засилување – Kurir.mk

Снодграс прво зимско засилување во редовите на ВБА

Дарко Андоновски — Fri, 08 Jan 2021 17:46:03 +0000

Последнопласираниот тим во Премиерлигата, Вест Бромвич Албион (ВБА) го потврди денеска своето прво засилување во јануарскиот преоден рок во играчот за врска Роберт Снодграс. Триесетитригодишниот поранешен шкотски репрезентативец доаѓа од лондонскиот премиерлигаш Вест Хем, а со екипата од Бирмингем потпиша договор на 18 месеци. -Донесовме сестран играч, со искуство и квалитет, изјави тренерот на ВБА, Сем Алардајс. Снодграс изминатите три години одигра 86 натпревари во дресот на Вест Хем, на кои постигна 11 голови, а додаде и 17 асистенции.

Помпео: Верувам дека јапонскиот премиер ќе работи на засилување на односите со САД

Тале Кристо — Tue, 06 Oct 2020 07:59:45 +0000

Американскиот државен секретар, Мајк Помпео, го поздрави назначувањето на Јошихиде Суга за нов јапонски премиер и изјави дека верува оти Суга ќе работи на зајакнување на односите меѓу Вашингтон и Токио, јавија британските медиуми. Пред средбата со шефот на јапонската дипломатија,Тосимитсу Мотеги, во Токио, Помпео кажа дека се согласува со Суга дека слободниот и отворен Индо-Пацифик е основата за мир и стабилност во регионот. Помпео додаде дека Суга има потенцијал да ги смени работите на подобро, што го покажа претходно, кога беше главен секретар на кабинетот на претходниот премиер, Шинѕо Абе. -САД ги имаат сите причини да веруваат дека Суга ќе го зајакне нашиот долгогодишен сојуз во оваа нова улога, рече Помпео. Суга, кој го замени Абе како премиер минатиот месец, се соочува со тешката задача да ја балансира потребата за одржување на соработката со Кина со барањата на САД за поостар став.

Ливерпул договори уште едно засилување

Магдалена Андонова — Tue, 22 Sep 2020 19:49:22 +0000

Ливерпул договори уште едно ново засилување. Тимот од Мерсисајд ја затворија зделката за Исмаил Сар, иако пред неколку дена го зедоа Диого Жота од Вулверхемптон. „Црвените“ беа заинтересирани за репрезентативецот на Сенегал пред тој да се приклучи на Ватфорд минатото лето за 30 милиони фунти, и оттогаш беа поврзувани со крилниот напаѓач. Со преземањето на Жота се очекуваше да згасне нивниот интерес за Сар, но Јирген Клоп се уште го посакува 22-годишниот фудбалер, според Франс Фудбал. Според изданието, Ливерпул направил чекор напред во преговорите и се договорил со Ватфорд, откако тимот ќе плати помеѓу 32 и 36 милиони фунти. На почетокот на летово, Сар јасно стави до знаење дека сака да се приклучи на Ливерпул, каде може да се обедини со „големиот брат“ Садио Мане. (МИА)

Кастанер најавува засилување на контролите за првиот викенд по општиот карантин на Французите

Тале Кристо — Fri, 15 May 2020 19:18:03 +0000

Министерот за внатрешни работи на Франција Кристоф Кастане со засилени контроли, сака да се почитува забраната за одење подалеку од 100 километри од местото на живеење на Французите, јави дописникот на МИА. Министерот за внатрешни работи најави зајакнување на контролите настаниците, терминалите и местата за заминување по повод првиот викенд по излегувањето од изолацијата. Со новите одредби Французите се слободни да се движат во радиус од 100 километри од местото на живеење без специфичните потврди, додека за секое подалечно патување потребна е потврда и вистинска недоложна потреба за тоа.

Бардзали: Ромеро новото засилување на Јувентус

Дарко Андоновски — Fri, 24 May 2019 14:46:50 +0000

Легендарниот италијански бек Андреа Бардзали, кој се прости од „Старата дама“, на заминување на јавноста и откри нова вест. Станува збор за ново засилување на клубот од Торино, односно дека од Џенова ќе дојде Кристијан Ромеро. -Ромеро има голем потенцијал. Тој ќе се приклучи на групата играчи кои можат многу да го научат, освен тоа, тука се Бонучи и Кјелини, изјави Бардзали за „Газете дело Спорт“. Сега веќе пензинираниот играч на Јувентус, за оваа екипа одиграл 281 натпревар, а постигнал два гола.

Вардар добива мега засилување?!

Ристе Здравков — Sat, 29 Dec 2018 11:32:48 +0000

Екипата на Вардар наскоро може да добие големо засилување на пивотменската позиција, а воедно и во одбраната во ракометар кој би требало да пристигне од екипата на Барселона. Се работи за ракометар кој е незадоволен од минутажата во клубот, а истиот веќе извесно време е поврзуван со трансфер и во Монпелје и во Нант. Камил Шипжак во изјава за sportowefakty.wp.pl потврди дека веќе имал контакти со клуб од Македонија, а јасно е дека тоа е Вардар и според неговата изјава постои голема шанса за биде виден во „црвено-црниот“ дрес. На Вардар му е потребен пивот, а Шипжак би одговорал со своите предиспозиции за играта која што ја негува Парондо. Со оглед на тоа што репрезентативецот на Полска добро го познава шпанскиот систем ќе нема проблем да се вклопи и ќе дојде добро. „Имам понуди од Франција, Германија, но и од Македонија. Гладен сум за играње, а не за ловорики. Размислувам уште, а главна улога ќе има тоа каде ќе можам повеќе да играм. Пред да одлучам тоа ќе биде главната причина за да се решам за клубот во кој ќе ја продолжам кариерата“, вели Шипжак. Веќе е познато дека Монпелје и Нант го сакаа во своите редови, но сега и Вардар е заинтересиран, а шансите на шампионот на Македонија се големи за да го види во своите редови. Останува неизвесно дали ќе може да пристигне во Вардар уште сега во јануари бидејќи нема да има право за настап во Лигата на шампионите поради фактот што играше за Барселона. Поголема е веројатноста тоа да се случи во текот на летото.

Дисингер го засилува Вардар

Дарко Андоновски — Thu, 11 Oct 2018 09:30:02 +0000

Германецот Кристијан Дисингер е нов член на македонскиот ракометен шампион Вардар. Дваесет и шест годишниот лев е веќе во Скопје каде треба да ги мине лекарските прегледи пред да и се приклучи на екипата, соопшти РК Вардар. Тој ќе биде првиот германски репрезентативец што потпишува за „црвено-црните“. Дисингер е седмото засилување на Вардар оваа сезонава. Пред неколку денови тој го раскина договорот со бундеслигашот Кил каде настапуваше последните сезони. Со Кил го освои германскиот куп, а како дел од репрезентацијата на Германија во 2016 година стана европски сениорски првак. Со националниот тим го освои и бронзениот медал на летните олимписки игри во 2016 година. Во својата кариера Дисингер има настапувано за екипите на ТСГ Фреиззенхајм (2008-2011), Кадетен (2011-2013), Нептуно (2013), Либек (2015-2015) и од 2015 година за Кил.

Уште едно бразилско засилување за Вардар

Ристе Здравков — Tue, 17 Jul 2018 12:54:39 +0000

Данило Бала Соуза Муниз е нов фудбалер на Вардар, тој потиша двегодишен договор со македонскиот тим. По Лира и Јуфо, Вардар ова лето потпиша и со трет фудбалер од Бразил, станува збор за 25-годишниот Данило Бала кој е крилен играч и доаѓа од екипата на Кампиненсе. -Дојдов во најголемиот и најтрофејниот клуб во Македонија. Со своите настапи сакам да помогнам тимот да ја освои титулата во првенството. Среќен сум што дојдов во овој клуб кој што има славна историја. Знам дека минатата година тимот влезе во групната фаза од Лигата на Европа. Најсреќен би бил сега во четврток екипата да се пласира во следната фаза во четврток, рече новото име во редовите на Вардар за официјалниот сајт на клубот. -Среќен сум што ќе имам соиграчи од Бразил, меѓутоа најважно е и со сите од мојот нов клуб да функционирам добро. Очекувам брзо да се вклопам во екипата, да бидам добро прифатен од сите и заедно да направиме успех за клубот, и секако за нашите навивачи.

Вардар се засили со тројца фудбалери од Пелистер

Дарко Андоновски — Tue, 09 Jan 2018 08:29:28 +0000

„Црвено-црните“ денеска соопштија дека досегашни фудбалери на Пелистер, Кристијан Тошевски, Јован Попзлатанов и Матеј Цветаноски потпишаа тригодишни договори со Вардар. Тошевски (23) во досегашниот тек на кариерата настапуваше во Тетекс и во Пелистер. Тој во неколкуте квалификациски натпревари беше и стандарден член на македонската репрезентација за која има четири настапи. Игра на позицијата десен бек. 21-годишниот Попзлатанов во сениорска конкуренција играше за Тетекс и Пелистер. Настапува на позицијата десно крило, но може да игра и како десен бек. Тој е актуелен младински репрезентативец на Македонија, член на селекцијата до 21 година. Својата кариера Цветаноски (20) ја почна во Македонија ЃП, а на почетокот на оваа сезона се пресели во таборот на Пелистер. Тој е офанзивен играч кој што настапува и на левата и на десната страна, а игра и во средината како полушпиц.