заробени – Kurir.mk

Хамас се заканува дека ќе ги погуби заробените Израелци поради нападот врз Газа

Катерина Бојаџиева — Mon, 09 Oct 2023 18:28:04 +0000

Военото крило на Хамас - Бригадите ал-Касам - се заканија дека ќе ги погубат израелските заробеници доколку Израел продолжи да бомбардира и убива цивили во Газа. „Секое таргетирање на невини цивили без предупредување ќе биде со егзекуција на еден од заробениците во нашиот притвор, а ние ќе бидеме принудени да ја емитуваме оваа егзекуција“, рече Абу Обеида, портпарол на бригадите Касам на Хамас. „Жалиме за оваа одлука, но го сметаме ционистичкиот непријател (Израел) и нивното раководство за одговорни за тоа“, рече тој. Хамас објави дека распоредува 1.000 припадници на специјалните единици за напад на Израел, изјави денеска извор близок до групата. Како што наведе, Хамас се подготвува да го изврши најразорниот напад врз Израел во изминатите децении.

Експлозија во рудник за јаглен во Турција, десетици рудари заробени под земја

Тале Кристо — Fri, 14 Oct 2022 19:32:39 +0000

Десетици рудари останаа заробени под земја по денешната експлозија во рудник за јаглен во провинцијата Бартин во северна Турција, јавува Анадолија. Експлозијата се случила на 300 метри под земја во рудник за јаглен во крајбрежната провинција Бартин на Црното Море во 18:15 часот по локално време (15:15 часот по Гринич). На местото на настанот се испратени медицински екипи и пожарникари. – Спасувачките тимови успеаја да извлечат 14 рудари, додека најмалку 49 се уште се заробени, рече гувернерот на Бартин, Нуртац Арслан. Засега нема пријавени жртви. Турската управа за справување со катастрофи и вонредни состојби (АФАД) соопшти дека експлозијата во рудникот во населбата Амасра била предизвикана од трансформатор. Министрите за внатрешни работи и за енергетика и природни ресурси на Турција Сулејман Сојлу и Фатих Донмез ќе отпатуваат во Амасру по инструкции на турскиот претседател Реџеп Тајип Ердоган.

Украински генерал тврди дека заробиле 200 руски војници

Тале Кристо — Sun, 27 Feb 2022 09:32:54 +0000

Украинскиот генерал-мајор, Борис Кременецки одржа конференција во Вашингтон, каде што рече дека заробиле околу 200 руски војници кои биле „лошо опремени“. –Заробивме околу 200 руски војници, од кои некои се на возраст од 19 години. Тие воопшто не се обучени и се слабо опремени. Постапуваме во согласност со Женевската конвенција, изјави Кременецки, кој во моментов е функционер во Амбасадата на Украина во САД. Кременецки додаде дека на војниците им било дозволено да им се јават на родителите и дека добивале храна и вода. Си-ен-ен не можеше да го потврди ова негово тврдење. Генералот, исто така, рече дека тесно соработува со Пентагон, но дека на Украина сепак и е потребна позначајна воена помош. –Ни треба дополнителна помош. Ве уверувам дека се што добивме досега е искористено на вистински начин, изјави тој.

Министерство за одбрана на Украина објави слики од заробени руски војници – eден од нив е роден во 2002 година (ФОТО)

Тале Кристо — Thu, 24 Feb 2022 18:15:42 +0000

Фотографии од заробени руски војници на украинска територија на Твитер објави Министерство за одбрана на Украина. -Војниците на 93-та механизирана бригада заробија двајца руски окупатори. Tие беа од 423-от моторизиран пешадиски полк Јампол, воена единица 91701, се вели во објавата покрај фотографиите. Информирајќи за ситуацијата во земјата, Министерството објави дека од 15:00 часот по локално време продолжуваат борбите по целата линија на контакт, дека нема пробив на руските сили, но се водат жестоки борби. -Руските окупаторски сили се обидоа да ја пробијат одбраната со употреба на 16 тенка. Нашата војска користеше ракети и уништени 3 непријателски тенка, се вели во информацијата од украинското МО. Исто така, се наведува дека четири балистички ракети биле истрелани од територијата на Белорусија во југозападен правец.

Soldiers of the 93rd Mechanized Brigade captured two Russian occupiers, they were from 423rd Yampol Motorized Rifle Regiment, military unit 91701. pic.twitter.com/UJzypYXWmm
— Defence of Ukraine (@DefenceU) February 24, 2022

Граѓани на Србија „заробени“ во Кина: Платиле карти 10 пати до сега а летовите се откажани неколку пати

Тале Кристо — Wed, 01 Jul 2020 10:52:21 +0000

Многу граѓани на Србија останаа заробени во Кина поради влошената состојба од коронавирусот. - „Ситуацијата во Кина е стабилна. Маските се носат само кога се оди во маркет и слично, но на улица се помалку ги среќаваме“, соопшти Немања Милошевиќ кој пошол во Кина поради работа и требал да се врати во јануари, но и понатаму чека лет за да се врати во Србија. Немања работел онлајн, така да за разлика од другите државјани на Србија во Кина не е загрозен. - „Има и доста студенти кои се заробени по кампусите по 5-6 месеци, па мораат да плаќаат смештај, а има и граѓани со здравствени проблеми кои треба да се вратат кај своите лекари и да пролжат со терапииите“, вели тој. Проблемите започнале откако летовите биле откажани и тоа по неколку пати, иако граѓаните на Србија си купиле карти кои чинеле и по десет пати повеќе за разлика од пред пандемијата, цена со 300 или 400 евра претходна сега е скокната од 3.000 или 4.000 евра. Поради тоа граѓаните имаат голем финансиски проблем. „Амбасадата на Србија ќе им излезе во пресрет колку може но не може да им организира сега лет. Ние не бараме бесплатен превоз, него едностано да платиме толку колку што плаќавме претходно за картите“, додаде Милошевиќ.

Стотици илјади морнари се заробени на бродови поради пандемијата

Тале Кристо — Tue, 09 Jun 2020 07:31:36 +0000

Државите мораат да преземат чекори за да дозволат речиси 200.000 морнари кои се задржани на бродови да се вратат во своите домови поради ограничувања во борбата против пандемијата, соопшти Меѓународната организација на трудот. Тие наведуваат дека морнарите се исцрпени и се соочуваат со ментални проблеми, затоа што тие се на бродови четири месеци откако требаше да ја завршат својата работа, јави ДПА. „Таквата состојба го загрозува нивното здравје и безбедноста на поморскиот сообраќај. Потребна е акција за да се обезбеди пристојна работа на морепловците, да се избегнат поморски несреќи и катастрофи во животната средина“, рече Гај Рајдер, генерален директор на таа организација. Исто така, нови морнари не можат да ги заменат колегите, поради забраната за замена на екипажи, што е на сила за да се спречи ширењето на коронавирусот. – Владите треба да ги означуваат морнарите како работници чија работа е неизбежна во пандемија, да им дозволат да се вратат дома безбедно и да ги заменат со нов екипаж, додаде Рајдер.