жарко караџоски – Kurir.mk

Николоски: Власта не ги слуша ниту своите идеолози на мерките против корона, затоа јасно е оставки мора да има

Катерина Бојаџиева — Sat, 21 Aug 2021 11:28:33 +0000

Потпретседателот на ВМРО-ДПМНЕ, Александар Николоски вели дека власта не си ги почитува кажувањата ниту на оние кои им се идолози на мерките кои се спроведуваа од почетокот на корона кризата. Николоски ова го вели во коментар на изјавата на првиот човек на Комисјата за заразни болести, Жарко Караџоски кој пред некој ден изјави дека тие како Комисија препорачале летово да не се одржуваат свадби на затворено, а надлежните од власта го отфрлиле тоа. „После таква изјава на човек кој е предводник на целата оваа политика на мерки во однос на короната, кои според мене се неефикасни од самиот почеток на пандемијата до денес, и кога таква изјава доаѓа од перјаница на власта од идеологот на овие мерки и кога е јасно дека власта не го послушала, јасно е дека оставки мора да има“, вели Николоски. Според него непочитувањето и непридржувањето до мерките кои самите си ги предлагале значат загубени човечки животи за кои секој ден слушаме. „Но, тоа значи и многу човечки животи во опасност во следниот период“, смета Николоски.

Полициски час не е исклучена можност: Заврши утринскиот состанок на кризниот штаб, Филипче закажа прес-конференција

Ивона Петрова — Mon, 26 Oct 2020 09:55:43 +0000

Заврши седницата на главниот кризен штаб на кој се анализираат последните случувања со коронавирусот во Македонија и препораките кои се добиваат од страна на Комисијата за заразни болести, јавува ТВ 21. На утринскиот состанок, не се доставени нови рестриктивни мерки од комисијата, но рапидниот број на заразени може да го промени тоа во следните денови. Изворите за ТВ21 брифираат дека не е исклучена можноста доколку продолжи зголемувањето на бројот на заразени, повторно да има полициски час. Министерот за здравство Венко Филипче и претседателот на Комисијата за заразни болести Жарко Караџовски за денеска во 13 часот закажаа прес-конференција.

Караџовски: Не бидете себични да лудувате по журки, и в година ќе бидете млади!

Ристе Здравков — Sun, 06 Sep 2020 08:34:39 +0000

Идејата дека во текот на летните месеци вирусот ќе го снемало е апсолутно неточна и стручно незидржана. Вирусот е тука, бројот на смртни случаи е намален, но тој е тука, вели шефот на Комисијата за заразни болести, д-р Жарко Караџовски, во изјава за „360 степени“. Тој особено ги критикува собирите и јавните настани на кои се прекршуваат мерките за заштита. „Колку свадби се имаат направено во тајност? Колку венчавки, матурски, родендени? Ова нека е поука за младите – вирусот не ги напаѓа само старите лица, тие лица ги носи на респиратор. Меѓутоа, младите, исто така, заболуваат со тешка симптоматологија, имавме немили сцени од деца и млади луѓе што починаа од 22 до 40 години“, вели Караџовски. Тој потенцира дека за здравствениот систем да го издржи ударот, особено во есенските и зимските месеци кога се очекува зголемен број на респираторни заболувања, секој поединец мора да се однесува одговорно. „Затоа, не лудувајте по свадби, родендени, крштевки и журки. Оставете годинава нека помине, нека се стабилизира состојбата. И догодина ќе бидете млади. Внимавајте на своето здравје и не дозволувајте вирусот да влезе во вашата фамилија. Немојте да бидете себични и да размислувате само за вас“, вели Караџовски.