запален – Kurir.mk

Запален автомобилот на дипломатка од италијанската амбасада во Атина

Тале Кристо — Fri, 02 Dec 2022 08:42:41 +0000

Со експлозивен материјал, веројатно молотов, во текот на ноќта во атинска населба, бил запален паркираниот автомобил на првата советничка во амбасадата на Италија во Грција Сузана Шлајн, јави дописничката на МИА од Атина. Вицепремиерот и министер за надворешни работи на Италија Антонио Тајани, кој денеска е во Атина, преку Твитер информираше за инцидентот. -Напад врз првиот советник на италијанската амбасада во Грција. Ѝ се јавив на Сузана Шлајн за да ѝ ја изразам мојата солидарност. Денеска ќе бидам во Атина за да се сретнам со премиерот Кирјакос Мицотакис. Ќе ја посетам италијанската амбасада, напиша на Тајани на Твитер. Засега не постојат официјални информации за потпалувањето на автомобилот, ниту пак преземање одговорност за нападот. Според противпожарната служба на Грција во гаснењето на пожарот на автомобилот учествуваа 18 пожарникари со шест возила. Во средата, анархисти од Грција, одржаа мал протест пред италијанската амбасада во Атина за да ја изразат нивната солидарност за италијанскиот затвореник и анархист Алфредо Коспито, кој од 20 октомври штрајкува со глад.

Се огласи Шилегов, еве што кажа откако му беа запалени автомобилите

Ристе Здравков — Wed, 09 Mar 2022 12:43:48 +0000

Поранешниот градоначалник на Скопје, Петре Шилегов во изјава за „Слободен печат“ вели дека е потресен од немилиот настан кој се случил ноќеска после 3 часот, кога целосно изгоре неговото возило „ауди“, како и три возила на негов сосед. – Искрено не знаеме како се запалило нашето возило. Чекаме МВР да ни каже како се запалил нашиот автомобил кој е целосно изгорен. Во пожарот целосно изгоре и возило на сосед, а уште две други се оштетени. Оштетена е и фасадата на соседот – вели Шилегов.

Се запали гробот на Шабан Шаулиќ!

Ристе Здравков — Thu, 17 Feb 2022 12:35:55 +0000

За време на поменот по повод три години од смртта на легендарниот фолк музичар Шабан Шаулиќ, се запалил неговиот гроб, во Алејата на заслужни граѓани во Белград. Настанот се случил денес, кога пламенот од свеќите кои ги палеле присутните ги зафатил венците со цвеќе. Како што пренесоа српските медиуми, оганот бил изгаснат за кратко време и не предизвикал значителна штета. Шаулиќ го изгуби животот пред три години на денешен ден, во сообраќајна несреќа во Германија. Тој цели пет децении беше присутен на сцената и ја носеше титулата „крал на фолк-музиката“, а загина на 68-годишна возраст, откако во автомобилот со кој тргнал на аеродром удрило друго возило, управувано од 34-годишен маж, под дејство на алкохол и без возачка дозвола. Во јануари годинава, возачот Алсин Левент беше осуден на три години и три месеци затвор, поради предизвикување на сообраќајна несреќа во која животот го загубија Шаулиќ и неговиот клавијатурист Мирсад Кериќ.

ИЗГОРЕ АВТОБУС СРЕДЕ ЦЕНТАРОТ НА СКОПЈЕ – еве ги деталите (ФОТО)

Дарко Андоновски — Thu, 17 Jun 2021 17:17:09 +0000

КУРИР дознава дека пред Народната банка во центарот на главниот град во овие моменти изгорел автобус. Сообраќајот според информациите се пренасочува под железничката накај Саемот и кон Кисела Вода. Засега нејасно е како автобусот се запалил и дали има повредени патници. Очевидци за КУРИР изјавуваат дека имало густ чад, а тешка миризба се чувствува во становите од околните згради. Наскоро се очекуваат нови информации...

Запален автомобил „БМВ“ во Шишево

Дарко Андоновски — Sat, 11 Aug 2018 09:38:10 +0000

Непознати сторители утрово во село Шишево потпалиле автомобил марка „БМВ“ во сопственост на С.Т. од Шишево. Минситерството за внатрешни работи соопшти дека утрово околу 04.30 часот во центарот на село Шишево, Скопско, било опожарено патничко возило „БМВ“ со скопски регистарски ознаки, сопственост на С.Т. од село Шишево. Според пријавата, непознати лица најверојатно го полиле со запаллива течности и го опожариле во предниот дел, по што побегнале во непознат правец.Од сопственикот на возилото пожарот бил изгаснат. Увид ќе се врши во текот на денот. Се преземаат мерки за расчистување на случајот.

ВИДЕО: Запален џипот на познат скопски стилист, се обиделе да му го запалат и салонот

Курир — Sun, 22 Jul 2018 09:11:40 +0000

Вчера наутро беше запален џипот на познатиот стилист Арменд Рамадани пред неговиот дом. Се работи за џип од марката „Опел Антара“ и причинето е голема материјална штета. Случајот во полиција и пожарна го пријавиле неговите соседи, а неколку минути по опожарувањето се појавил и стилистот кој вели дека лично бил сведок на немилиот настан. Вели дека и претходно сторителите се обиделе да го запалат и неговиот салон, но дека не успеале во намерата. Побара од надлежните институции веднаш да го расветлат случајот. Од МВР велат дека работат на целосно расветлување на случајот.

ФОТО: Автобус кој превезувал ученици утрово се запали кај Стража

Дарко Андоновски — Wed, 09 May 2018 09:43:55 +0000

Патнички автобус на приватна превозна компанија се запали утрово на патот Кичево – Гостивар после превојот Стража. Автобусот превезувал ученици кои биле тргнати на екскурзија. За среќа, избегната била поолема несреќа откако возачита навремено реагирале, го запреле возилото и ги изнеле учениците надвор од автобусот. извор: Охриднет.ком