жарко пешевски – Kurir.mk

Пешевски: Ветувам дека во иднина ќе гледате ваков Еурофарм Пелистер

Бошко Тасиќ — Thu, 28 Sep 2023 05:52:42 +0000

Македонскиот ракометен шампион Еурофарм Пелистер загуби од германскиот шампион Кил со 20-23 во мечот од третото коло во Лигата на шампиони. Задоволен од настапот на својата екипа беше и капитенот Жарко Пешевски. „Овој натпревар треба да ни биде поттик како треба да се однесуваме во иднина. Влеговме максимално мотивирано, знаевме дека екипата мора да проработи. Кил е многу поискусен и тоа беше единствената разлика на теренот. Шеесет минути бевме максимално бодрени и крајно време е да почнеме да победуваме. Макотрпно се работи на тренинзи, се анализира противникот и самите играчи меѓусебно повеќе се разбираат и во иднина ќе биде само подобро. Супер-проитивници ни се ривали во Лигата на шампионите и мора да сме 200% спремни. Ветувам дека во иднина на секој домашен натпревар ќе гледате ваков Еурофарм Пелистер“, ни рече Пешевски. Следниот домашен натпревар Еурофарм Пелистер го игра за еден месец против Киелце, а претходно ќе гостува во Париз и Загреб.

Пешевски: Имаме шанси да победиме против Колстад

Бошко Тасиќ — Tue, 12 Sep 2023 04:13:27 +0000

Македонскиот ракометен шампион Еурофарм Пелистер во рамките на првото коло од ЛШ ќе игра против Колдинг. Во пресрет на мечот Жарко Пешевски даде свое видување. „Точно, емоцијата може да биде пресудна, но може да го даде и оној чекор напред, онаа посебна сила за да бидеш подобар и посмирен од противникот, да му зададеш удар и да се радуваш на крајот. Играме против супер екипа како Колстад, која негува агресивен и динамичен ракомет“, вели капитенот на Пелистер, Жарко Пешевски.

Тој и соирачите пред себе имаат еден тим кој има амбиции да биде фактор во европскиот ракомет, ако не оваа сезона, тогаш во блиска иднина. Предводени се од Сандер Сагосен, кој во кариерата бил шампион на Европа, на Данска, Германија и на Франција, а редовно на големите првенства е дел од „ол-стар“ тимовите. „Се работи за тим составен од повеќе норвешки репрезентативци, на чело со Сагосен. Тој, Род и двајцата голмани се лидери во тимот. Имаат искалена, агресивна одбрана, за која со видео анализи треба добро да се подготвиме за да ги пробиеме. Но, мислам дека ако сè оди по планот, имаме шанси да се надигруваме и на крајот да се радуваме. Мислам дека ова наше место ни е заслужено како шампиони на Македонија по осумнаесет години. Ние и фановите треба заедно добро да се поставиме и ќе бидеме светла точка која гордо ќе ја претставува и Македонија и овој ракометен град, Битола“, заклучи Пешевски. Мњчот Пелистер - Колстад се игра в среда од 18.45 часот.

Пешевски и Танкоски не играат против Португалија, селекторот повика две нови имиња

Бошко Тасиќ — Mon, 06 Mar 2023 05:51:09 +0000

По дополнителните лекарски прегледи и одлуката ракометарите на, Жарко Пешевски и Марио Танковски да бидат ослободени од обврските во националниот тим, селекторот Кирил Лазаров дополнително повика двајца ракометари. Нови имиња на подготовките се ракометарите на Вардар 1961, Михаил Аларов и Марко Мишевски. Македонија ја очекува двомеч со Португалија во квалификациите за Европското првенство 2024 година, а пред овие две средби селекторот Лазаров се соочува со големи проблеми. Од повиканите ракометари отпаднаа Филип Талески, Марио Танковски, Павле Атанасијевиќ и Жарко Пешевски. Македонските репрезентативци во следните два дена ќе се подготвуваат во салата „Автокоманда“, пред дуелот на деветти март против Португалија во СЦ „Борис Трајковски“. Три дена подоцна следи возвратен натпревар во Матосињос.

Пешевски: Апелирам да останеме сите заедно

Бошко Тасиќ — Wed, 01 Mar 2023 05:19:04 +0000

Македонскиот кружен напаѓач Жарко Пешевски по поразот и елиминацијата во Европската лига истакна дека тимот мора да остане заедно и побара голема поддршка за да се остварат останатите зацртани цели на клубот. „Прво сакам да им честитам на ракометарите на Мотор. Ние не ја искористивме шансата пред домашната публика и направивме многу технички грешки. На вакви клучни натпревари не треба да ни се случува тоа.Бевме мотовирани, но прокоцкавме многу шанси. Едноставно мора да се разбудиме што побрзо. Треба да се освестиме и во следните предизвици да влеземе со мирни глави. Апелирам да останеме сите заедно, ќе ни треба голема поддршка за да ги оствариме целите“, рече искусниот кружен напаѓач.

Пешевски: Подготвени сме, но кога ќе излеземе на теренот како да се случува нешто

Ристе Здравков — Tue, 17 Jan 2023 18:55:37 +0000

Македонија доживеа трет пораз на Светското првенство, загубивме и од Аргентина со убедливи 35-26, го завршивме настапот во Краков на последното место и ќе играме во Президент купот со последните селекции од останатите групи. Жарко Пешевски вели дека ова не е вистинското светло на оваа репрезентација, тој не знае зошто работите не функционираат кога ќе се излезе на теренот. „Изгубивме и од Норвешка со голема разлика и од Аргентина со голема разлика. Не можам да кажам дека не сме работеле на подготовки, дека не сме биле доволно спремни. Ова не е нашето вистинско лице, мислам дека во иднина треба да поработиме на тоа. Имаме добра атмосфера, но кога ќе излеземе на теренот како нешто да се случува таму. Имаме многу млади играчи, потребна е поддршка, патот кон иднината ќе биде трнлив. Некои викаат дека случајно сме се пласирале тука, не сме се пласирале случајно, многу добро знаеме како се пласиравме. Мислам дека тука има играчи што оставаат и последна капка пот и крв и мислам дека ќе се спремиме да го одиграме тој Президент куп како што доликува“, вели Пешевски. „Ни фалат многу важни играчи, но тие се пензионираа. Тоа е некоја пречка, бариера која некој треба да ја пополни и да сфати дека нема да биде Кире до нас, нема да биде Столе до нас. Дека ние сме тие што треба да ја преземеме одговорноста“. извор: mkd.mk

Пешевски: Најмногу време ѝ посветивме на Холандија

Бошко Тасиќ — Sat, 14 Jan 2023 20:16:30 +0000

Нашите ракометари пред мечот со Холандија тренираа во малата сала на Таурн . Жарко Пешевски, кружниот напаѓач на Македонија, говореше за „лалињата“ и нивниот стил на игра, како и нашата подготовка. „Холандија игра брз ракомет, не е скандинавска екипа, но се работи за квалитетен тим. Имаме шанси да ги победиме, но мора да бидеме на нивото. Анализите за овој меч ни траат, ние ќе се обидеме тактички да бидеме подобри. На Холандија ѝ посветивме најмногу внимание и се надевам дека ќе покажеме дека неслучајно сме овде. Мора да играме многу подобра одбрана од натпреварите во изминатиот период и да имаме трпелив напад. Ако се враќаме навремено, ќе најдеме решение за сите играчи на противникот“

Пешевски за Курир: Со поддршка од „Фалангата“ се надевам на изненадување против Норвешка

Ристе Здравков — Fri, 13 Jan 2023 09:10:29 +0000

Македонската ракометна репрезентација од вчера е во Краков каде ќе настапи на престојното светско првенство кое се одржува во Полска и Шведска. Селекторот на репрезентацијата Кирил Лазаров ги одбра 18 играчи кои треба да настапат на ова светско првенство, а еден од нив е и пикерот Жарко Пешевски кој за Курир откри каква е атмосферата во репрезентацијата и за тактиката против вечерашниот противник Норвешка. Пешевски каква е атмосферата моментално во репрезентацијата? Кои се очекувањата од вечерашниот дуел со Норвешка? -Владее одлична атмосфера во репрезентацијата. Долго, квалитетно и напорно работевме за ова Светско првенство. Ќе дадеме се што е во наши можности да се претставиме во добро издание на сите натпревари. Првиот меч е вечерва против Норвешка, една моќна ракометна сила која е апсолутен фаворит. Не се предаваме влагаме мотивирано паметно со глава бидејќи нема што да загубиме, а можеме многу да добиеме. Со подршка од Фалангата се надевам на успешна ракометна приказна на првиот меч, изјави Пешевски за Курир. Пешевски знаејќи ја силата на Норвешка, подготвувана ли е посебна тактика за овој дуел? -Сите три селекции против кој играме во групата ни се веќе добро познати и анализирани. Тактичко,технички и физички сме спремни. Стручниот штаб си ја заврши работата останува уште тоа да го пренесеме на терен, истакна Пешевски.

Пешевски: Огромни се гостинските бодови во Европа

Бошко Тасиќ — Tue, 29 Nov 2022 20:02:38 +0000

По двата домашни порази против фаворитите во групата, Архус и Фуксе Берлин, македонскиот претставник во Европската лига, Еурофарм Пелистер одговори со две гостински победи и го трасира патот кон трето по ред осминафинале. Екипата на Ларс Валтер славеше во Германија против Мотор со 30-33 (16-18), во дуел во кој битолчани водеа во текот на сите шеесет минути.Кружниот напаѓач Жарко Пешевски смета дека овој натпревар е најдобар можен одговор за лошото половина полувреме против Фуксе Берлин. „Одговоривме на најдобар можен начин за можеби лошите 15 минути против Фуксе Берлин. Се консолидиравме, заздравиме психички и физички и од првата минута покажавме дека дојдовме тука да се бориме, секој да го заслужи овој дрес и на крајот да си заминеме со големи два бода и со победа.Огромно значење имаат овие четири бода на гостински терен, тоа ќе ни биде како „ветер во грб“ за наредните натпревари. Се спремаме за натпреварот во Кавадарци против Тиквеш во петок, тоа е озбилно гостување, па ни следи тешко патување за Шпанија. На секој натпревар се стремиме да бидеме подобри од претходниоти да се собереме што е можно повеќе бодови на крајот од групата“, смета кружниот напаѓач.

Еурофарм Пелистер го ангажираше репрезентативецот Жарко Пешевски

Бошко Тасиќ — Fri, 27 May 2022 15:31:49 +0000

Македонскиот репрезентативец Жарко Пешевски од следната сезона ќе го носи дресот на Еурофарм Пелистер. Битолчани носат квалитетно засилување на пикерската позиција, а Пешевски се враќа во својата земја од редовите на Штутгарт каде настапува сезонава. 31-годишниот Пешевски потпиша тригодишен договор и ќе биде претставен пред стартот на подготовките за следната сезона

Жарко Пешевски желба на Еурофарм Пелистер

Бошко Тасиќ — Sat, 07 May 2022 05:35:56 +0000

Еурофарм Пелистер не ја крие желбата да донесе квалитетни домашни засилувања за наредната сезона, а на врвот на листата со желби од актуелните македонски репрезентативци се наоѓа Жарко Пешевски. Битолчани веќе договорија еден пивот за наредната сезона, рускиот репрезентативец Денис Василев, но тоа не значи и откажување од намерата за потпис со Пешевски. Покрај Василев, „пелистерци“ потпишаа договори и со словенечкиот голман Лесјак, тунискиот бек, Хосни, потоа и со Португалецот Дејвис и Французинот Сери. Веќе е договорена и преселбата на најмалку двајца ракометари од Еурофарм Пелистер 2, перспективните Павле Атанасијевиќ и Цветан Кузманоски, а не се исклучува можноста и бројот на млади играчи од „двојката“ во првиот тим дополнително да се зголеми.