заразено – Kurir.mk

Едногодишно дете е заразено од коронавирус во Битола, еве ги деталите

Ристе Здравков — Wed, 29 Jul 2020 15:37:52 +0000

Денес во Битола се регистрирани 5 позитивни лица, на возраст од 1, 4, 38, 39 и 45 години. Сите лица даваат податок за контакт со друго позитивно лице и се поврзани во фамилијарни кластери. Од контактите на новорегистрираните лица, за 8 лица е даден предлог за здравствен надзор и домашна изолација до ДСЗИ (Државен санитарен и здравствен инспекторат- ПО Битола). Вкупниот број на активни случаи во Битола изнесува 63. Денес се регистрирани 4 оздравени лица и еден смртен случај кај лице на возраст од 73 години кое беше хоспитализирано во ГОБ “8 ми септември”- Скопје. Во Демир Хисар денес е регистрирано едно позитивно лице на возраст од 70 години, а од неговите контакти за 2 лица е даден предлог за здравствен надзор и домашна изолација до ДСЗИ. Новорегистрираното лице не дава податок за контакт со друго позитивно регистрирано лице. Вкупниот број на активни случаи во Демир Хисар изнесува 25. Во Ресен денес има еден регистриран случај на возраст од 56 години, а регистрирано е и едно оздравено лице. Новорегистрираното лице не дава податок за контакт со друго позитивно регистрирано лице. Од неговите контакти за 1 лице е даден предлог за здравствен надзор и домашна изолација до ДСЗИ. Вкупниот број на активни случаи во Ресен изнесува 32. Во Кичево денес има регистрирано 11 позитивни лица од кои 4 на возраст од 41-50 години, 3 на возраст од 51-60 години, 2 на возраст од 21-30 години и по еден во возрасните групи 11-20 и 61-70 години. Лицата не даваат податок за контакт со друго регистрирано позитивно лице. Вкупниот број на активни случаи во Кичево изнесува 79. Денес се регистрирани 14 оздравени лица, соопштија од Центарот за јавно здравје.

Австриски експерт тврди дека половина од населението на Балканот е заразено со коронавирусот

Магдалена Андонова — Mon, 27 Jul 2020 14:43:25 +0000

Шефот на Одделот за хумана медицина на австриската Агенција за безбедност на храна (АГЕС), Франц Алербергер, проценува дека стапката на зараза со коронавирусот во земјите од Западен Балкан е 50 проценти. Алербергер за виенскиот неделник „Профил“ изјави дека смета оти заразата на Балканот е десет пати поголема отколку што покажуваат официјалните бројки. – Локалното население во Вухан или Ишгл го имаше тој степен на заразеност, рече тој, потсетувајќи дека во австрискиот ски центар Ишгл, кој беше европско жариште на почетокот на пандемијата, стапката на зараза беше 43 проценти според серолошките тестови. Австрија ги стави земјите од Западен Балкан на листата на високо ризични земји во однос на зараза со коронавирусот. (МИА)

„Можно е пола население во Велика Британија да се заразило со Ковид-19“

Тале Кристо — Wed, 25 Mar 2020 20:25:06 +0000

Повеќе од пола население во Велика Британија можно е да се заразило со новиот коронавирус, се вели во една студија од Оксворд Универзитетот, а се однесува околу заразата со коронавирусот во Британија. Понатаму, во студијата се вели дека коронавирусот во Велика Британија можно е да пристигнал кон средината на јануари месец, две недели пред да биде првиот заразен пациент со коронавирус, како и еден месец после првата жртва од коронавирусот. Доколку ова се покаже како точни, може да се каже дека коронавирусот имал доволно време за да се прошири во цела Британија, и да создаде имунитет кај многу луѓе. Епидемијата се намалува доколку многу луѓе створат имунитет, пошто вирусот го намалува проширувањата, се вели во студијата од Оксворд Универзитетот.