занзибар – Kurir.mk

Занзибар – туристичка атракција во подем (ВИДЕО)

Тале Кристо — Wed, 05 Jul 2023 06:56:58 +0000

Занзибар е дел од државата Танзанија во Источна Африка, т.е. архипелаг што се состои од два поголеми острови - Унгуја и Пемба и повеќе помали острови. Занзибар е островска полуавтономна област којашто се обедини со Тангањика во 1964 година, со што беше основана Обединетата Република Танзанија. Се работи за острови опкружени со тиркизната вода на Индискиот Океан, 25 - 50 километри оддалечни од брегот на африканското копно. Островите се прилично ниски - највисокиот врв достигнува само 120 метри надморска височина. Вреди да се спомне и тоа што околу половина од населението во областа живее под прагот на сиромаштија. Главен град на островот е градот Занзибар и тој се наоѓа на островот Унгуја. Историското средиште на земјата - Камениот Град, е на списокот заштитено светско наследство. Туризмот во Занзибар е стопанска дејност во развој, поттикната од Владата, што бележи раст - од 19.000 туристи во 1985. на 376.000 посетители во 2016 година. На островот се пристига преку пет морски пристаништа и меѓународниот аеродром „Абеид Амани Каруме“ што може да опслужи до 1,5 милиони патници годишно. Морскиот екосистем на Занзибар е важен дел од економијата, риболовот и во однос на разновидноста на Индискиот Океан, со ендемски и ретки видови.

Не ја запалија само сцената на Евровизија – српските претставнички буквално горат на плажа во Занзибар, мажите особено се среќни по оваа глетка

Дарко Андоновски — Wed, 09 Jun 2021 07:40:50 +0000

Уриганките кои буквално палеа и жареа на Евровизија која се одржа минатиот месец, овие денови заминаа на заеднички одмор на Занзибар. Сите три на оваа егзотична локација го искористија доброто време за да се соблечат во костими за капења и веднаш да се впуштат на капењето со оглед на тоа дека нема некој кој не го чекаше ослободувањето на мерките против ширење на коронавирусот. Трите веднаш споделија фотографии со фановите во бикини, тие буквално ги нападнаа со позитивни коментари за нивните изгледи. И додека двете од трите пејачки беа во црно бикини, третата се одлучи на сино цветно бикини.

Јордан Савески, дедото на министерот Филипче бил во Занзибар на истиот авион со битолчаните, кои го донесоа британскиот корона сој?

Ивана Ефремовски — Mon, 08 Mar 2021 11:38:27 +0000

Дали дедото на Венко Филипче, др. Јордан Савески беше во Занзибар со оние пациенти од Битола кои се вратија со британскиот сој на корона вирусот? - прашува Игор Здравевски на својот Фејсбук профил. -Дали оваа глума и ова лудило има крај? - прашува тој.

Детектиран британски сој на коронавирусот и кај вториот македонски граѓанин вратен од Занзибар

Ивана Ефремовски — Thu, 04 Mar 2021 15:48:04 +0000

Министерството за здравство ја информира јавноста дека според анализите што денеска ги направи МАНУ на брисот од другиот пациент кој пред неколку дена се врати од Занзибар, детектирано е присуство на британскиот сој на вирусот СарсКов2. И кај првиот пациент, кој заедно со вториот патувале во Занзибар, беше детектиран британскиот сој на вирусот. Двајцата пациенти се хоспитализирани веднаш откако ги добиле првите симптоми. Комисијата за заразни болести вчера предложи задолжителен домашен карантин од 14 дена за лицата кои доаѓаат од сите африкански земји.

Јужнофриканскиот сој се уште не е детектиран, карантин за патниците од Занзибар, не се исклучени нови рестрикции

Ивона Петрова — Thu, 04 Mar 2021 06:20:40 +0000

Расте бројот на новозаразени и на активни случаи со Ковид-19, се повеќе со британскиот сој кој побрзо се пренесува и се шири. Во земјава се уште не е детектирано присуство на јужноафриканскиот сој на вирусот. Кај едно од двете лица кои се вратија од Занзибар со ковид симптоми потврден е британскиот сој, а за вториот резултатите ќе бидат познати денеска. Двајцата пациенти се хоспитализирани веднаш откако ги добиле првите симптоми на вирусот СарсКОв2. Комисијата за заразни болести предложи задолжителен домашен карантин од 14 дена за лица кои доаѓаат од сите африкански земји. Министерството за здравство и Комисијата за заразни болести согласно актуелната епидемиолошка слика и анализите на Институтот за јавно здравје, не ја исклучуваат можноста да се донесат препораки за нови мерки со цел спречување понатамошно ширење на Ковид-19. Апелираат до граѓаните задолжително да ги почитуваат здравствените мерки и протоколи, како носење маска, одржување хигиена на раце и држење дистанца. Во претходното деноноќие беа регистрирани нови 807 случаи на коронавирусот од направени 3.312 тестирања. Починати се пет лица, а оздравени 314 пациенти. Досега во земјава се направени вкупно 530.182 тестирања на Ковид-19. Вкупната бројка на КОВИД-дијагностицирани од почетокот на епидемијата изнесува 104.548, на оздравени е 92.189, а на починати 3.156. Бројот на активни случаи изнесува 9.203. На инфективните оддели во болниците низ земјава се лекуваат вкупно 750 пациенти позитивни и суспектни на корона вирусот. Вкупно 307 лица се хоспитализирани во Скопје, а 443 во другите градови. Во ковид-центрите има околу 360 празни болнички кревети. Во очекување на пратките вакцини со кои треба да почне масованата имунизација на наслението, продолжува вакцинацијата на здравствените работници со 8000 вакцини на Фајзер кои пристигнаа во земјава преку Србија. Вакцина против Ковид-19 до вчера примиле 2.860 здравствени работници. Имунизацијата се одвива во модуларната болница при Инфективната клиника во Скопје. Преку веб-страницата „vakcinacija.mk“ досега за вакцинација се пријавиле 72.400 граѓани, а 46.810 преку матичен лекар.

МАНУ детектираше британски сој на корона вирусот кај еден од брачните другари кои патуваа во Занзибар

Дарко Андоновски — Wed, 03 Mar 2021 15:19:59 +0000

Министерството за здравство ја информира јавноста дека според анализите што денеска ги направи МАНУ на брисот од пацинетот кој пред неколку дена се врати од Занзибар, детектирано е присуство на британскиот сој на вирусот СарсКов2. Во текот на утрешниот ден ќе биде извршена анализа на вториот пацинет кој исто така патувал за Занзибар. Тој е ковид позитивен и исто така е хоспитализиран.

ФОТО: Јелена Томашевиќ наместо да пее на концертот за Тоше ужива на Занзибар

Ивона Петрова — Mon, 05 Nov 2018 12:55:57 +0000

Српската поп пејачка и членка на жирито на „Пинковите ѕвездички“, Јелена Томашевиќ беше една од најавуваните гостинки од регионот на скопскиот концерт во чест на Тоше. Во првичните најави на организаторот дури нејзиното име беше споменувано како сигурно, а таа како една од оние кои го потврдиле својот настап. Таа информација во првичните најави за концертот ја пренесоа и дел од македонските портали, но кога дојде денот, односно кога беше објавен конечниот список на учесници на ден-два пред концертот и прес конференцијата за него, името на атрактивната српска пејачка повеќе го немаше на списокот, пишува Вистина.мк. Веројатно како нејзина алтернација беше договорена Александра Радовиќ која настапи и одлично си ја заврши работата, а сите помислија дека Томашевиќ е зафатена со обврски, концертни настапи кои не може да ги откаже, студиски или ТВ снимања… и сл. Но, денес на нејзиниот Инстаграм профил се појавија фотографии од една далечна и егзотична дестинација, кои српските портали веднаш ги пренесоа појаснувајќи дека Јелена Томашевиќ одмара во Танзанија, односно, ужива во убавините и егзотиката на Занзибар! Заради оваа причина ли не успеа да се договори со организаторот на скопскиот концерт за Тоше,односно толку ли не можеше да биде откажан, односно поместен нејзиниот одмор или постои нешто трето заради кое беше најавено, па откажано нејзиното учество во Скопје…?! И едните и другите и должат одговор на публиката! извор: Вистина.мк