Меркел со покраинските лидери ќе разговара за заострување на епидемиските мерки

Тале Кристо — Sat, 12 Dec 2020 11:15:46 +0000

Во услови на зголемен број новозаразени во Германија и зачестените повици до Владата да преземе поодлучни чекори и активности, канцеларката Ангела Меркел закажа состанок со сојузните покраински лидери на кој ќе разговара за заострување на епидемиските мерки. Како што пренесуваат германските медиуми, на состанокот ќе се разговара дали да се затворат продавниците пред Божикните празници. Во Германија е на сила забраната за барови и ресторани, а училиштата и продавниците се уште се отворени. Во последните 24 часа, во Германија биле регистрирани 28.438 нови инфекции и 496 смртни случаи кај пациенти со Ковид-19.

Донесена официјална одлука: Се заоструваат мерките во борбата против коронавирусот – прочитајте кои мерки и официјално се донесени

Тале Кристо — Sat, 14 Mar 2020 21:05:09 +0000

На вечерашната владина седница, донесовме заклучоци со цел зајакнување на мерките за заштита од корона вирус: ❗ Затворање на сите копнени гранички премини во Република Северна Македонија, освен граничните премини Табановце, Деве Баир, Ќафасан, Богородица и Блаце кои да бидат отворени за премини на патници и возила; ❗ Прекинување со работа на аеродромот „Св. Апостол Павле“ во Охрид, односно затворање на граничниот премин на овој аеродром, после 48 часа од донесувањето на оваа мерка; ❗ Забрана на влез на територија на Република Северна Македонија на странски државјани и од земјите со среден ризик согласно листата на Светската здравствена организација објавена на веб-страницата на Министерството за здравство, освен за оние лица за кои Министерството за внатрешни работи ќе даде дозвола по мислење од Главниот координативен кризен штаб кои ќе потврди дека постои посебен државен или економски интерес. Овие лица да влезат во нашата држава под посебни услови и заштита согласно протоколот на Министерството за здравство; ❗ Затворање за посетители сите продавници во молови на територијата на Република Северна Македонија, освен супермаркети, продавници за храна и аптеки. Сите останати правни лица можат да работат и да остваруваат продажба на алтернативен начин (преку онлајн нарачки, телефонски нарачки и сл) и да вршат достава на нарачките; ❗ Се забранува целосно работата на кафетерии, барови, клубови, казина и спортските обложувалници. Јавното здравје е заедничка одговорност. Од нас зависи!, информираше вечерва преку својата Фејсбук страница министерот за здраство Венко Филипче.

заострување – Kurir.mk

Меркел со покраинските лидери ќе разговара за заострување на епидемиските мерки

Донесена официјална одлука: Се заоструваат мерките во борбата против коронавирусот – прочитајте кои мерки и официјално се донесени