запалени автомобили – Kurir.mk

Пожар кај Бит-пазар: Запалени три автомобили

Катерина Бојаџиева — Mon, 08 May 2023 08:54:37 +0000

Три автомобили се изгорени во близина на клучката кај Бит-пазар. Полицијата врши увид за да се открие како избувнал пожарот на паркираните автомобили (еден со гостиварски таблици, две со скопски), потврдија од МВР за МИА. Како што посочуваат од МВР, пожарот е пријавен околу 3 часот наутро по што интервенирале пожарникари и ги изгаснале возилата. Оттаму потенцираат дека нема повредени лица. На 08.05.2023 во 03:11 часот во СВР Скопје било пријавено дека на ул.„Цветан Димов“ во Скопје настанал пожар во патничките возила „опел“ со скопски регистарски ознаки сопственост на А.С.(41) од Скопје, „фолксваген голф“ со гостиварски регистарски ознаки сопственост на О.С.(46) од Гостивар, „пежо“ со скопски регистарски ознаки сопственост на А.М.(27) од Скопје и „ауди“ со скопски регистарски ознаки сопственост на А.М.(26) од Скопје. Пожарот бил изгаснат од екипа на Бригадата за противпожарна заштита Скопје, а повредени лица нема.

Запалени два автомобили на Рузвелтова

Магдалена Андонова — Tue, 22 Sep 2020 16:55:01 +0000

Два автомобили изгореле вчера во Скопје, информираше МВР. -На 22.09.2020 околу 03.30 часот во СВР Скопје било пријавено дека на ул.„Франклин Рузвелт“ настанал пожар во патничко возило „фолксваген поло“,сопственост на Х.Х.(22) од Скопје и во патничко возило „тојота“,сопственост на А.Т.(68) од Скопје,велат од полицијата. Увид бил извршен и се работи на расчистување на случајот.

Нетпрес: Тушникот, дел од подземјето на Заеви со „лиценца“ за палење коли?!

Ивона Петрова — Sun, 05 Jul 2020 08:33:57 +0000

Едно од лицата коешто според авторот на аудиоснимката која вчера беше поставена видео платформата YouTube учествува во снимениот разговор во кој се наведуваат низа нелегални активности, е препознаено како извесен Горан Димовски од Битола викан Тушникот, кој според сознанијата до кои дојде НетПресс повеќепати минува низ евиденцијата на Министерството за внатрешни работи. Имено, против Горан Димовски Тушникот кој на социјалните мрежи се прикажува како приврзаник на СДСМ, и според таму наведените тврдење е дел од „екипа за брза интервенција“, како што дознава Нетпрес, се водат кривични постапки за седум дела, како лихварство, измама и тешки кражби. Во споменатата „аудио-бомба“ на јутјуб каналот „Вице Мафијашот“ се појави нова аудиоснимка со наслов „Вице даде зелено светло да запалам коли“, во која се слуша разговор меѓу две машки лица за кои се тврди дека се на Стојче Чифлигароски, сопственик на „СВ Инвест“, фирма која се доведуваше во корелација со семејството Заеви и една од најчестите добитници на тендерите во РЕК Битола и блиска до Вице Заев и извесен Горан Димовски, вториот се фали дека добил „зелено светло“ од Рашо, кој веројатно е Радиша Бојовиќ зет на Зоран Заев, а ќе оствари средба со братот на Зоран, веројатно Вице Заев, за да се запали автомобил на човек од Битола затоа што тој бил од ВМРО-ДПМНЕ. целиот текст прочитајте го на Нетпрес.

Запалени автомобили и банкомати во шест атински населби

Тале Кристо — Mon, 18 May 2020 08:19:03 +0000

Во период од половина час во текот на ноќта, непознати лица запалиле 11 паркирани автомобили и два банкомати во шест атински населби. Од противпожарната служба на Грција соопштуваат дека во гаснењето на пожарите учествувале 25 пожарникари со 12 возила, јави дописничката на МИА од Атина. Според грчката новинска агенција АНА-МПА, дел од запалените автомобили биле во сопственост на компании за брза пошта, а едно запалено комбе било во сопственост на супермаркет. Во јануари и февруари годинава имаше исти случаи на запалени паркирани автомобили во Атина, а одговорноста, тогаш ја презедоа анархистички групи.

Скопје „гори“, криминалното подземје не запира со пресметките

Ивона Петрова — Fri, 27 Dec 2019 11:39:50 +0000

За неполни 12 часа регистрирани се два случаи во кои се запалени автомобили во Скопје. Зад навидум обичните инциденти стојат се погласните шпекулации дека криминалното подземје не запира со меѓусебните пресметки во главниот град. Не се избираат ниту локациите, па сега буквално било каде може да се очекува некаков инцидент. И урбаните Капиштец и Влае се најдоа на листата места за пресметки. Првиот случај е забележан вчера попладне во Влае кога на паркинг се запали автомобил од засега непозната марка. Не се знае причината за избувнувањето на пожарот, кој имало опасност да се прошири на околните куќи. Вториот случај е пријавен синоќа во 2 часот по полноќ исто така на паркинг просторот кај трговскиот центар „Зебра“ во Капиштец. За овој случај полицијата само кусо денеска информираше дека се работи за возило „БМВ“ кое е во сопственост на скопска фирма. Граѓаните стравуваат, коментираат дека само црнила се случуваат, а надлежните како одамна да ги почнаа новогодишните празнувања. Коментирајќи ги ваквите случаи, членот на ИК на ВМРО-ДПМНЕ, Орце Ѓорѓиевски во телефонска изјава за Курир вели дека како партија досега многупати укажувале на ваквите инциденти. -Од почетокот на годинава досега околу 100 возила се запалени во Скопје и поголемите градови во Македонија. Од МВР речиси и да нема расветлување на овие случаи. Имаме две претпоставки за ваквото однесување на Министерството, првата дека власта е во брак со криминалот и подземјето во земјава или дека Оливер Спасовски и неговите структури немаат капацитет да ги расчистат случаите. Се палат возила на бизнисмени, политичари, страдаат недолжни луѓе, вели Ѓорѓиевски за Курир. Во изминатиот период покрај ваквите случаи, многу почеста појава се вооружените пресметки меѓу криминални групи. Анализата за овие случаи може да ја прочитате ТУКА.

Тушев потврди: Возилата се запалени со молотови коктели

Ивона Петрова — Thu, 24 Oct 2019 08:49:16 +0000

Во штипската населба Сењак, на улицата „Борис Крајгер“ рано утринава опожарени се пет возила, од кои три целосно, а две делумно. Меѓу трите целосно изгорени возила се и автомобилите на Никола Тушев, поранешен претседател на ОО на СДСМ Штип и на неговиот татко Мите Тушев, инаку брат и татко на поранешната пратеничка од СДСМ Маринела Тушева. Никола Тушев за МИА вели дека во тек е увидот на местото на настанот, а во моментов е пристигната и екипа на крим техника од Скопје. Тој вели дека настанот се случил по 5 часот рано утринава. Неговото возило и возилото на неговиот татко биле паркирани на сосема две различни места на паркинг просторот, палењето е извршено со молотови коктели. Полицијата засега не открива детали, како се случил инцидентот. Најавија дека по завршување на истрагата ќе дадат подетални информации. Во текот на изминатата година во штипската населба Сењак ова не е прв случај на палење автомобили.

Опожарени возила во авто плац во Илинден (ФОТО)

Катерина Бојаџиева — Sat, 16 Feb 2019 16:08:50 +0000

Утрово околу 3 часот на улица „9“ во авто плац за половни возила во населеното место Илинден, сопственост на Б.Х.(50), биле опожарени шест возила. Повредени лица нема. Увид се врши, информираат од МВР. ФОТО: КУРИР