заробеници – Kurir.mk

Повеќе од 1.000 заробеници од Азовстал се префрлени во Русија

Ивона Петрова — Wed, 08 Jun 2022 05:50:52 +0000

Повеќе од 1.000 украински војници, кои се предале во Мариупол, поради истрагата се префрлени во Русија, изјави денеска за Тасс извор од полицијата. -Над 1.000 луѓе од Азовстал се префрлени во Русија. Со нив работат полициски службеници. Иследниците планираат во следниот период во Русија да испратат и други затвореници, рече изворот на Тасс. Според него, во Москва во моментов има околу 100 луѓе, „вклучувајќи ги и странските платеници кои се предале во Мариупол“, а Тасс во овој момент не може да добие официјални коментари од истражителите и полицијата за оваа информација. Портпаролот на руското Министерство за одбрана, Игор Конашенков, на 20 мај објави дека руските војници ја зазедоа фабриката Азовстал во Мариупол, каде што беа припадници на украинските сили. Според руската страна, во Азовстал се предале вкупно околу 2.400 лица, а Киев сега упорно бара нивно преземање преку размена на затвореници, иако некои руски функционери бараат на некои од предадените војници да им се суди.

Размена на заробеници во Херсон

Ивона Петрова — Fri, 15 Apr 2022 08:52:19 +0000

По долги преговори во Посад-Покровск, областа Херсон разменети се четворица руски заробеници за пет украински војници, соопшти денеска украинската армија. Досега имаше повеќе размени на заробеници, но сè уште е непознато колку затвореници има на двете страни. Херсон беше еден од првите големи украински градови освоен од руските сили. Според тврдењата на Пентагон, украинските сили ја вратиле контролата врз градот. Херсон е стратешки град во јужна Украина, лоциран на реката Днепар и Црното Море, а во него живеат повеќе од 280.000 луѓе.

Арестович: Итна истрага поради наводно злоставување на заробеници

Тале Кристо — Mon, 28 Mar 2022 06:57:37 +0000

Советникот на украинскиот претседател, Алексиј Арестович вети итна истрага по појавувањето на видео на кое се гледа како украински војници пукаат во колената на мажи, кои очигледно се руски заробеници. – Владата ова го сфаќа многу сериозно и ќе се спроведе итна истрага. Ние сме европска армија и не ги исмеваме нашите затвореници. Ако ова се покаже како точно, тоа е апсолутно неприфатливо однесување, нагласи Арестович. Тој истакна дека Украина ги третира затворениците во согласност со Женевската конвенција. Си-Ен-Ен побара коментар од украинското Министерство за одбрана. – Со цел да ги дискредитира украинските одбранбени сили, непријателот снима и дистрибуира монтирани видеа кои го покажуваат нехуманиот третман на наводните „украински војници“ кон руските затвореници. Нагласувам дека војниците на вооружените сили на Украина и другите легитимни воени формации строго се придржуваат до нормите на меѓународното хуманитарно право, изјави началникот на украинските вооружени сили Валери Залужни.