заразен – Kurir.mk

Најмалку еден починат во Британија заразен со новата варијанта омикрон

Магдалена Андонова — Mon, 13 Dec 2021 12:00:18 +0000

Премиерот на Велика Британија, Борис Џонсон изјави дека починал најмалку еден пациент кај кого била потврдена новата варијанта на коронавирусот, омикрон. - За жал заразените кај кои е регистриран сојот омикрон завршуваат во болница и најмалку еден пациент кој се заразил од овој сој почина, истакна Џонсон. Британскиот премиер истакна дека треба да бидат внимателни. - Идејата дека ова е на некој начин поблага варијанта на вирусот треба да се стави на една страна, а од друга страна да се гледа пошироката слика и како тој забрзано се шири. Најдоброто нешто што можеме да направиме е да примиме бустер доза – изјави британскиот премиер.

Мицкоски: Кога бев заразен од КОВИД по мој избор го искористив државното здравство, не сакав да бидам привилегиран

Тале Кристо — Fri, 26 Mar 2021 18:06:42 +0000

Претседателот на ВМРО-ДПМНЕ Христијан Мицкоски во вечерашното интервју во емисијата „Што не е јасно“ на ТВ Алфа говорејќи за победат над корона вирусот изрази голема благодарност до целиот медицински персонал од инфективната болница во која тој се лекуваше, посочувајќи дека тој самиот избрал да се лекува во државно здравство. Јас сум човек кој што навистина сведочи за професионализмот и искуството на тие луѓе на таа клиника. Апсолутно немам никаква забелешка. -Тие луѓе се борат навистина вон човечки напори вложуваат за да се спаси човечки живот, плус да се излекува човечки живот. Гледам со каков ентузијазам работат, иако морам да признаам дека како и тој ентузијазам да има свој крај, дека тој ентузијазам не може да трае бесконечно иако се тоа луѓе кои што положиле и заклетва и се мотивирани да спасуваат човечки животи. Но, сепак знаете обременети околу целата оваа ситуација, не можете вие да се исклучите од сето тоа и сето тоа вас да не ви пречи и да не влијае врз вас. Така што ете јас ќе се задржам на одговорот на вашето прашање, на професионализмот и навистина големата мотивација која што е присутна кај овие луѓе и огрмоната благодарност која јас како човек им ја должам, вели Мицкоски.

Кари за време на натпревар дозна дека е заразен со коронавирус

Тале Кристо — Fri, 08 Jan 2021 09:35:14 +0000

Кошаркарот на Филаделфија, Сет Кари, дознал за позитивен тест за коронавирус за време на натпреварот против Бруклин (109:122) одигран ноќеска во Њујорк, објави новинарот на телевизискиот канал „ЕСПН“ Адријан Војнаровски. Првата четвртина Кари ја помина на клупата, по што мораше итно да ја напушти арената и да замине во самоизолација. Во меѓувреме, за заразени со коронавирус соопшти и НБА лигата. – Четворица НБА играчи добиле позитивни резултати како резултат на тестирање на коронавирус од 30 декември 2020 година, стои на веб-страницата на лигата. Имињата на заразените не се именуваат, но тие се изолирани. Вкупно 498 играчи се тестирани од 30 декември досега.

Заразен со коронавирус се фрлил од болница во Тирана

Магдалена Андонова — Mon, 30 Nov 2020 11:23:09 +0000

Шеесет годишен пациент заразен со Ковид-19 си го одземал животот фрлајќи се од третиот кат на болницата „Шефќет Ндроќи“ во Тирана, каде бил хоспитализиран. – Трагичниот настан се случил триесет минути по полноќ, кога пациентот Л.С. жител на градот Решен, си го одземал животот со фрлање од третиот кат на Ковид 2 болницата, каде бил хоспиталзиран пред десет дена. Истрагата продолжува со цел расветлување на околностите, се наведува во полциското соопштение. Првичните сознанија од истрагата покажуваат дека самоубиството пацентот го извршил поради влошена психичка состојба поради болеста. Ова е петти ваков случај од средината на август. Претходно тројца пациенти заразени од Ковид-19, на возраст од 29, 65 и 52 години се самоубија со фрлање од балконите на „Шефќет Ндроќи“, додека еден на 69-годишна возраст од балкон на Инфективната клиника. По обвинувања за недоволната грижа поради пренатрупаните болници, од страна на роднини на починатите и опозицијата, премиерот Еди Рама, неодамна рече дека „вакви работи се случуваат во многу други држави во Европа“, додавајќи дека во Италија од март до август се самоубиле 71 пациент заразен со коронавирус. Болницата „Шефќет Ндроќи“ е една од трите ковид болници заедно со Инфективната клиника, која е болница Ковид 1 и третата ковид болница која функционира во просториите на поранешното хирушко одделение во унивезитетската клиника „Мајка Тереза“. Претседателот Илир Мета побара од Министерството за здравство и социјална заштита, поради влошената епидемиолошка состојба и потребата од болнички капацитети, итно отворање на четврта ковид болница, како и ковид центри во 12-те регионални болници. (МИА)

Со Ковид-19 заразен епископот Давид кој ја водеше литургијата на погребот на Иринеј

Магдалена Андонова — Mon, 23 Nov 2020 11:03:29 +0000

Српскиот епископ Давид е заразен со коронавирус и е хоспитализиран, објави РТС. Тој вчера го служеше погребното опело и литургијата на погребот на патријархот Иринеј. Како што потврди РТС, епископот Давид бил тестиран по погребот на патријархот и наодот бил позитивен.Тој нема пневмонија, но поради симптоми на кашлица бил сместен во болница.

Важен играч на Милвоки заразен со коронавирус

Магдалена Андонова — Fri, 17 Jul 2020 11:19:38 +0000

Бекот на Милвоки Бакс, Ерик Бледсо е заразен со коронавирус и не е со тимот во Орландо, каде ќе продолжи сезоната во НБА, пренесува „ЕСПН“. – Немам никакви симптоми. Се чувствувам добро. Штом можам да ги исполнам барањата на НБА протоколите, планирам да им се придружам на моите соиграчи во Орландо, изјави Бледсо. Во својот прв натпревар од продолжувањето на кампањата, Милвоки ќе игра со Бостон на 31 јули. Сезоната во НБА беше запрена во средината на март, околу пет недели пред крајот на регуларната сезона, откако играчите од неколку екипи се тестираа позитивно за КОВИД-19.(МИА)

Тревога во јужнокорејскиот Парламент, пратеник бил во контакт со заразен

Магдалена Андонова — Fri, 03 Jul 2020 13:53:57 +0000

Јужнокорејскиот Парламент прогласи тревога и ја одложи седницата за ребалансот на буџетот, откако е откриено дека пратеник на владејачката Демократска партија на почетокот од неделава бил во контакт со лице заразени со коронавирусот. Пратеникот Ох Јеонг-Хван, кој во средата присуствувал на настан во својата изборна единица Вионгбу, преку смс ги известил новинарите дека еден од граѓаните со кој се ракувал е заразен со коронавирусот. Пратеникот, кој бил тестиран и е ставен во карантин, објаснил дека имал директен контакт со заразен човек. Се верува дека пратеникот од средата бил во контакт со околу стотина луѓе, меѓу кои и со пратеници и вработени во Собранието. Демократската партија побара од своите пратеници кои биле во контакт со него да останат во своите канцеларии во зградата на Парламентот. (МИА)

Дмитриј Песков заразен со новиот коронавирус

Тале Кристо — Tue, 12 May 2020 14:11:21 +0000

Портпаролот на Кремљ, Дмитриј Песков, е тестиран позитивен за вирусот Ковид-19. Според руски медиуми, тој бил задржан во болница. „Да, се разболев. Се лекувам”, изјави Песков за руските медиуми. Рускиот премиер Михаил Мишустин исто така се зарази со новиот коронавирус во крајот на април.

Филипче: Мали се шансите да сум заразен, но одлучив да работам од дома

Тале Кристо — Thu, 16 Apr 2020 19:31:27 +0000

Министерот за здравство Венко Филипче на вечерашната онлајн прес-конференција истакна дека од анкетата со епидемиолозите било утврдено дека се мали шансите тој и неговите колеги кои вчера присуствувале на седницата на Кризниот штаб во Куманово да се заразиле со коронавирусот, откако се потврди дека градоначалникот на Куманово, Максим Димитриевски е позитивен, бидејќи носеле заштитни маски. Сепак, вели Филипче, одлучил овие денови да работи од дома и да даде пример дека ова е начинот на кој треба да се постапува. Тој рече дека не знаеле оти на некои од членовите на Штабот во Куманово им биле земени брисеви и оти чекаат резултати, но, како што посочи, поради тоа што знаеле дека одат во подрачје каде има поголем број заразени. носеле соодветна заштитна опрема. Според министерот Филипче, поголемата бројка од 107 новодијагностицирани пациенти не е изненадувачка, со оглед на тоа што, како што истакна, влегуваме во период на пик на заразата. -Големата бројка дијагностицирани позитивни лица што ја имаме денеска не треба да изненадува бидејќи е бројка која ја очекувавме имајќи предвид дека влегуваме во пикот на број на дијагностицирани пациенти во овие недели во кои се пред нас. Сакам да кажам ова е уште еден сигнал да се апелира да се почитуваат сите мерки и препораки за да се спречи натамошно ширање на вирусот, рече министерот Филипче на вечерашната прес-конференција, што ја одржа онлајн од својот дом Тој истакна дека тоа особено важи и за поголемите собирања на празникот Велигден. -Категорично останувам на ставот дека не смее да има било какво групирање на граѓаните и оти тие треба буквално да се придржуваат до препораките. Сакам да кажам дека влегуваме во најкритичната фаза на епидемијата кога бројот на новодијагностицирани очекувано расте, но, ние не смее да дозволиме овој број дополнително да го оптовариме и да дадеме шанса за две недели од сега заради овие групирања да се јават нови заболени, рече министерот за здравство, додавајќи дека собирања од било каков вид се огромен предизвик. Тој ги повтори статистичките податоци на број на новодијагностицирани, оздравени и состојба на заболените што претходно денеска ги соопшти Министерството за здравство. Додаде и дека се направени тестови на 10 трудници на Гинеколошко акушерската клиника во Скопје и оти сите биле негативни. Исто така, направени се и серолошки тестирања на медициски персонал од Куманово и оти од 210 само кај две лица покажеле позтивни резултати на ИГМ анти тела. Затоа, рече Филипче, нив ќе им бидат направени и дополнителни тестови за коронавирус. Во врска со случајот во болницата во Битола, со пациент кој е дијагностициран дека е позитивен на коронавирусот, а лежел на Интерното одделение, Филипче истакна дека од разговорите со надлежните добил информации дека тој бил во изолиран дел, но како што рече, ДСЗИ ќе направи инспекција и по утврдување на фактите ќе биде информирана јавноста. Притвореникот кој вчера почина во Затворот во Шутка посмртно бил тестиран и е негативен на коронавирусот, рече министерот Филипче.

Член на жирито на „Ѕвездите на Гранд“ заразен со коронавирус (ФОТО)

Тале Кристо — Thu, 26 Mar 2020 15:04:30 +0000

Давид Ѓорѓе преку социјалните мрежи потврди дека е позитивен на коронавирус. Познатиот српски рокер и член на жирито на „Ѕвездите на Гранд“, Ѓорѓе Давид во болница заврши поради воспаление на белите дробови. Тој преку социјалната мрежа Инстаграм испрати порака до сите. -За жал... потврдено ми е дека позитивен сум на Ковид-19! Не разбирам... Очаен сум. Вирусот ќе помине, но... Болницата, пеколот, како да си во затвор или војска. Луѓе чувајте се. Ве молам!, напиша тој на Инстаграм.