заплена – Kurir.mk

„Долче и Габана“, „Версаче“ и „Ралф Лорен“ не влегоа во Македонија: Спречен обид за криумчарење на облека и обувки вредни 1,6 милиони денари (ФОТО)

Ивана Ефремовски — Fri, 03 Nov 2023 10:38:20 +0000

Спречен обид за криумчарење на брендирана облека и обувки вредни 1,6 милиони денари денари од познати модни марки меѓу кои „Долче и Габана“, „Версаче“ „Мајкл Корс“ „Ралф Лoрен“ и „Најк“ во два посебни случаи на контроли на влез во државата на граничниот премин Табановце. Брендираната роба за која требало да се платат царински давачки во вкупен износ од 457.546 денари е одземена, а против возачите ќе биде поднесена кривична пријава. Облеката и обувките од познатите модни имиња меѓу кои и „Долче и Габана“ и „Версаче“ во вредност од околу 700 илјади денари се откриени од страна на царинските службеници и тоа во багажот на возач на автобус кој сообраќал на редовна линија Дортмунд – Тетово. Кога царинските службеници ги прашале патниците и возачот дали имаат нешто да пријават за царинска контрола, тие одговориле дека немаат ништо за пријавување. При контрола на автобусот и багажот, возачот рекол дека има две торби со стара гардероба кои ги земал како пратка, при чиј преглед се пронајдени брендираните производи со прикачени цени. Брендираните парчиња облека и обувки од марката „Најк“ во вредност од 921.341 денар се откриени од страна на мобилните тимови при Секторот за контрола и истраги при контрола на товарно моторно возило. Возилото е скенирано со мобилен скенер, при што со детална контрола во кабината на возачот на горниот и на долниот кревет, како и во просторот до возачот се пронајдени непријавените брендирани производи.

ФОТО: Полиција во Скопска Црна Гора, запленети околу 35 метри кубни бесправно исечени дрв

Ивона Петрова — Tue, 03 Oct 2023 14:03:03 +0000

Полициски службеници од Одделот за криминалистичка полиција, ОСПО-ЕБР и СВР Скопје денеска во близина на местото Рамно, Скопска Црна Гора, запленија три камиони натоварени со околу 35 метри кубни бесправно исечени дрва. Од МВР информираат дека дрвата ќе бидат предадени на ЈП „Национални шуми“ и се преземаат мерки за расчистување на случајот.

Спречен обид за криумчарење моторцикли и друга стока која македонски увозник се обидел да ја внесе без да ја пријави (ФОТО)

Ивана Ефремовски — Mon, 02 Oct 2023 07:21:07 +0000

Македонски увозник се обидел меѓу пријавена стока за царинење да криумчари стока во вкупна вредност од 473.632 денари. Меѓу непријавената стока се четири употребувани моторцикли со вредност од 392.285 денари, како и брусалка, бор машина, гуми за крос мотори, гуми со алуминиумски бандажи, метален сеф, пневматски пиштол, скара и котури гумени црева во вредност од 81.347 денари. Обидот за криумчарење е откриен од страна на царинските инспектори од мобилниот тим на Царинска управа при детална контрола на камионот кој се пријавил за увозно царинење на царинската испостава Тетово. Стоката не е декларирана во царинската увозна декларација, ниту е пријавена во приложената фактура од страна на увозникот. Непријавена стока е одземена, а против увозникот ќе биде поднесена пријава за кривично дело криумчарење согласно член 278 од кривичниот законик.

Спречен шверц на 20 рачни часовници од познати модни брендови (ФОТО)

Катерина Бојаџиева — Thu, 28 Sep 2023 07:46:45 +0000

Дваесет часовници во вредност од 178.050 денари со потпис на познати модни брендови се запленети од страна на царинските службеници по извршена контрола на автомобил со македонски регистарски таблички на граничен премин Ново Село. Часовниците се откриени во картонска кутија за која лицето кое управувало со автомобилот изјавило дека е пратка со лекови која ја испратил негов пријател за болно дете. По откривање на непријавените часовници лицето, инаку македонски државјанин, изјавило дека истите се купени од Швајцарија. Одземените часовници ќе бидат предадени во Агенцијата за управување со одземен имот, а против лицето е поднесена соодветна пријава за прекршување на царинската регулатива. Царинската управа и натаму во рамки на своите надлежности спроведува активности за поддршка на легалната економија и сузбивање на сивата економија.

Црногорските цариници спречија шверц на половина тон сканк од Албанија во ЕУ

Тале Кристо — Sun, 17 Sep 2023 14:28:24 +0000

Црногорската полиција спречи шверц на дрога преку Албанија и Црна Гора во земјите на Европската унија (ЕУ) и заплени половина тон сканк, соопшти денеска Управата на полицијата. „Дрогата ја открија и запленија царинските службеници на Царинската управа на граничниот премин Божај“, се додава во соопштението. Цариниците го пронашле сканкот во камион со албански регистарски таблички и бил „обезбеден“ со печат на странска држава, соопшти полицијата. „При преглед на камионот, констатирано е дека меѓу дрвените палети има 185 пакувања со зелена растителна материја, за која постои сомневање дека е сканк. По извршениот преглед на камионот, стоката е предадена на Полициската управа за понатамошна обработка“, се наведува во соопштението. Во акцијата се приведени неколку лица.

ВИДЕО: Запленет албански минибус во кој е откриен бункер за криење стока

Тале Кристо — Thu, 14 Sep 2023 08:01:35 +0000

Царинската управа на граничниот премин Табановце одзеде минибус со албански регистарски таблички во кој се откриени специјални бункери наменети за криење стока. Како што информираат од Царинската управа, случајот е откриен на влез на граничниот премин Табановце од страна на царински инспектори од мобилниот тим од Секторот за контрола и истраги, кои ја извршија контролата на минибусот. По поднесена пријава до надлежниот суд, донесена е одлука за одземање на возилото, а изречена е и глоба за возачот на возилото заради прекршување на член 263 став 7 и член 269 став 2 од Царинскиот закон. -Специјални бункери во вентилацискиот систем на минибус со албански регистарски таблички направени со цел криење стока се откриени по контрола на возилото во кое се вршело вонреден превоз на патници на релација Тирана - Брисел. Притоа специјално направените бункери наменети за криење стока, во обид да се прикријат, биле покриени со тапацир, соопшти Царинската управа. Ова, како што велат, е втор случај во една недела на заплена на возило специјално конструирано, адаптирано и прилагодено со цел криење стока.

Запленети непријавени 329 раствори за инјекции за визуелизација при магнетна резонанца

Тале Кристо — Tue, 12 Sep 2023 08:20:34 +0000

На граничен премин Деве Баир на влез во државава при контрола на автобус се запленети 329 парчиња раствори за инјекции Gadovist 1.0 коишто се употребуваат и за дијагностика на бенигни и малигни заболувања при магнетна резонанца, скриени во пакет со етикета од производител на вода за пиење. -На 8 септември, царинските инспектори од Одделението за оперативни работи при контрола на автобус со турски регистарски таблички кој сообраќал од Истанбул до Пеќ во Косово, во средината, под едно од седиштата пронајдоа кутија во која имало 329 парчиња раствор за инјекции од 15 мл Gadovist 1.0 oд германскиот производител Бајер (Bayer) за којашто како сопственик се пријавил патник со иницијали М.Ш. од Косово. За медицинските производи патникот не поседувал ниту соодветна дозвола од надлежното Министерство за здравство, се наведува во денешното соопштение од Царинската управа. Против лицето е поднесена кривична пријава до надлежниот суд за кривично дело криумчарење по член 278 од Кривичниот законик.

Запленети 15 илјади австралиски долари, откако македонски државјанин сакал да ги внесе во државава без да ги пријави

Ристе Здравков — Fri, 01 Sep 2023 07:54:12 +0000

Запленети се 15.050 австралиски долари, откако македонски државјанин на влез во државава на граничниот премин Ќафасан кај царинските службеници пријавил само две илјади долари, иако со себе носел поголема сума девизи, информираат од Царинската управа. Поради сомневање, царинските службеници пристапија кон личен претрес при што во рачната ташна му пронајдоа 10 илјади евра и 15.050 австралиски долари. Согласно Законот за девизно работење на патникот му се вратени 10 илјади евра, додека останатите се задржани и согласно регулативата ќе бидат предадени во Народна банка. Против лицето е поднесена пријава за девизен прекршок до надлежниот суд.

Богоев за заплената за обврзници: Патникот давал конфузни одговори, тоа беше причина за сомнеж

Ристе Здравков — Wed, 09 Aug 2023 09:15:33 +0000

Директорот на Царина Стефан Богоев, во летното издание на „Клик Плус“ на ТВ21 зборуваше за заплената на обврзници кое беше објавено вчера. „Судот Судот донесе одлука да ги одземе, се работи за турски државјанин. Вредноста е глема, се рабти за 184.000 обврзници, по 500.000 долари вредност. Јас сум горд што цариниците успеја да го запленат“, рече Богоев и додаде: „Кај патникот било сомнително тоа што цариниците добиле конфузни одговори. Варира приказната и има разлика од одговор до одговор. Првото прашање е каде одите и што е вашата цел. Каде ќе престојувате, што работите и тука имаме различни изјави. Тоа дава доза на дополнителен сомнеж. Има разлика меѓу името и податоци на патникот и името на сопственикот на обврзниците, и не биле на негово име, и сите овие работи ни даваат дополнителна основа. Инаку да напоменам дека се е поврзано со странски банки, со странски држави, единствено што тука кај нас се запленуваат и секоја помош меѓународна е добродојдена“, изјави Богоев.

Спречен обид за шверц на обврзници од 92 милиони долари

Ристе Здравков — Wed, 09 Aug 2023 08:20:51 +0000

Царината конфискуваше државни обврзници во вредност од 92 милиони американски долари. На Меѓународниот аеродром во Скопје, царинските службеници заплениле 184 вредни хартии од по 500 долари. Обврзниците биле пронајдени кај турски државјанин, кој слетал од лет за Истанбул. Осомничениот, не пријавил ништо на царина, но преку скенер било откриено дека носи нешто во чантата. Директорот на Царината Стефан Богоев рече дека хартиите од вредност се еден од инструментите за перење пари. Директорот Богоев рече дека истрагата продолжува со отворање на финансиска истрага за целосно расветлување на случајот со докази за можна измама и спречување на перење пари. Од Царинската управа велат дека се залагаат за спречување и борба против шверцот, финансискиот криминал и нелегалната трговија. По завршувањето на судската постапка, со пресуда на Основниот суд Скопје одземени се сите државни обврзници, додека на осомничениот му е изречена парична казна согласно Законот за девизи. Хартиите од вредност ќе бидат предадени на Агенцијата за управување со одземен имот. Ова е рекордна заплена на обврзници кај нас.