на следната генерација автомобили, бидејќи новиот буџетски таван ќе биде воведен во 2021 година.

Жан Тод откри детали за состојбата на Шумахер

Курир — Fri, 12 Jul 2019 09:24:00 +0000

Претседателот на Меѓународната автомобилистичка федерација (ФИА) – Жан Тод направи тажни откритија во врска со статусот на неговиот добар пријател Михаел Шумахер. Според прогнозата на Французинот, легендарниот Ф1 тркач никогаш нема да се опорави целосно по инцидентот спри скијање. Во 2013 година, непосредно пред одбележувањето на Нова година, 7-кратниот светски шампион падна врз скриен под снегот камен и тоа доведе до сериозни трауми на мозокот. Тој итно беше опериран во локална болница, а оттогаш неговото семејство значително го ограничи протокот на информации во јавниот простор. Од пред извесно време Шумахер се врати во својот дом крај Женевското Езеро, каде што многу малку луѓе, како Тод, добиваат можност лично да се гледаат со 50-годишниот поранешен пилот. Французинот продолжува да го посетува Шуми при секоја можност, а минатата недела беше специјален гостин на Фестивалот за брзина „Гудвуд“ во Западен Сасекс, Англија, каде беше оддадена посебна чест. – Неговото семејство се бори исто толку колку и тој, но нашето пријателство никогаш не може да биде истото, како што беше порано. Само затоа што повеќе нема иста комуникација како порано. Можам само да споделам дека семејството на Шумахер вложува многу за да се грижи добро за него и тој продолжува со битката“ – изјави Тод за весникот „Експрес“

Пријателот на Шумахер ја откри неговата состојба на неговиот 50-ти роденден: „Гледавме многу трки заедно…“

Дарко Андоновски — Thu, 03 Jan 2019 20:44:13 +0000

Жан Тод, поранешниот шеф на Ферари и најдобар пријател на Михаел Шумахер, откри каква е состојбата на легенарниот возач од Формула 1.

Шумахер денеска слави 50. роденден и неговата сопруга се огласи во јавност, но не откри повеќе детали за неговата состојба и колку оздравел по несреќата, која ја доживеа пред пет години. Меѓутоа, неговиот пријател не беше толку внимателен и откри некои детали, според кои може да се заклучи дека здравствената состојба на Шумахер очигледно е подобрена. Тод призна дека кај Шумахер неодамна ја гледале заедно трката за Големата награда на Бразил, а тоа не би се случило, доколку легендарниот возач бил приклучен на апарати и лежел во кревет. „Со него гледав многу трки пред и по несреќата. Гледавме многу трки заедно и ќе гледаме уште многу во иднина“, кажа Тод.

Тод за Шумахер: Време е да го оставиме на мир…

Ивона Петрова — Thu, 02 Aug 2018 10:17:35 +0000

Претседателот на Светската автомобилистичка федерација (ФИА), Жан Тод често оди во посета на поранешниот Формула 1 шампион Михаел Шумахер, но она што го пренесе во јавноста не звучи оптимистички. За Шумахер многу малку се знае, откако доживеа несреќа при скијање во Франција во 2014-та и се здоби со тешки повреди на мозокот, поради кои шест месеци помина во вештачки предизвикана кома. Јавноста од тогаш преку портпаролот на семејството Сабине Кем добива многу ретки информации за поранешниот Формула 1 шампион. Вистинската состојба на нештата, за тоа дали Шуми навистина е само „растение“ кое не може да зборува и да се движи и има нешто повеќе од 40 килограми, како што беше шпекулирано во последните неколку години, ги знае само неговото семејство и најблиските пријатели кои го посетуваат. Меѓу нив е Жан Тод, претседател на ФИА и поранешен шеф на Михаел во Ферари. - Михаел е опкружен од страна на членовите на семејството, и јас сум навистина привилегиран и среќен да имам можност често да го гледам, изјави Тод во интервју за весникот „Ла Насион“. И тогаш кажа реченица за седумкратниот шампион која не влева оптимизам. - Неговото здравје е негова приватна работа и мислам дека е време да го оставиме Михаел да го помине животот во мир, додаде Тод. Во меѓувреме, додека јавноста сѐ уште чека „трошки“ за состојбата на големиот ас, династијата Шумахер продолжува да запишува успеси на тркачката патека. Синот на Мајкл, Мик минатата недела ја постигна првата победа во натпревар во Формула 3 откако триумфираше во Спа - истата онаа патека, на која неговиот татко во 1991 година го направи своето деби во Формула 1, а една година подоцна ја постигна првата победа во кариерата во Ф1. МИА

Еклстоун: Тод се оддалечува од Ф1, ова може да доведе до катастрофа

Матеја Петровски — Wed, 30 May 2018 10:26:28 +0000

Поранешниот генерален директор на Формула 1, Берни Еклстоун, го критикуваше претседателот на Светска автомобилистичка федерација (ФИА), Жан Тод. Според него, Тод веќе не е вклучен во раководењето со шампионатот во Ф1. - Јас создадов структура, стратешка група која ги развиваше правилата, вклучуваше тимови, ФИА, ФОМ. Секој имаше еднаков број гласови. Сега Тод е премногу зафатен, работи на различни работи, работи 24 часа на ден, но се оддалечува од Формула 1. Ова ме загрижува. Мислам дека претседателот на ФИА треба да учествува во работата. Се надевам дека ова нема да доведе до катастрофа. Тод мора да ја задржи Ф1 во неговите раце, истакна Еклстоун. Еклстоун кој четири децении раководеше со Ф1 од време на време излегува со критики како до раководството на овој спорт, така и до првиот човек на ФИА.