запознавање – Kurir.mk

Потребни се само 9 секунди: Како да оставите добар прв впечаток?

Ивана Ефремовски — Tue, 08 Sep 2020 19:11:40 +0000

На повеќето луѓе им е важно што мислат другите за нив. Ако и вам ви е грижа каков впечаток ќе оставите во одредени ситуации, научете како се прави тоа. Првиот впечаток е исклучително важен и во приватниот и во професионалниот живот. Истражувањата покажуваат дека за само 9 секунди другите нѐ проценуваат и врз основа на тој впечаток се темели секое понатамошно нивно размислување за нас. -Додајте вредност во првиот разговор. Поставете се како личност која има волја да помогне на другите и дајте го тоа до знаење во текот на првиот контакт. -Научете да разбирате како светот ве доживува. Не е проблем ако не сте премногу љубезна или зборлеста личност, најважно е да бидете автентични. Немојте да глумите нешто што не сте бидејќи тоа се чувствува. Бидете свои и разговарајте како што тоа вообичаено го правите. -Поставувајте ги вистинските прашања. Кога се работи за првиот впечаток вашите прашања се многу поважни од одговорите. Тоа значи дека за да ги поставите вистинските прашања мора да го слушате соговорникот. Личноста веднаш ќе се почувствува поудобно во ваше друштво. -Размислете за што размислува личноста и што ѝ е моментално главна тема.Тоа секогаш може донекаде да се предвиди, па затоа подгответе се за тоа. Ќе бидете добар соговорник, а тоа сигурно ќе придонесе за подобар прв впечаток за вас. -Запознавајте се со срце. Никому не му е едноставно да воспостави прв контакт – од првиот поглед до првото ракување. Секогаш постои страв дека тоа нема да помине најдобро. Но ако го победите стравот и му пристапите на запознавањето со срце, шансите за успех и добар впечаток се скоро загарантирани. Насмевнете се, стиснете ја раката цврсто и покажете дека сте добра личност.

Љубовни врски: Со кого ве запозна прво кажува многу за вашата иднина

Ристе Здравков — Sun, 16 Aug 2020 14:00:36 +0000

Почетокот на врската е возбудлив сам по себе, а многу е важно како се запознавате со новиот партнер и кои личности од неговиот живот сте ги запознале први. Има нешто посебно во тоа кога партнерот за прв пат ве запознава со луѓето кои му се блиски – семејството, пријателите, колегите. Потајно се надевате дека ќе им се допаднете и дека добро ќе се вклопите во неговиот круг на луѓе. Дали прво ве запознал со членови на семејството, со друштвото или со најблиските колеги кажува многу за типот на врска што тој сака да ја изгради со вас. Колеги од работа Едно е сигурно – кариерата игра голема улога во неговиот живот. Голема е веројатноста колегите од работа да се неговите најблиски пријатели. Има уште една варијанта – се „изгорел“ во претходната врска и мислејќи дека тогаш избрзал, решава прво да ве запознае со колегите, како „побезболна варијанта“. Пријатели Неговиот најтесен круг на пријатели се луѓе кои најдобро го познаваат и нивното мислење за вас многу му значи. Ако ве запознал со нив на вечерно излегување во кафуле или дискотека, тоа значи дека или случајно сте налетале на нив или ја одбрал „помеката“ варијанта. Ако договори поинтимна средба со потесен круг на луѓе или ве запознава со (речиси) сите одделно, тоа значи дека сака убаво да се запознаете со луѓето кои му значат. Семејство Најретко се случува партнерот прво да ве запознае со членови на семејството. Позитивната страна е дека семејството му е важно и најверојатно е тип кој сака врски „на долги патеки“. Негативна страна би било дека без „одобрување“ од семејството не влегува во посериозна врска, што би значело дека тој не носи одлуки самостојно и зависи од семејството.

Згодната Теодора ја запозна нејзината мајка со новото момче: Еве што кажува легендарната Гордана од „Задруга“ за идниот зет

Магдалена Андонова — Sat, 18 Jul 2020 07:38:37 +0000

Мајката на Теодора Џехверовиќ, Гордана, открива што мисли за нејзиниот иден зет, кошаркарот Нино Челебиќ. -Одврзани и се рацете за тоа прашање. Таа има право да управува со својот живот како што мисли дека треба, верувам во нејзе. Точно е дека по долго време е со овој дечко, но јас ја подржувам за секоја нејзина одлука. Го запознав, Теодора не крие ништо од нас. Дечкото е пристоен, а што ќе биде во иднина допрва ќе видиме. Нема никаква врска тоа дали е јавна позната личност или не, важно е дека си се најдоа. Да си одговараат еден на друг по каракер, тоа е најважно, изјавила Гоца, пренесуваат српските медиуми. Гордана имала само позитивни коментари за новиот зет, а на прашањето кој е поубав, Нино или Анѓело, дала многу интересен одговор.

View this post on Instagram

A post shared by ᏆᎬᎾᎠᎾᏒᎪ (@teodoradzehverovic) on Jul 16, 2020 at 11:22am PDT

-Не сакам да споредувам. Се „изгорев“ кога беше Задруга, па не би се впуштала во некои подлабоки коментирања, ќе се налути Теодора, низ смеење изјавила мама Гоца, пренесуваат српските медиуми. Нема врска дали е поубав. Убавината не мора да биде пресудна за љубов. Кај мене тоа е така, а мислам дека и она така мисли. Важен е карактерот, важно е однесувањето и да се сродни души, заклучила таа за „IDJTV“.

Ова е девојката чија желба денеска папата и ја оствари

Дарко Андоновски — Tue, 07 May 2019 15:03:04 +0000

Антонија Класновиќ е девојка од земјава, која беше една од посетителите на мисата, кои имаа можност да се качат на бината на плоштадот „Македонија“ и да се поздрават со поглаварот на Римокатоличката црква, папата Франциск.

Понтифот одржа миса на плоштадот пред голем број граѓани – верници од земјава, но и странство, почесни гости, македонскиот државен врв, љубопитни граѓани, кој таму беа за да видат една светски позната личност. Упати порака за за мир, соживот, за поголема љубов кон Бога и кон луѓето, а откако мисата заврши католичните верници имаа можност да се причестат.

Антонија во разговор за МИА вели дека ова бил еден од најсреќните моменти во нејзиниот живот.

-Многу сум среќна затоа што сум тука. Затоа што верувам во Бог. Ова е еден од најсреќните моменти во мојот живот. Отсекогаш сум сакала да го запознаам папата, вели таа.

Посака повеќе вера кај луѓето. -Сите да бидеме подобри, посплотени, подружељубиви, почовечни, похумани, вели Антонија.

Голем број католици од земјава, но и над илјада верници од Хрватска, околу 50 од Словенија, но католички верници од Босна и Херцеговина, Шпанија, Хондурас, Калифорнија ја слушаа мисата. Меѓу присутните имаше и голем број деца.

Хороскоп за запознавање нови луѓе во 2019

Ивона Петрова — Fri, 11 Jan 2019 09:30:36 +0000

Годината зад нас беше турбилентна во секоја смисла, па и по прашање на астрологијата. Тоа ќе се смени во тековната 2019-та. Венера и Марс ќе бидат со силно влијание цела година, што ќе донесе позитивни околности и искуства на љубовен и сексуален план. ОВЕН Главниот фокус на припадниците на овој знак ќе бидат самите, нивните кариери и патувањата. Тоа значи дека веројатно нема да имаат многу време за запознавање, но ќе имаат многу нови искуства. Доколку сакате баш да запознаете некој, тоа треба да се обидете да го направите на почеток на годината или во август. БИК И претходната година требаше да биде важна за Биковите, но оние кои не ја пронајдоа љубовта би можеле тоа да го направат сега. Се предвидува дека ќе биде изненадно, неочекувано и силно искуство за двете страни. Важно е само да бидете свесни што добивате и давате во љубовта. БЛИЗНАЦИ Веќе со години работите на себе и тоа конечно ќе ви се исплати, бидејќи е многу веројатно дека ќе запознаете некој со кој можеби и ќе останете засекогаш. Јупитер ќе биде на ваша страна и тоа не се однесува само на запознавање на нови луѓе, туку и на носење на постоечките на следно ниво. РАК И за вас е на ред награда за целиот труд кој го вложивте во себе во последно време. Три клучни датуми на кои треба да внимавате се 5 јануари кога некоја врата ви се отворила, што ќе кулминира на 16 јули, а уште еден отворен пат ве чека на 26 декември. ЛАВ Веројатноста за да запознаете некој е многу висока, но тоа се зависи од одредени промени во вашиот живот. Можеби ќе треба малку да се прилагодите кон се, но секако треба да очекувате добра година. Слободно опуштете се, излезете и блеснете во најдоброто светло. ДЕВИЦА За да дојдете до ново и вредност познанство, треба да бидете отворени во врска со желбите и намерите. За доволно ниво на хармонија, треба да го слушате срцето и да пуштите тоа да ве води. Треба да обрнете внимание на истите датуми како и Ракот, со дополнително и на 30 август. ВАГА Помали шанси за нови познанства ќе имаат родените во втората половина на овој знак, а севкупно ќе мора да работат на тоа што навистина сакаат од животот. Датуми кои се многу важни се 21 март и 19 април, кога може сешто да се случи. ШКОРПИЈА Јупитер ви донесе среќа минатата година, а сега е време за финансиско освежување. Тоа не ја исклучува љубовта, а два најважни датуми се 6 март и 4 мај. Само треба да верувате во тоа дека може да се случи и ќе се случи. СТРЕЛЕЦ Мора самите на себе да си поставите цели и да знаете што сакате, за да може тоа и да се оствари. Многу брзо ќе запознаете некој со кого ќе се поврзете на повеќе нивоа, но за да пеминете во врска треба двајцата да сте отворени околу своите планови и желби. ЈАРЕЦ Оваа година од вас ќе бара да ја „вработите“ способноста за долгорочно планирање за да ги остварите замислените цели. Околу 2 јули ве чека исклучителен момент во врска со партнерските односи, а цела година ќе ви донесе судбинска промена на која треба да бидете подготвени. ВОДОЛИЈА Не очекувајте ја судбоносната средба со вистинската личност, но нови познанства се загарантирани. Тоа не значи дека нема да имате забавна година и дека не треба да го искористите сето она што таа ќе ви го донесе. Може наместо партнерство ќе пронајдете нови и интересни пријатели. РИБИ Оставете ја својата сонувачка карактеристика на страна, за да може точно да процените што ви носи годината, па можеби ќе се поврзете со некој на вистински начин. Периодот од средината на август до крајот на септември е одличен за запознавање нови луѓе, веридби, свадби, па искористете го тоа.