запален автобус – Kurir.mk

ДЕТАЛИ: Автобусот што се запали во Скопје бил празен, причината за пожарот допрва ќе се утврдува

Катерина Бојаџиева — Wed, 19 Jul 2023 16:39:02 +0000

Двоспратен автобус „Јутонг“ на ЈСП- Скопје денеска околу 15:30 часот се запали на булеварот „Киро Глигоров“ во Скопје. Во моментот на запалување на автобусот, во него, за среќа, немало патници, бидејќи автобусот се повлекувал во гаража Автокоманда, по завршување на смена. Поради брзата интервенција на возачот и интервенцијата на екипите на Противпожарна бригада на Град Скопје, опожарувањето на возилото било ставено под контрола, односно спречена е поголема материјална штета. Возилото е осигурано и се очекува за кратко време да биде оспособено за користење. Причините за запалувањето на автобусот допрва ќе се утврдуваат, откако комплетно ќе заврши увидот од страна на екипите на МВР.

ВИДЕО: Се запали автобус со средношколци од Ниш, биле на екскурзија во Грција

Катерина Бојаџиева — Tue, 25 Apr 2023 19:27:51 +0000

Вчера на автопатот меѓу Крф и Солун се запали автобусот кој превезувал ученици од четврта година на Економското училиште во Ниш од Грција. Родителите тврдат дека децата најверојатно еден час биле на автопат откако се запалила гумата на автобусот. „По враќањето од екскурзија со матурантите на Економското училиште во Ниш, вчера околу 10 часот по наше време се запали автобус полн со студенти на пат од Крф кон Солун, па сите испаничени скокнаа од автобусот да се спасат од огромниот чад. Децата беа брзо евакуирани и се добро, но за малку ќе се случеше страшна несреќа. Во секој случај, важно е сите да се живи и здрави, но со спомени кои не сакаа да ги имаат од ова патување“, изјавила мајката на еден од учениците кои патувале во овој автобус. Околу сто ученици заминале во Грција со два автобуса, а според изјавите на сведоците, првата која го виделе чадот и огнот била девојка од вториот автобус. Од полицијата рекле дека во четвртокот бил извршен технички преглед на автобусот, проверка на сигнализацијата и алкотест на возачот и дека тогаш се било во ред.

НОВ ИНЦИДЕНТ НА АВТОПАТОТ ТРАКИЈА: Се запали автобус во кој се возеле 50 лица (ФОТО)

Магдалена Андонова — Mon, 15 Aug 2022 15:38:58 +0000

Повторно затворен автопатот Тракија кај Бургас поради нов инцидент. Имено, на автопатот гори автобус, сопственост на општински превозник во кој се возеле 50 лица. Инцидентот се случил попладнево, а групата патувала за Аитос. На лице место се две противпожарни екипи кои го гасат пожарот. Според информациите, пожарот започнал од моторот на автобусот. Нема информации за повредени лица. Сообраќајот се пренасочува по заобиколните правци, за сообраќај е отворена само најлевата лента во правец на Софија.

СЕ ЗАПАЛИ УШТЕ ЕДЕН АВТОБУС НА ЈСП – еве ги деталите

Дарко Андоновски — Thu, 05 May 2022 14:13:29 +0000

На 04.05.2022 во 19.46 часот во СВР Скопје било пријавено дека во с.Пакошево, скопско, настанал пожар во автобус сопственост на ЈСП, кој сообраќал на релација с.Ново Село-с.Зелениково. Од екипа на Бригадата за противпожарна заштита Скопје пожарот бил изгаснат, а повредени лица нема. Увид на местото извршила екипа од Пoлициската станица Драчево.

Детали од ЈСП за автобусот кој се запали во Ѓорче Петров (ФОТО+ВИДЕО)

Катерина Бојаџиева — Thu, 22 Aug 2019 08:24:12 +0000

Во автобусот на линија 5 во кој утринава избувна пожар нема повредени патници, причинета е само материјална штета. Настанот се случил во близина на општина Ѓорче Петров, кога автобусот сообраќал на редовна линија во правец кон Центар, информираат од ЈСП-Скопје. -Пожарот, чии причини се утврдуваат, е изгаснат во брзо време, благодарение на брзата интервенција на екипата на Противпожарната бригада. Внатрешната контрола на ЈСП Скопје веднаш излезе на терен и се утврдуваат причините на пожарот, велат од ЈСП и додаваат: „Возачот на автобусот изјавил дека за време на возењето забележал чад од горниот кат на возилото, застанал и со ПП апарати се обидел да го изгасне. Во меѓувреме забележал и искрење и повикал на помош екипа на Противпожарната бригада. Пожарот бил изгаснат во најбрз можен рок. Во моментов, на терен врши увид и екипа на МВР“.

ФОТО+ВИДЕО: Гори автобус на ЈСП во Ѓорче Петров

Ристе Здравков — Thu, 22 Aug 2019 07:42:10 +0000

Се запали автобус на ЈСП во скопската општина Ѓорче Петров. Според фотографиите кои стигнаа до редакцијата на Курир се гледа како гори горниот дел од автобусот. Од ЈСП Скопје за Курир информираат дека на лице место е внатрешна контрола и се утврдуваат причините за несреќата, најважно е што нема повредени патници. Се работи за автобус со број 5 кој сообраќа на релација од Дексион кон Ново Лисиче.

СТРАОТНИ ОСТАТОЦИ: Автобус полн со туристи целосно изгоре на ова туристичко место во Грција (ФОТО)

Дарко Андоновски — Sun, 11 Aug 2019 16:05:10 +0000

Во Лептокарија во Грција ноќеска околу 1 часот по полноќ се запалил автобус кој потполно изгорел. Автобусот со српски туристи се враќал од познатото туристичко место Егина, а во истиот имало 47 патници. Српските медиуми пренесуваат дека за среќа никој не е повреден благодарение на возачот и неговата брза реакција. Како што се наведува на Фејсбук страната на „Грчка Инфо“ пожарот избувнал поради лошата инсталација во автобусот, по што набрзо се запалил и целосно изгорел.

Битолчанец спаси 50 животи: Спречи трагедија во запалениот автобус кај Дубровник (ФОТО)

Катерина Бојаџиева — Mon, 01 Jul 2019 11:00:33 +0000

Автобус на „Хафет турс“ кој сообраќал на релација Скопје- Сплит, викендов во 3 часот се запалил во движење во близина на Дубровник. Битолчанецот Вангел Котевски е херој на денот. Од опожарен автобус успеал заедно со уште еден сопатник да ги евакуира сите 50 други патници, Македонци, пренесува ТВ Сител. Благодарение на нивната брза реакција нема никакви повреди кај патниците, ниту пак оштетувања на нивниот багаж.

Колега на загинатиот возач на автобусот кој се запали во Србија запрепастен- ја раскажа глетката што ја затекнал

Предраг Кукиќ — Wed, 01 May 2019 09:54:03 +0000

Возачот на „Ниш експрес“ Симо М. од село Претраковица кој загина вчера утрината на регионалниот пат Куршумлија-Прокупље многу колеги го паметат како одговорен возач и добар пријател. Тој и уште 4 патници загинаа кога со автобусот со кој што возел преминал на лева страна од коловозот и се судрил со камион. Неговиот колега Миодраг Ѓорѓевиќ е видно вознемирен од смртта на колегата и она што го видел на местото на настанот. -Јас одев по него и на местото на настанот стигнав 15 минути подоцна. Требаше да се видиме, а потоа наидов на голема несреќа и дознав што се случило. Тоа беше ужасна глетка. Изгорена жена беше превртена со глава наназад, голема трагедија. Не знам што се случило и не сакам да зборувам за тоа, тоа ќе го утврди истрагата - раскажал Ѓорѓевиќ. Ова е втора несреќа во неполни 5 месеци во која загинаа патници. Првата се случи на 21. декември минатата година на пружниот премин во близина на Ниш кога возачот на автобусот не го видел возот кој доаѓа. Во таа трагедија загинаа 7 лица.

Пожар во автобус, 20 загинати

Предраг Кукиќ — Mon, 01 Apr 2019 06:03:20 +0000

Најмалку 20 патници загинаа кога во перуанскиот главен град Лима се запалил двокатен автобус, соопшти противпожарната служба. Очевидци изјавија дека огнот го зафатил моторот на автобусот и брзо се проширил низ возилото. Причината за пожарот се уште се истражува. Градоначалникот на Лима, Хорхе Муњос истакна дека автобусот го зафатил оган на станица, која властите пред неколку денови ја затвориле бидејќи се наоѓа на локација каде што илегално се продава гориво. – Веројатно патниците на вториот кат од возилото превезувале гориво – нагласи Муњос.