запленета дрога – Kurir.mk

Заедничка акција на Црна Гора и Албанија: Запленета дрога со вредност од 40 милиони евра, уапсени десет лица

Магдалена Андонова — Fri, 25 Nov 2022 12:12:50 +0000

Албанската полиција во соработка со американската ДЕА, албански СПАК и црногорската полиција заплени околу 400 кокаин скриен во вреќи со вештачко ѓубре. – Запленети се палети со 24 тони вештачко ѓубриво, во кои имаше 430 килограми кокаин, вреден 40 милиони евра. Станува збор за количина која од Црна Гора пристигнала во Албанија, информираше првиот човек на албанското специјално обвинителство за организиран криминал и корупција СПАК, Арбен Краја. Според него нарачката за товарот била направена во мај годинава и оттаму почнал надзорот од надлежните. – Постоеја информации дека во мај 2022 година е натоварено количество вештачко ѓубриво во Пиреа, транзит до Бар со нарачател албански државјанин. На барање на црногорските власти увидот е извршен. Се покажало дека купувач на стоката е албански државјанин кој отворил фирма за увоз на хемиски ѓубрива и друга стока. Откако количеството ѓубриво беше испратено во Албанија, продолжија други дејствија до синоќа, кога оваа количина беше запленета во Голема Фарка кај Фиер, изјави Краја. Обвинителот Андан Ѓоли пак информираше дека се уапсени 10 албански државјани, еден од финансиерите, а по неколку лица се трага. – Исто така запленети се 15.000 евра, три автомски пушки и исто толку пиштоли, 108 куршуми, 18 мобилни телефони и пет возила. Истрагата продолжува со цел целосно расветлување на вклученоста на други лица, албански државјани и странци, посочи Ѓоли. (МИА)

Запленетa дрога во Кочани, вредна близу половина милион евра

Ивана Ефремовски — Fri, 15 Jul 2022 17:10:14 +0000

Полицијата денеска заплени над 200 килограми марихуана во голема полициска акција во Кочани. Полициска акција се уште е во тек, а детали од МВР најавуваат за утрешниот ден, по завршување на акцијата. Според првичните проценки, вредноста на дрогата е близу половина милион евра.

ДВЕ ПОЛИЦИСКИ АКЦИИ ВЕЧЕРВА ЈА ТРЕСАТ МАКЕДОНИЈА – МВР влезе во овие места за да заплени големо количество на дрога

Дарко Андоновски — Tue, 08 Feb 2022 19:55:49 +0000

Министерот за внатрешни работи, Оливер Спасовски вечерва информираше дека во тек е голема полициска акција во Ресен и Струмица. -Најавувам дека во моментот течат две акции на заплена на поголема количина дрога во Ресен и Струмица. Ова ја покажува решителноста на ова раководство на МВР во сузбивањето на недозволената трговија со дрога, објави Спасовски. Според него, добрата стратешка поставеност на министерството донесе солидни резултати, а државата е позиционирана како кредибилен фактор во борбата против недозволената трговија со наркотици.

ВИДЕО: Разбиена криминална група која се занимавала со недозволена трговија со дрога – уапсени се 3 лица, а запленетa дрога вредна 50.000 евра

Тале Кристо — Wed, 26 Jan 2022 14:43:42 +0000

На 25.01.2022 од страна на полициски службеници од Одделот за криминалистичка полиција-Сектор за недозволена трговија со дрога, оружје и опасни материи во соработка со Агенцијата за национална безбедност, Одделот за сузбивање на организиран и сериозен криминал, СВР Скопје и ОВР Свети Николе, по спроведена истрага во координација на Јавен обвинител од ОЈО за гонење на организиран криминал и корупција, беше пресечен транспорт на марихуана, со вкупна тежина од 25,3 килограми, вредна 50.000 евра, при што се лишени од слобода М.А.(63), Д.К.(45) и Ј.К.(82). Имено, во текот на јануари 2022 првопријавениот М.А. ја набавил дрогата и го ангажирал Д.К. на 24.01.2022 со рент-а-кар возило „форд фокус“, со скопски регистарски ознаки, да ја пренесе до викенд куќа на место Голиево, во Мирковци, изнајмена од страна на првопријавениот. На 25.01.2022, откако М.А. договорил купопродажба на 10 килограми марихуана во с.Василево, струмичко, ги ангажирал Д.К. и Ј.К. да ја пренесат дрогата со возилото „форд фокус“ до викенд куќа во с.Василево, а М.А. со остатокот од дрогата, со патничко возило „шевролет калос“ со скопски регистарски ознаки, се упатил кон Скопје. Истиот ден, на автопатот Скопје-Штип, во близина на место „Преод“, од страна на полициски службеници при извршен преглед на возилото „форд фокус“, со скопски регистарски ознаки, управувано од Д.К., каде како совозач бил Ј.К., во задниот дел биле пронајдени вреќа со марихуана во вкупна количина од околу 10 килограми и торба со остатоци од марихуана, а кај лицата биле пронајдени пари во различни валути и апоени. Притоа, двете лица биле лишени од слобода, како што соопшти Сузана Прањиќ Талевска, портпарол на МВР. Околу 14.00 часот на ул.„Јадранска магистрала“, од страна на полициски службеници била извршена контрола на патничко возило „шевролет калос“, со скопски регистарски ознаки, управувано од М.А., при што во багажниот простор биле пронајдени торба со 30 пакувања марихуана, неколку засебни пакувања со марихуана, две дигитални ваги со остатоци од марихуана, во вкупна количина од над 15 килограми. И М.А. бил лишен од слобода и приведен во полициска станица. Денеска (26.01.2022) Единицата за недозволена трговија со дрога и оружје при СВР Скопје до Основното јавно обвинителство за гонење на организиран криминал и корупција Скопје поднесе кривична пријава против М.А., Д.К. и Ј.К., поради постоење основи на сомневање дека сториле кривично дело „неовластено производство и пуштање во промет наркотични дроги, психотропни супстанции и прекурсори” предвидено и казниво по чл. 215 ст.3 од Кривичниот законик.

МВР не чувствува одговорност за запленетата дрога во нивното службено возило во Црна Гора

Магдалена Андонова — Fri, 24 Sep 2021 14:06:29 +0000

Министерството за внатрешни работи не чувствува одговорност за дрогата запленета во службеното возило на МВР на границата меѓу Албанија и Црна Гора. Според полицијата, запленетата дрога датира од 2016 година, кога автомобилот и бил даден на оваа институција од Агенцијата за управување со конфискуван имот. - Вработените во МВР немаат никаква врска со дрогата, туку таа била скриена во автомобилот, односно останала од 2016 година кога ова возило било запленето во акција на Царинската управа, а потоа дадено на Агенцијата за управување со одземен имот, од каде што пак, е отстапено на МВР. Вработените во МВР немаат никаква поврзаност со дрогата и тоа го потврдило и албанското јавно обвинителство, наведоа од МВР. Целиот текст може да го прочитате на АЛСАТ.

ПРЕСЕЧЕН МЕЃУНАРОДЕН КАНАЛ: Запленете дрога вредна 150.000 евра, приведени пет лица

Магдалена Андонова — Fri, 23 Jul 2021 07:27:11 +0000

Почнувајќи од минатиот месец, од страна на Одделот за криминалистичка полиција и Одделот за сузбивање на организиран и сериозен криминал беше спроведена истрага насочена кон лица инволвирани во организирање на меѓународни транспорти на марихуана од Република Албанија преку Република Македонија кон Република Грција, а организатор на криминалната група инволвирана во меѓународни транспорти на марихуана е М.А. (50) од Гевгелија. Во текот на истрагата беа добиени информации и податоци дека овие лица во периодот од 19.07.2021 година ќе организираат пренос на поголема количина на марихуана од Албанија до Струга потоа до Гевгелија, со цел истата да ја транспортираат кон Грција. На 22.07.2021, И.К. (37) од Гевгелија, З.Б. (52) од с. Грчиште, Валандово и Д.С. (27) од с. Марвинци со возило „опел вектра“ со гевгелиски таблички се упатиле кон с. Јанковец-Ресен, каде оствариле средба со Д.Д. (38) од с. Ливата, Струга, кој пристигнал со возило „опел вектра“ со ресенски таблички, а со кое Д.Д. ја донел и претходно обезбедената марихуана. Тоа возило било преземено од Д.С. и тој се упатил од с.Јанковец во правец на Градско, а И.К. и З.Б. со возилото со гевгелиски таблички се движеле пред него во улога на чистачи. По преземени мерки и активности, на 22.07.2021 околу 16:35 часот двете возила се запрени од полициски службеници од ОКП, ОСОСК и ОСПО-САЕ Тигар, при што во возилото што го управувал Д.С., во багажниот простор биле пронајдени три торби со 54 пакувања марихуана, која според првичните проценки има пазарна вредност од околу 150.000 евра, по што сите се лишени од слобода. Во координација со СВР- Струмица, СВР-Охрид и РЦ Југ извршени се и повеќе претреси на подрачје на Гевгелија, Валандово и Струга каде од слобода се лишени М.А. и Д.Д. (инаку поранешни вработени во МВР). За време на претресите пронајдени се голем број на мобилни телефони со СИМ картички, додека кај И. К. пронајдени се и одземени и две ловечки пушки, пиштол и муниција за наведените оружја кои лицето ги поседувал без дозволи. За сите превземени активности известен е надлежен Јавен обвинител од ОЈО за ГОКК, при што по комплетирање на целокупната документација против наведените лица ќе биде поднесена соодветна кривична пријава за сторено кривично дело по чл. 215 ст.3 од КЗ на РМ. Запленета дрога вредна околу 150.000 евра, пресечен меѓународен канал, приведени пет лица.

Приведени две лица од Битола, запленет хероин

Дарко Андоновски — Tue, 11 May 2021 13:43:32 +0000

На 09.05.2021 во 17.00 часот на наплатна станица Сопот, полициски службеници од Одделението за недозволена трговија Велес ги лишиле од слобода Г.Ц.(33) и О.Н.(35) од Битола. При преглед над нив и на патничко возило „голф“, со битолски регистарски ознаки, управувано од Г.Ц., каде како сопатник бил О.Н., пронајден е и одземен хероин. За настанот е известен Јавен обвинител и по документирање на случајот против нив ќе биде поднесен поднесок по чл.215 од Кривичниот законик.

Голема полициска акција во Гевгелија: Запленета е поголема количина на дрога, приведени се повеќе лица

Тале Кристо — Sat, 06 Mar 2021 18:26:01 +0000

Во Гевгелија во тек е акција за сузбивање на нелегална трговија со дрога. Запленета е марихуана, а има и приведни лица, потврдуваат од МВР за МИА. Од МВР повеќе детали за акцијата најавуваат за утре. Одредени медиуми објавија податоци дека станува збор за поголема количина дрога.

Во Мексико запленета дрога во вредност од 8,5 милиони американски долари

Дарко Андоновски — Sat, 10 Oct 2020 07:16:54 +0000

Мексиканската Национална гарада соопшти дека вчера запленила 684 литри течен метамфетамин во сојузната држава Сонора. Дрогата е пронајдена во 720 пластични шишиња означенакако суплементи за растенија. Вредноста на откриениот течен метамфетамин се проценува на околу 8,5 милиони американски долари. Исто така, Гардата уништила речиси 30 тони марихуана на плантажа во пограничното подрачје.

Во Мјанмар уништена запленета дрога вредна 839 милиони долари

Тале Кристо — Fri, 26 Jun 2020 17:40:59 +0000

Властите во Мјанмар денеска, по повод Меѓународниот ден на борба против дрогата, уништија запленета дрога во вредност од 839 милиони американски долари. Таа земја одамна е главен извор на нелегално производство и шверц на дрога. Само во главниот град, Јангон, во спектакуларен оган е запалена голема количина дрога во вредност од 144 милиони долари: опиум, хероин, метамфетамин, марихуана, кетамин и стимуланс познат како „ајс“ или „кристална мета“. Различни видови дрога од десетина тони е запалена и во другите градови на Мјанмар. Владата и Службата на ОН за дрога и криминал (УНОДЦ) соопштија дека во мај има рекордна заплена на дрога – 18 тони, меѓу кои 200 милиони метамфетамински апчиња.