Миленковски: Шилегов на секој начин го губи овој спор за рушење на галијата, освен ако не стане судија на овој спор

Магдалена Андонова — Tue, 06 Apr 2021 09:13:24 +0000

Жарко Миленковски, сопственик на галијата која вчера почна да се руши од страна на сегашниот градоначалник Петре Шилегов во своето гостување во „Утрински брифинг“ зборуваше за рушењето на галија и за можноста која ја најави Шилегов за монтирање на бродот на друга локација. -За ова теоретски постои можност за вакво нешто но во практика знаете дека ако еден објект се сруши дека потоа монтирањето е исто толку скапо колку што и самото градење. Ова е уште еден од тие неточни информации кои ги кажува градоначалникот. Сигурно тоа монтирање ќе треба некој да го плати, се надевам и жал ми е ако тоа треба да го платат граѓаните, сепак во оваа криза и во оваа пандемија каде може парите да се искористат за многу други работи, тој реши да троши пари на граѓаните за вакви работи. Можеби нема да биде градоначалник кога ќе се трошат парите на граѓаните, но тој ќе биде директно одговорен, рече Миленковски. Милековски во своето гостување посочи дека за овој случај пишувале и во Бугарија затоа што оваа галија е странска инвестиција односно инвеститорот е бугарски државјанин. -За овој случај пишуваат и новините во Бугарија.Замислите каков голем срам е за мене и за целата држава да може да се рушу објект без судска одлука од 1.200.000 евра. Времени мерки се носеле за спречување на штета настаната за некои 10.000 евра, времена мерка не се носи под притисок на градоначалникот за рушење на број од 1.200.000 евра, кажа тој. Миленковски зборуваше и за тоа како тие функционирале и како ја надминале ситуација поради пандемијата. За време на пандемијата по член 9 од Договорот со град Скопје, градот Скопје требаше да ни овозможи непречено работење. Меѓутоа за време на пандемијата ние бевме комплетно затворени и без никаква помош. Мислам дека Владата имаше изјава да се намалат кириите, да се помогне на стопанствениците. Никаква помош од Град Скопје не добивме, напротив пративме две писма каде јас лично го прашувам што ќе правиме, какви мерки да превземеме, но не одговори на ниедно од тие писма. Веднаш потоа плативме 100% од долгот кој го имавме за тие два месеци и третиот месец ни го раскина долгот по плаќање на сите сметки од 100%, седум дена потоа добивме писмо за раскинување, значи на сите можни начини го губи овој спор, нема начин да го добие освен ако не стане судија на овој спор, додаде тој

жарко миленковски – Kurir.mk

Миленковски: Шилегов на секој начин го губи овој спор за рушење на галијата, освен ако не стане судија на овој спор