запалено возило – Kurir.mk

СЕ ЗАПАЛИ ВОЗИЛО НА БРЗА ПОМОШ ВО КУМАНОВО – огнените јазици го проголтаа додека пристигнаа пожарникарите (ВИДЕО)

Дарко Андоновски — Tue, 29 Aug 2023 10:06:46 +0000

Возило на Итната помош се запали во Куманово. Очевидци велат дека нема повредени. Од кумановската болница се уште не соопштуваат детали за настанот.

Опожарено возило на вработен во Затворот Идризово

Катерина Бојаџиева — Tue, 25 Apr 2023 15:17:51 +0000

На 25.04.2023 во 01.56 часот во СВР Скопје, Љ.К., вработен во Казнено-поправната установа Затвор Идризово, пријавил дека во неговиот двор во с.Ново Село, скопско, било опожарено неговото патничко возило „мерцедес“ со скопски регистарски ознаки. Љ.К. сам го изгаснал пожарот, а повредени лица нема. Се преземаат мерки за расчистување на случајот.

Се запали товарно возило на ЈП „Комунална хигиена“

Катерина Бојаџиева — Fri, 14 Oct 2022 15:07:25 +0000

На 13.10.2022 во 07.54 часот во СВР Скопје било пријавено дека на „бул.8 Септември“ настанал пожар во товарно возило во движење „ивеко“, со скопски регистарски ознаки, сопственост на ЈП „Комунална хигиена“, управуван од вработениот А.К.. Од екипа на Бригадата за противпожарна заштита Скопје пожарот бил изгаснат, а повредени лица нема. Увид бил извршен.

Приведен криминалец од Скопје кој запалил возило „БМВ“

Катерина Бојаџиева — Sun, 21 Aug 2022 10:27:35 +0000

Полициски службеници од Единицата за насилен криминал при СВР Скопје на Граничниот премин „Долно Блаце“ синоќа го лишиле од слобода Б.М. (25) од Скопје, кој во мај годинава во село Глумово запалил возило во сопственост на С.С., соопшти Министерството за Внатрешни работи. – На 20.08.2022 на Граничен премин “Долно Блаце“, по претходно распишан централен распис од Единицата за насилен криминал при СВР Скопје, бил лишен од слобода Б.М. (25) од Скопје, поради постоење основи на сомнение за сторено кривично дело “предизвикување општа опасност“ по чл. 288 од КЗ на РСМ, се вели во соопштението на МВР. Според МВР, полициските службеници од Единицата за насилен криминал при СВР Скопје утврдиле дека Б.М. на 12.05.2022 во село Глумово запалил патничко моторно возило „бмв“, сопственост на С.С.. Оттаму информираат дека ЕНК при СВР Скопје во координација со Јавен обвинител имаат поднесено кривична пријава по член 288 од КЗ на РСМ по брза постапка, а пријавениот бил изведен пред Судија на предходна постапка и одредена му била мерка куќен притвор во траење од 30 дена.

Опожарено „Aуди“ во Куманово

Ивона Петрова — Mon, 22 Nov 2021 11:40:56 +0000

Автомобил „ауди“ бил опожарен вчера во кумановската населба Карпош, соопштија денеска од СВР Куманово. – Вчера во 21: 45 часот било пријавено дека на улица „100“ во Куманово настанал пожар во патничко моторно возило „ауди“ со кумановски регистарски ознаки, сопственост на триесет и петгодишниот Д.М., соопштиија од СВР Куманово. Екипа на територијалната противпожарна единица Куманово го изгасила пожарот во кој нема повредени лица. Увид на местото на настанот извршила екипа од СВР Куманово.

Две возила опожарени доцна во ноќта во Скопје – еве ги деталите

Дарко Андоновски — Thu, 04 Nov 2021 15:12:02 +0000

На 04.11.2021 во 02.58 часот во СВР Скопје било пријавено дека на ул.„Желево“ настанал пожар во патничко возило „пежо“, со скопски регистарски ознаки, сопственост на М.Ј.(49) од Скопје. Од пожарот делумно било зафатено и патничко возило „цитроен саксо“, со скопски регистарски ознаки, сопственост на З.М.(64) од Скопје. Извршен е увид.

Се запали комби возило, во прекин сообраќајот до ГП Делчево

Катерина Бојаџиева — Thu, 15 Jul 2021 14:41:40 +0000

Поради интервенција на запалено возило на Територијалната противпожарна единица (ТППЕ) од Делчево во моментов во застој е сообраќајот на патот Делчево – Ѕвегор – Граничен премин. Според информациите на жители на селото запалено е комби возило, по што е повикана екипа на ТППЕ Делчево. -Веднаш по опожарувањето на возилото повикана е екипа на ТППЕ Делчево, која во моментот врши гаснење на истото, истакнаа жители на селото. Настанот е пријавен во полиција од каде го потврдија случајот, а со повеќе детали околу причината за опожарувањето ќе излезат во текот на денот.

Изгоре камион кај Струмица

Катерина Бојаџиева — Mon, 21 Jun 2021 13:49:50 +0000

Во близина на селото Добрашинци, кај Струмица денеска околу 13:30 часот изгоре камион. Предизвикана е материјална штета, повредени нема. Според информацијата од Територијалната противпожарна единица на Струмица, во гаснењето на запалениот камион марка „Застава“ учествувале тројца пожарникари и едно против пожарно возило, а пожарот бил локализиран и целосно изгаснат за кусо време. Според пожарникарите причина за пожарот најверојатно е самозапалување на товорното возило од електричната инсталација.

Видео: Во центарот на Скопје се запали автомобил

Магдалена Андонова — Wed, 22 Jul 2020 12:12:50 +0000

Во моментов во строгиот центар на Скопје се запали автомобил, чии што причини сеуште не се познати. Од објавеното видео може да се види дека станува збор за паркингот пред станбениот блок наспроти зградата на Македонска пошта. На местото на пожарот пристигнаа пожарникарски возила, а од министерството за внатрешни работи се уште нема никакви информации. Повеќе детали за овој настан очекувајте во текот да денот.

Се запали возилото со изборен материјал од Гостивар на пат кон ДИК

Магдалена Андонова — Thu, 16 Jul 2020 12:09:23 +0000

Возило на гостиварската Изборна комисија во кое се превезувал изборниот материјал од вчерашното гласање за предвремените парламентарни избори, се запалило во движење. -Денеска во 4 часот и 30 минути, во СВР Тетово e пријавено дека моторно возило ‘форд транзит‘ со гостиварски регистарски ознаки, што го управувал 35-годишниот гостиварец Ф.А., се запалило во движење во непосредна близина на наплатната станица Тетово. Во возилото се наоѓале петмина членови на Општинската изборна комисија Гостивар, кои го превезувале избирачкиот материјал во Скопје. Материјалот воопшто не бил оштетен и бил префрлен во друго возило и испратен во Државната изборна комисија, соопшти портпаролот на СВР Тетово Марјан Јосифовски. Во инцидентот нема повредени лица.