запленето оружје – Kurir.mk

Приведени две лица, запленети оружје и муниција во импровизирана работилница во скопска Топаана

Дарко Андоновски — Wed, 03 Nov 2021 09:40:42 +0000

На 02.11.2021 од страна на полициски службеници од Одделот за криминалистичка полиција - Сектор за недозволена трговија со дрога, оружје и опасни материи во соодејство со Единицата за недозволена трговија со дрога и оружје при СВР Скопје лишени се од слобода А.Ј.(46) и С.Ј.(73), двајцата од Скопје, поради постоење основи на сомнение дека извршиле кривично дело „недозволено изработување, држење и тргување со оружје или распрскувачки материи“. Имено, по претходно обезбедена наредба од Судија на претходна постапка од Основен кривичен суд Скопје извршен е претрес на дом и помошни простории кај А.Ј., каде била лоцирана импровизирана работилница за изработка и поправка на оружје и муниција, при што биле пронајдени 6 ловни пушки, 3.215 парчиња муниција за огнено оружје, 67 механизми и делови од огнено оружје за пушки, 3 цевки за пушки, 74 делови од разновидно оружје, 9 затварачи за пушки, 22 кутии со разновидни механизми за пиштоли, една дигитална вага за мерење на барут. Како што соопшти портпаролот на МВР, Сузана Прањиќ Талевска, исто така, претрес бил извршен и кај неговиот татко С.Ј., кој во моментот престојувал во викенд куќа во с.Раштак, при што биле пронајдени: една полуавтоматска пушка, една ловна пушка, еден сигнален звучен револвер, шест цевки за оружје, три дрвени кундаци, 1604 куршуми со долго зрно, 101 куршум ловна муниција калибар 12 мм, затворач за оружје, куршуми маневарска муниција, 499 куршуми ловна муниција кал.16мм, четири пакувања со иницијални каписли. А.Ј. и С.Ј. се приведени во пoлициска станица и по документирање на случајот против нив ќе биде поднесена кривична пријава за извршено кривично дело по член 396 од Кривичниот законик.

ФОТО: Огромно количество оружје најдено во Кумановско

Предраг Кукиќ — Wed, 24 Apr 2019 13:33:25 +0000

Големо количество пешадиско оружје нашла полицијата завчера во атарот на кумановоското село Матејче, пишува НетПрес. Биле откриени сандаци со гранати за рачен фрлач „Кастор“ – 30 мм, куршуми, рачен ракетен фрлач, бомби и моќни воени двогледи. МВР за НетПрес ја потврди информацијата. На 23 април, 2019 година, во 09.30 часот на место викано „Матејачки штали“ во село Матејче, во нива биле пронајдени гранати РРФ 40 мм, куршуми калибар 7,62×56мм, две рачни бомби со запалка кинеско производство, еден рачен ракетен фрлач (РРФ) со цевка кородиран, постоље за истиот, една дигитална нишанска справа со метална кутија и едно постоље за неа. Увид на местото на настанот извршила увидна екипа на СВР Куманово и пиротехничар од Дирекцијата за заштита и спасување и предметите биле безбедно подигнати. Се работи на расчистување на случајот. Засега нема информации од полицијата дали можеби најденото оружје има некаква поврзаност со изборите за претседател во земјава или пак станува ззбор за нешто друго.

Оружје и муниција пронајдени во куќа во Чаир

Предраг Кукиќ — Sat, 13 Apr 2019 09:00:01 +0000

Во четвртокот, врз основа на судска наредба, полициски службеници извршиле претрес на дом и други простори на ул.„Дижонска 1“, каде што престојувал Д.К. (56) од Скопје. При претресот биле пронајдени пиштол „Застава М57“ калибар 7,62мм, пиштол „Црвена Застава М57“ калибар 7,62мм и девет куршуми калибар 7,62 мм. Против Д.К.(56) е поднесена пријава за недозволено изработување, држење и тргување со оружје или распрскувачки материи.

Полицијата во Бугарија заплени оружје повеќе отколку што поседува специјалната единица

Предраг Кукиќ — Wed, 05 Dec 2018 18:30:52 +0000

Бугарските власти запленија голема количина оружје и муниција за време на полициски рации во Софија и во село во централниот дел од државата. Бугарскиот премиер Бојко Борисов нагласи дека оружјето конфискувано од полицијата е со висок квалитет и количината е поголема од оружјето достапно на специјалната единица. Полицијата пронашла автоматски пушки, митралези, лансирни гранати и десетици илјади куршуми. Според првични информации, оружјето е произведено во фабрика во централна Бугарија. Полицијата соопшти дека е уапсен еден човек.