Светски ден за заштита на животните

Ивона Петрова — Sun, 04 Oct 2020 07:34:53 +0000

Секоја година на 4 октомври се одбележува Светскиот ден на животните. Се одбележува на Денот на Свети Франциск, заштитник на животните. Одлуката за тоа беше донесена во 1931 година на Меѓународниот конгрес на приврзаници на движењето за зачувување на природата во Фиренца, Италија. Целта на Светскиот ден на животните е да се подобри односот кон животинските видови низ целиот свет преку обезбедување поддршка за поединци, групи и организации за заштита на животните. .Во светот има над 40 000 загрозени видови. Според Комитетот на ООН за заштита на животните и природата, најмалку 100 видови животни исчезнуваат секој ден поради ловокрадци заради профит. Меѓу најкритичните видови, кога станува збор за загрозени видови се џиновските панди, тигри, морски желки, големи примати, слонови и носорози. Активистите за заштита на животните предупредуваат дека дури и во најразвиените земји во светот има „срамни исклучоци на загрозување на животните“ и тие го наведуваат примерот на шпанската борба со бикови и англиската традиција на лов со кучиња, што е забрането. Негативни примери вклучуваат кинески фарми со мечки, кои се чуваат за медицински цели, нехуман лов за извоз на морски желка во Индонезија и Јапонија и низа други закани за преживување на животните. Особено внимание се посветува на заканата за тигрите, кои се делумно изумрени.

Зоо Скопје започнува нова кампања, ова се препораките за посетителите

Ивона Петрова — Fri, 20 Jul 2018 08:41:49 +0000

„За здрави и среќни животни“ е кампања за подигнување на свеста кај посетителите, чија цел е да се спречат несовесните посетители да фрлаат храна, но и отпадоци во живеалиштата на животните во Зоолошката градина. - Почнавме со кампањата за зашита на животните. Причина за тоа се несовесните граѓани кои и покрај предупредувањата, на животните им даваат висококалорична храна, но фрлаат и отпадоци кои можат да го загрозат нивниот живот. Нашите животни се хранат со здрава храна, редовно и по нормативи. Секој жител на Зоолошката има свое мени, а исхраната е составена само од висококвалитетна храна богата со витамини, минерали, протеини, соопштуваат од Зоолошката градина. Директорот на Зоолошката градина Ѓорѓи Галетановски вели дека храната што ја фрлаат посетителите штетно влијае на здравјето на овие животни. Тој додава дека прва во улога на ЗОО негувател се приклучила пејачката Тамара Тодевска со ќеркичката Хана. На Тамара ќе и се приклучат и многу други јавни личности - спортисти, пејачи, актери кои ќе бидат во улога на ЗОО негуватели и ќе ги предупредуваат и едуцираат несовесните посетители да не фрлаат нездрава храна кај животните.

заштита на животни – Kurir.mk

Светски ден за заштита на животните

Зоо Скопје започнува нова кампања, ова се препораките за посетителите