засилувања – Kurir.mk

Англиските клубови оваа зима потрошија рекордни 440 милиони фунти за засилувања

Тале Кристо — Wed, 25 Jan 2023 13:41:14 +0000

Клубовите од англиската Премиер лига го соборија рекордот по трошење пари за засилувања во зимскиот преоден рок. Премиерлигашите потрошија 440 милиони фунти на трансфери во зимскиот трансфер прозорец. Последниот рекорд беше поставен во 2018 година, кога англиските клубови потрошија 430 милиони фунти во јануари. Челзи беше најголем трошач оваа зима, а новите трансфери го чинат клубот околу 180 милиони фунти. Во овој преоден рок „сините“ потпишаа со Михаил Мудрик, Беноит Бадијашиле, Нони Мадуеке, Андреј Сантос, Давид Фофан и го позајмија Жоао Феликс.

Чави побарал три засилувања, Барселона веќе го договори првото

Тале Кристо — Thu, 27 Jan 2022 12:19:27 +0000

Медиумите од Шпанија пренесуваат дека Чави побарал од Барселона три засилувања до крајот на овој месец, „каталонците" веќе го договориле првото, се работи за Адама Траоре од Вулверхемптон. Раководството на Барса ќе има полни раце работа во последните денови од зимскиот преоден рок, Чави побарал три засилувања, тренерот сака на добие двајца нови офанзивни фудбалери и лев бек. Се верува дека првото засилување веќе е договорено, се работи за Адама Траоре од Вулверхемптон, кој ќе пристигне на позајмица до крајот на сезоната со опција за перманентен трансфер. Се говори дека Шпанецот прифатил драстично намалување на платата во првите шест месеци, со цел да може да биде регистриран. Алваро Мората е втората желба за офанзивната, но многу работи зависат од ситуацијата на Осман Дембеле. Што се однесува за левата бековска позизија, Никола Таљафико од Ајакс и Алеш Грималдо од Бенфика се на списокот.

Гатузо: Ќе донесеме нови засилувања во Милан

Ристе Здравков — Sat, 21 Apr 2018 11:50:51 +0000

Тренерот на Милан, Џенаро Гатузо, изјави дека добил гаранции од директорот Марко Фасоне дека тимот ќе биде засилен со тројца или четворица фудбалери. Милан во последниот период се наоѓа под истрага на УЕФА поради наводни кршења на правилата за финансиски ферплеј, но според Гатузо тоа нема да биде пречка клубот да донесе нови фудбалери.

- Фасоне ме информираше дека ќе донесеме тројца или четворица фудбалери, но не ми соопшти дали претходно ќе мораме да продадеме други тројца или четворица. УЕФА се уште не донела одлука за тоа, истакна тренерот на Милан.

Тој наведе дека би сакал да донесе големи играчи како Роналдо, Меси или Погба, но дека тоа не е реално.

- Би сакал да кажам ми се допаѓа Пол Погба, па ајде да го донесеме, но тоа не е можно. Ми се допаѓа и Марко Манџукиќ. Сакам големи играчи како Роналдо и Меси. Но, секогаш прво размислувам за тимот, а потоа за индивидуалците, нагласи Гатузо.

Пред Милан да преземе каква и да е финансиска операција ќе мора да го реши проблемот со долгот од 300 милиони евра, колку што изнесува заемот кој го зема кинескиот бизнисмен Јонгхонг Ли од американскиот фонд Елиот за да го купи италијанскиот клуб.