жаришта – Kurir.mk

Во моментов овие општини се жаришта на корона вирус во Македонија

Тале Кристо — Sun, 13 Dec 2020 15:44:15 +0000

Вкупната бројка на ковид дијагностицирани во Македонија од почетокот на епидемијата изнесува 73.638, бројката на оздравени пациенти е 49.414, на починати е 2.121, а бројот на активни случаи изнесува 22103. Според досега завршените епидемиолошки анализи во моментов дистрибуцијата по градови е следна: • Скопје 31757, активни 11369 • Куманово 4268, активни 658 • Дебар 562, активни 165 • Штип 3065, активни 466 • Прилеп 3669, активни 944 • Тетово 4394, активни 984 • Струга 1781, активни 458 • Велес 2446, активни 689 • Битола 2654, активни 889 • Охрид 2044, активни 620 • Кавадарци 1697, активни 637 • Гостивар 3078, активни 834 • Гевгелија 945, активни 298 (66 лица од ПЕ Гевгелија се жители на Дојран, 158 на Богданци и 12 се странски државјани) • Струмица 2005, активни 576 • Крива Паланка 526, активни 128 • Радовиш 520, активни 133 • Крушево 151, активни 73 • Кочани 1427, активни 260 • Пробиштип 405, активни 68 • Демир Хисар 218, активни 48 • Македонски Брод 198, активни 36 • Пехчево 120, активни 23 • Берово 453, активни 105 • Валандово 254, активни 59 • Виница 418, активни 124 • Делчево 602, активни 291 (170 лица од ПЕ Делчево се од Македонска Каменица) • Кратово 172, активни 27 • Свети Николе 980, активни 210 • Кичево 1448, активни 374 • Ресен 563, активни 186 • Неготино 818, активни 371 (123 лица од ПЕ Неготино се жители на Демир Капија). Инаку како што информираа од Министерството за здравство во последните 24 часа се направени 1837 тестирања, а регистрирани се 613 нови случаи на ковид-19 во: Скопје-204, Куманово-35, Дебар-15, Штип-20, Прилеп-27, Тетово-29, Струга-19, Велес-24, Битола-23, Охрид-27, Кавадарци-38, Гостивар-24, Гевгелија-19, Струмица-9, Крива Паланка-8, Радовиш-8, Кочани-11, Пробиштип-3, Македонски Брод-2, Пехчево-1, Берово-12, Валандово-2, Виница-1, Делчево-4, Свети Николе-15, Кичево-11, Ресен-7, Неготино-15. Како последица од корона вирусот починале 25 лица, осум пациенти од Скопје (63, 80, 72, 72, 53, 81, 60 и 71г), двајца од Куманово (86 и 87г), еден од Прилеп (77г), двајца од Велес (68 и 61г), тројца пациенти од Битола (54, 67 и 57г), еден од Кавадарци (68г), тројца од Гостивар (60, 75 и 59г), еден од Гевгелија (71г), еден од Струмица (47г), еден од Радовиш (53г), еден од Свети Николе (75г) и еден пациент од Ресен (84г). Од нив двајца пациенти се починати вон, останатите се починати во болнички услови. Денеска Институтот за јавно здравје регистрира 688 оздравени пациенти од: Скопје-251, Куманово-38, Дебар-3, Штип-39, Прилеп-45, Тетово-41, Струга-18, Велес-29, Битола-43, Охрид-28, Кавадарци-26, Гостивар-32, Гевгелија-2, Струмица-13, Крива Паланка-4, Радовиш-6, Кочани-12, Пробиштип-1, Демир Хисар-7, Македонски Брод-3, Пехчево-1, Берово-2, Валандово-2, Виница-2, Свети Николе-6, Кичево-18, Ресен-7 и Неготино-9.

Студија: Ретки се жариштата и случаите на Ковид-19 во англиските училишта

Магдалена Андонова — Sun, 23 Aug 2020 12:53:21 +0000

Во училиштата во Англија во јуни потврдени се 67 случаи на Ковод-19 и 30 жаришта на заразата, покажуваат резултатите од најновото истражување на Институтот за јавно здравје за стапката на заразеност со Ковид-19 во образовните институции од првиот ден на нивното отворање на 1 јуни. Во заклучокот од студијата се наведува дека се ретки жариштата и слуачите на новиот коронавирус во образовните институции во Англија. Во текот на јуни бројот на деца кои посетуваа настава во училиштата зголемен е од 475.000 на повеќе од 1,6 милиони. Во студијата се наведува дека постои голема поврзаност помеѓу регионалната стапка на инфицираност и бројот на жаришта во образовните институции, поради што е нагласено значењето на контрола на локалната трансмисија на Ковид-19. Регистрираните случаи на зараза најчести се во основните училишта, каде новиот коронавирус е потвден кај 30 ученици и 37 вработени. Ниту едно дете не е хоспитализирано, а само еден учител е на интензивна нега. (МИА)

Лифтовите потенцијални жаришта на Ковид-19, предупредуваат експертите

Ивона Петрова — Fri, 26 Jun 2020 08:33:06 +0000

Медицинските експерти постојано советуваат дека затворените простории треба секојдневно да се проветруваат, но останува отворено прашањето како тоа да го сториме во лифтовите. И покрај тоа што во нив е вградена соодветна вентилација, со самиот факт дека илјадници луѓе мора да користат лифт за да стигнат од и до домот или работното место, постои голема веројатност самите лифтови да бидат жариште на коронавирусот. – Германската компанија МИКРОДЕЛ, основана од Македонецот, Димче Поповски, соочувајќи се со коронавирусот, го повика својот тим експерти да создадат иновативен и револуционерен концепт за чисти и безбедни лифтови. УВ-гермицидал е систем конципиран со софистицирана технологија, ефективно елиминира 99 проценти од бактериите и вирусите во воздухот во лифтот, со што го прави целосно чист и безбеден. Тој е креиран да ги блокира предизвикувачите на заразни болести кои ги има во воздухот, на принцип на тотална стерилизација, и е прочистувач на загаден воздух, појаснуваат од компанијата. Експертите, исто така советуваат дека не е доволно само дезинфицирање на лифтовите на класичен начин еднаш дневно, потребни се интелигентни решенија кои ќе бидат активни нон-стоп. Според нив, токму лифтовите во работните простории, болниците итн., што се пофреквентни и од оние дома се постојан извор на зараза и пред појавата на Ковид-19. Во државава овој софистициран систем за заштита од коронавирусот веќе го имплементира компанијата за лифтови „Дака“. – Потребна е високософистицирана технологија со високи перформанси на молекуларно ниво со препарати и технологија одобрени од Светска здравствена организација. Државните и приватните институции, станбени и деловни објекти, како и сите останати објекти кои имаат лифтови и проток на луѓе, потребно е да вградат постојана заштита од бактерии и вируси, пред се во моментот, заштита од коронавирусот, а тоа ќе го сторат кога во своите лифтови ќе инсталираат таканаречени УВ системи кои ќе препознаваат, стерилизираат и прочистуваат загаден воздух, појаснува прим. д-р Данчо Балаловски. Во земјава бројките на заразени од коронавирусот се високи, така што граѓаните треба да бидат заштитени и додека се возат во лифтовите, почитувајќи ги безбедносните мерки од надлежните.

Црна Гора: Вирусот не ослабна, можни повторни жаришта

Ивона Петрова — Mon, 22 Jun 2020 09:20:35 +0000

Типот на вирусот што се појави по укинувањето на мерките и прогласувањето на Црна Гора за „земја без корона“ не е послаб од оној што преовладуваше во првиот дел од епидемијата, соопштија за весникот „Побједа“ епидемиолози од Институтот за јавно здравје на Црна Гора. Тие истакнаа дека во моментов нема валидни научни податоци што би укажале на послаба вирулентност на вирусот, ниту пак во моментов има соодветно биолошко објаснување за тоа. Епидемиолозите од Институтот сметаат дека помалата смртност, кожариштаја во моментов се регистрира во некои делови на светот, треба да се земе со резерва затоа што е многу веројатно дека тоа се должи на фактот дека во моментов заболуваат оние категории на населението кои не се сметаат за особено ранливи, односно помлади. – Оние луѓе кои се изложени на најголем ризик од компликации и фатални исходи, како што се хронично болните и старите лица, се чини дека подобро се придржуваат кон мерките и на тој начин помалку се разболуваат низ целиот свет, барем во последно време, објаснуваат од Институтот. Истиот наод, односно образец на однесување, е потврден и во истражувања во Црна Гора кои ги спроведува агенцијата ИПСОС со поддршка на УНИЦЕФ, Институтот и СЗО. – Во резултатите од истражување објавени на 2 јуни, во Црна Гора луѓето со хронични заболувања почесто избегнуваат да одат во продавници, аптеки и места со многу луѓе и повеќе избегнуваат физички контакт со најблиските за да се заштитат од коронавирусот, објаснија од оваа здравствена установа. Во истражувањето се наведува и податокот дека во исто време, 26 проценти од хронично болните луѓе велат дека се многу загрижени за сопственото здравје кога станува збор за новиот коронавирус, во споредба со 18 проценти од вкупната целна популација вклучена во истражувањето. Институтот предупредува дека во Црна Гора и поголемиот дел од Европа, новиот бран на коронавирусот може да дојде и пред есен, доколку не се почитуваат мерките за превенција, особено физичко растојание, носење маски и хигиена.