жарко ристески – Kurir.mk

Ристески: Македонски Брод доби грант за „Изградба на игралиште за мал фудбал и кошарка во с. Манастирец“

Тале Кристо — Fri, 02 Sep 2022 13:33:33 +0000

Денес, во просториите на полската амбасада, полскиот амбасадор Војциех Тицињски и градоначалникот Жарко Ристески потпишаа договор за доделување на грант на Општина Македонски Брод за реализација на проектот „Изградба на игралиште за мал фудбал и кошарка во с. Манастирец“, информираат од општина Македонски Брод.

Ристески: Обезбедуваме квалитетно и сигурно водоснабдување на Македонски Брод и населените места

Магдалена Андонова — Thu, 05 May 2022 13:46:33 +0000

Ве известуваме дека денешниот прекин на водоснабдувањето во Македонски Брод и населените места кои се снабдуваат со вода од регионалниот водовод „Студенчица“ е поради решавање на еден повеќе децениски проблем, информираше преку Фејсбук објава градоначалникот на Македонски Брод, Жарко Ристески. Тој појасни дека денес се изведуваат две активности за подобрување на водоснабдувањето: едната активност се спроведува на градскиот резервоар , каде се врши замена на 2 вентили Ф225 кои поради долгогодишното експлоатирање воопшто не беа во функција и втората активност е реконструкција на дел од потисниот цевковод Ф225 од ниската зона на градот Македонски Брод, кој поминува преку мостот на реката Треска. - Со решавањето на овој повеќегодишен проблем се обезбедува квалитетно, континуирано и безбедно водоснабдување на Македонски Брод и населените места кои се приклучени на регионалниот водовод „Студенчица“. Во Македонски Брод се работи, Македонски Брод оди напред, Македонски Брод се променува, додава Ристески.

Ристески за 100 дена локална власт: 4 нови улици во Македонски Брод, набавка на компјутери за средното училиште, изградба на водоводна мрежа во викенд населбата Здуња и многу други проекти

Дарко Андоновски — Wed, 23 Feb 2022 13:19:40 +0000

Градоначалникот на општина Македонски Брод Жарко Ристески од ВМРО-ДПМНЕ на денешниот регионален отчет насловен „Промени што носат иднина - 100 дена локална власт отчет на ВМРО-ДПМНЕ“ вели дека изминатите 100 дена отчетно и транспанетно пред граѓаните ја управувал општината, се со цел подобрување на условите и начинот на живот за сите жители на општината. Ристески истакна дека општината ја наследил со долг од на 59 милиони денари, но успеал да врати дел од средствата по основ на извршување и по основ на обврски на буџет. При доаѓањето на функцијата градоначалник, во Општина Македонски Брод затекнат е долг од вкупно 59.487.548,00 денари. По преземањето на функцијата исплатени се 1.709.587,00 – по основ извршување и 1.002.783,00 – основ на обврски по буџет, рече тој. И покрај ваквата состојба со силни напори, успеваме квалитетно и навремено да ги испорачуваме општинските услуги. Општина Македонски Брод e општина со нулта толеранција за корупција, општина со непродуктивни трошоци сведени на минимум и трошоци за репрезентација еднакви на нула, додаде Ристески. Во делот на инфраструктура, Ристески додаде дека е започната изградба на неколку улици во општината. -Изградба на улици во с.Суводол и Грешница“, Општина Македонски Брод со вкупна должина од 1 436 метри, Изградба на улици во с.Црешнево, Општина Македонски Брод со должина од 591 метар, отпочнато е комунално уредување на градските гробишта во Македонски Брод, асфалтирање на улица ,,Васко Карангелески,, во должина од 700 метра, асфалитирање на ул ,,Поречка,, со краци во должина од 1 247метри како и водоводи, атмосферска и фекална канализација, изградба на канал Песјак за зафаќање на атмосферски води паралелно со изградба на фекална канализација, регулирано собирање и одведување на атмосферските води на ул.„Кузман Јосифоски-Питу, изградба на водоводна мрежа во викенд населба Здуња со вкупна должина од 1.912 метри, вели градоначалникот Ристески. Ристески додаде дека е започнато изградба на кошаркарско игралиште во кругот на ООУ ,,Св. Климент Охридски, изградба на мултифункционално игралиште во с. Манастирец во близина на Дневниот центар за деца со посебни потреби. Во делот на образованието Ристески изјави дека за средното училиште набавени се компјутери и опрема за кабинети. -Во Средното општинско училиште набавени се наставно-образовни средства (компјутери и опрема за кабинети), канцелариска опрема и мебел во висина од 1 265 849 денари, во основно училиште „Св.Климент Охридски“ обезбеден е бесплатен оброк за учениците со продолжен престој, реконскрукција и пренамена на старата детска градинка во Дневен центар за деца со посебни потреби, реконструкција на кровот на поновиот дел од основното општинско училиште „Свети Климент Охридски, нагласи тој. Ристески потенцираше дека се исчистени неколку диви депонии во општината поточно во м.в Барбарос, дивата депонија во населеното место Гимназија – градски гробишта, како и депонијата за градежен отпад кај м.в Алкалоид, Уредена е депонијата на м.в ,,Барбарос, исчистена е депонија во населено место Гимназија- градски гробишта, исчистена е депонијата за градежен отпад кај м.в ,,Алкалоид, изјави Ристески. Ристески кажа дека и во следниот период продолжува со забрзано темпо да работи во интерес на жителите на општина Македонски Брод и заеднички да создадат современа, развиена и економски силна општина. Во периодот кој следува, на нас останува да продолжиме со нашата мисија со позабрзано темпо и заеднички да создаваме современа, развиена и економски силна општина, заклучи Ристески.

Ристески на средба со претседател на Бизнис Конфедерацијата на Македонија Миле Бошков

Тале Кристо — Thu, 23 Dec 2021 13:59:21 +0000

Денес во кабинетот на градоначалникот на нашата општина, Жарко Ристески, во работна посета беше господин Миле Бошков, претседател на Бизнис Конфедерацијата на Македонија. На средбата беше разговарано за активна соработка на Општина Македонски Брод со Бизнис Конфедерацијата на Македонија во насока на поддршка и развој на бизнис секторот во општината, преку концептот за одговорно водење бизнис, поттикнување на одржливост на економијата и долгорочен развој на микро, малите, средни и големи претпријатија.

Ристески во посета на село Црешнево каде се одвиваат градежни активности на централната улица

Магдалена Андонова — Thu, 11 Nov 2021 13:17:20 +0000

Градоначалникот на Македонски Брод, Жарко Ристески денеска беше во работна посета на село Црешнево, каде веќе се одвиваат интензивни градежни активности за модернизација на централната улица во ова населено место и нејзино поплочување со бекатон плочки. - Од страна на изведувачот бев известен дека градежните работи се изведуваат со утврдената динамика и ова населено место ќе добие комплетно нова патна инфраструктура, напиша Ристески во својата Фејсбук објава.

Ристески: Победата во Македонски Брод покажа дека на граѓаните им е преку глава од политичари кои ветуваат, а не остваруваат

Магдалена Андонова — Mon, 18 Oct 2021 18:17:00 +0000

Вчера граѓаните на Македонски Брод ја донесоа големата победа, за водство во првиот круг. Оваа победа покажа дека е време за промени во Македонски Брод. Се покажа дека на граѓаните на Македонски Брод им е преку глава од политичари кои ветуваат, а не остваруваат, стои во Фејсбук објавата на Жарко Ристески, кандидат на ВМРО-ДПМНЕ за општина Македонски Брод. Тој изрази голема благодарност до сите кои ја подржаа неговата визијата да го направат Македонски Брод поубаво и подостоинствено место за живеење за идните генерации. - Затоа заедно ќе го направиме Македонски Брод убаво и модерно катче, каде место ќе има за секого. Денес е нов почеток на следниот круг на избори. Ве повикувам во вториот круг да излезете во уште поголем број сите вие кои сте незадоволни и сакате промени, затоа што само така можеме да ја дозавршиме работата која што ја почнавме и уште во Ноември да се зафатиме со работа, со цел реализација на програмата со многу проекти со цел заеднички победи за Македонски Брод, пишува Ристески.

Ристески: Имам план, имам програма со проекти за поубава општина Македонски Брод

Ристе Здравков — Sun, 10 Oct 2021 16:31:54 +0000

Почитувани мои сограѓани. Македонски Брод е мала општина во срцето на нашата Македонија, но гледано години наназад секогаш била занемарувана од властите, било од државна или локална власт, рече во своето видео обраќање кандидатот на ВМРО-ДПМНЕ за градоначалник на општина Македонски Брод, Жарко Ристески. -Сметам дека јас како кандидат за градоначалник за Македонски Брод заедно со мојот тим ќе успееме конечно да го уредиме нашиот град и да го направиме Македонски Брод едно поубаво место за живеење за сите граѓани и сите генерации. Македонски Брод е мојата и нашата општина во која живееме и треба со неа да се гордееме бидејќи таа е нашиот дом, но домот заслужува многу посветеност, искреност, чесност и домаќинско работење, истакна Ристески. Имаме план, имаме програма со проекти, имаме визија во каков Македонски Брод сакаме сите заедно да живееме, порача Ристески.

Ристески: Македонски Брод ќе добие индустриска зона, ќе ги реконструираме улиците и ќе отвориме дневен центар за лицата со посебни потреби

Ивана Ефремовски — Thu, 07 Oct 2021 15:53:53 +0000

Ветувам дека јас како менаџер на општината секоја недела еден ден во неделата своите работни активности ќе ги извршувам од Општинската зграда во Самоков, само така локалната самоуправа ќе ја направиме поблиска до граѓаните и сервис на граѓаните, вели Жарко Ристески, кандидат за градоначалник на ВМРО-ДПМНЕ за општина Македонски Брод на вечерашниот митинг пред граѓаните. Ристески вети и враќање на општинските линиски превози од секое населено место, субвенционирани со средства од локалниот буџет. -Исто така ветувам ќе го воспоставиме општинскиот линиски превоз од секое населено место а истиот ќе го субвенцонираме со средства од локалниот буџет, секој граѓанин да може да стигне до градот, рече тој. Индустриската зона на Барбарос мора да стане реалност со што ќе овозможиме можност за отворање на нови вработувања, а со тоа младите ќе останат тука. Со проектот урбанизација на руралните средини ќе овозможиме развој на сточарството, но мора да го помогнеме и пчеларството и руралниот туризам. Прочистителните станици во Самоков и Македонски Брод мора да се стават во функција затоа што приматот на најеколошка општина. Но не смее и не треба да го заборавиме поречието: село Бенче, село Рамне, Вир, село Здуње и Близанско ќе добијат асфалтни патишта. Викенд населбите повеќе нема да се соочуваат со недостаток на вода а водоводни системи ќе добијат и Црешнево, Сланско Крапа, Локвица, Вир Лупште. Фекална канализација ќе добијат Брест Црешенво Девич. Во Македонски Брод ул.Васко Кранѓелески, Илинденска, Кирил и Методиј, Сава Ковачевич ќе се реконструираат додека булеварот Маршал Тито, ул. Партизанска и Илија Игески Цветан ќе добијат нови реконструирани тротоари, а со тоа ќе ја зголемиме безбедноста на граѓаните, нагласи тој. Ристески ја побара поддршката од граѓаните и вети решавање на проблемот со кучињата скитници, како и дневен центар за децата со посебни потреби. -Детскиот фестивал Распеано Бродче повторо ќе стане реалност, а Зградата Сарај ќе ја пренамениме во она што заслужува да биде, а тоа е музеј. Македонски Брод треба да добие дневен центар за лицата со посебни потреби, ќе посветиме внимание и ќе го решиме проблемот со бездомните кучиња, вети Ристески.

Ристевски вети бесплатни wi-fi зони во Македонски Брод

Катерина Бојаџиева — Fri, 01 Oct 2021 16:04:32 +0000

ВМРО-ДПМНЕ се залага за младите. Покрај многуте проекти за младите во Македонски Брод кои ги има во програмата на кандидатот за градоначалник Жарко Ристески, е бесплатни wi-fi зони на 2 фрекфентни локации во Македонски Брод и една во Самоков.

Ристески: Наместо живот за сите, донесоа лажна надеж и ветувања за граѓаните на општина Македонски Брод

Ивона Петрова — Fri, 27 Aug 2021 10:12:00 +0000

Изминативе четири години општина Македонски Брод е во слободен пад, локалните власти испорача многу лажна надеж, лажни ветувања и брутална неискреност, реализацијата на програмата е еднаква на нула. Реконструкцијата на колекторскиот систем, градежното земијиште за млади брачни парови, изградбата на градскиот кеј, изградбата на градскиот паркинг, се дел од проектите кои останаа само на хартија, истакна на денешната прес-конференција кандидатот за градоначалник на Општина Македонски Брод од ВМРО-ДПМНЕ. Жарко Ристески вели дека ветија живот за Македонски Брод, а од Македонски Брод почнаа да заминуваат и најупорните оптимисти. -Две децении како социјален работник се борам за правата на лицата во социјален ризик, за децата со посебни потреби, децата без родители и родителска грижа, за социјална правда и еднаквост, а како градоначалник уште поинтезивно дека ќе се борам за правата на овие категории, а како родител ќе се борам за сите деца да имаат еднакви можности за раст и развој во Македонски Брод. На младите светот останува и тие се нашата заедничка иднина за која имаме огромна обврска да се грижиме и да им обезбедиме убава, чиста и економски стабилна општина, а ние сме таа генерација од која што треба да започнат промените и заедно да започнеме со создавање на убави можности за живеење каде што младите ќе бидат дел во процесот на донесување на одлуките во секој сегмент на секојдневното живеење. Мојата визија е Македонски Брод да биде пристојно место за живеење каде сите жители ќе имаат еднакви можности за развој без разлика на социјалниот статус или политичката припадност, истакна Ристески. Посочи дека општинска администрација ќе биде во служба на граѓаните, а Македонски Брод ќе го развиваме подеднакво на целата територија и ќе посветиме внимание на секое населено место. -Конечно градскиот кеј, за кој сонуваа многу генерации ќе стане реалност, а колекторските системи во Македонски Брод и Самоков ќе се стават целосно во функција. За децата со посебни потреби во с. Долни Манастирец ќе изградиме детско игралиште, селата Црешнево, Локвица, Вир ќе добијат нов водоснабдителен систем, а многу инфарструктурни проекти ќе се реализираат и во селата Бенче, Брест, Самоков, Косово, Звечан. Но не треба и нема да го забораваме Поречието, недопрената природа, чистиот воздух и гостопримството на поречаните , кои се добар ресурс за развивање на руралниот туризам. Поддршката на туризмот има значајна улога и е една од стопанските дејности во секоја држава, а особено значаен фактор во економскиот развој на малите општини каде што треба да се обрне поголемо внимание, а тоа ќе го направиме со изработка на детална туристичка мапа во која ќе се промовираат културните, историските и природните богатства на општина Македонски Брод, а со тоа и привлекување на нови инвестиции и креирање на нови работни места. Потребно е на нашите граѓани да им создадеме услови за квалитетно културно и спортско живеење, афирмација на материјално-духовното културно наследство, промоција и поддршка на многубројни спортски настани и проекти по кои ќе биде препознатлива општина на мапата на спортски настани во нашата држава. Ќе се вмрежиме со бизнис секторот и невладиниот сектор, се со цел да обезбедиме нови работни места и да развиеме голем број на услуги, само така Македонски Брод може да биде пристојно место за живеење. Јас од вас не барам да ми дадете власт и да владеам со Македонски Брод. Јас барам да ми овозможите да ја менаџирам општина Македонски Брод, а тоа значи во наредните четири години заедно да го креираме општинскиот буџет заедно да решаваме каде ќе се трошат нашите народни пари и на кои проекти ќе им дадеме приоритет. Излегувам чесно и искрено пред Вас и се обврзувам со конкретна програма и конкретни проекти и конечно нека победи Македонски Брод. Затоа Ве повикувам сите кои искрено ја сакаат Македонија и Македонски Брод да застанеме рамо до рамо сите заедно и да издвoјуваме победа, голема победа за Македонски Брод. За сите Вие кои имате искрени и чесни намери има место во нашата кампања која ќе биде позитивна и оптимистичка, потенцира Ристески. Да го вратиме заедно оптимизмот во Македонски Брод кој низ годините ни беше одземен. Конечно нека победи Македонски Брод ! Македонски Брод и Поречаните тоа го заслужуваат!