заскитан куршум – Kurir.mk

КУРИР предупреди, но Оливер Спасовски и МВР останаа глуви: Фрчат заскитани куршуми низ Скопје и Македонија

Ристе Здравков — Thu, 04 Aug 2022 16:42:01 +0000

Во Скопје и ова лето традиционално се пука од огнено оружје за семејните веселби, па речиси секој ден во полицискиот билтен има регистрирано вакви инциденти, ако не во скопскиот, тогаш во тие од СВТ Тетово. За среќа досега само една жена во Тетово беше полесно повредена од заскитан куршум. Само во денешниот билтен се заабележано три иниденти во Скопје. -На 03.08.2022 во 16.46 часот во СВР Скопје, И.А.(44) од Скопје пријавил дека неговото возило „пежо“, со скопски регистарски ознаки, кое било паркирано во неговиот двор, било оштетено од залутано зрно. Истиот ден околу 22часот во Полициската станица Ѓорче Петров, М.О.(41) од Скопје пријавила дека од залутано зрно бил оштетен прозорец од нејзиниот стан на подрачјето на Ѓорче Петров. Дваесеттина минути подоцна 22.20 часот во ПС Чаир, Г.К.(38) од Скопје пријавил дека околу 22.15 часот, помеѓу неговата и куќата на неговиот сосед, пронашол залутано зрно.И во овие случаи увид на местото на настанот извршила екипа од СВР Скопје, која ги подигнала зрната за понатамошна постапка. И завчера се случил сличен инцидент. На 02.08.2022 во 22.43 часот во Полициската станица Кисела Вода, А.В.(39) од с.Добридол, скопско, пријавила дека околу 22.05 часот на фасадата од нејзината куќа ја оштетило залутано зрно. Пред неколку дена екипата на Курир излезе на терен во скопската населба Бутел од каде добивме повик од загрижени и прелашени граѓани поради рафалните истрели од автоматска пушка во оваа скопска населба. Граѓаните од Бутел ни се пожалија, но според нивните изјави тие беа и многу гневни на министерот Спасовски, но и на тоа дека полицијата иако ги слуша овие истрели не презема ништо. [embed]https://kurir.mk/makedonija/vesti/rafali-od-avtomatsko-oruzje-se-slushaat-vo-skopski-butel-spasovski-po-doma-moze-da-kazuva-deka-sme-bezbedni-nas-ne-moze-da-ne-laze/[/embed] -Вака е веќе неколку месеци, знаеме дека има свадби и прослави, но ова веќе е неподносливо, ни посведочи средовечен маж. -Па војна да имаше вака немаше да се пука, полицијата се прави како ништо да не слуша, работат ли нешто тие полицајци, страв ми е детето да го извадам во парк, се плашам дека ќе го погоди некој заскитан куршум, вели во телефонско јавување една мајка за нашиот портал. -Оливер Спасовски и неговите пајташи, ако толку многу не убедуваат дека државава ни е безбедна ќе успееа да е справат со овие прослави. Луѓе многу е едноставна работата. МВР знае каде се наоѓаат рестораните, МВР знае каде има свадби, многу е едноставно, нека одата на терен и нека се справат со ваквите пиштолџии, мене веќе ми е преку глава од овие пајташи, Спасовски може да ги убедува женаму и децата дека државава е безбедна, ама нас не, вели за КУРИР маж кој пред извезсно време бил сведок на ваков инцидент, вели дека пријавил, ама прославата во близина на неговото живеалиште продолжила со исто темпо. Ова беа само дел од нивните изјави пред нашата екипа. Но ваквата состојба во Бутел, Чаир, Шуто Оризари и денес не е променета, постојано се слушаат истрели од различни страни, а како што можеме да видиме според билтенот на МВР кој е преполн со вакви пријави ситуацијата воопшто не е променета, полицијата воопшто не реагира или пак доцна излегува на терен, а оние кои користат автомати имаат време истиот да го сокријат. Само за потсетување, поседување на автоматска пушка во Република Македонија според ЗКП е забрането, а доколку сторителот на вакво кривично дело е фатен му се заканува голема затворска казна. Па оттука уште една прашува дали МВР и Оливер Спасовски ќе се разбудат од „зимскиот сон“ и ќе почнат да делуваат пред овие куршуми некого да усмртат?! фотографијата на оваа вест е стара, а истата е од заскитани куршуми кои во 2018 година беа паднати во автомобил на тетовец

Од заскитани куршуми оштетени две возила, еден завршил на тераса од семејна куќа

Ивона Петрова — Sun, 24 Jul 2022 16:15:00 +0000

Три оддлени случаи на заскитано зрно од огнено оружје се пријавени во полиција во текот на вчерашниот ден при што се оштететни две возила, а едно завршило на тераса од семејна куќа. Како што соопшти МВР, вчера во 13:25 часот во СВР Скопје, М.А.(36) од Скопје пријавил дека на паркинг на ул.„Цветан Димов“ од заскитан куршум било оштетено неговото патничко возило „цитроен ксара“ со скопски регистарски ознаки. Полициски службеници излегле на местото и зрното било подигнато за понатамошна постапка. Вториот случај е пријавен во 20:24 часот во Полициското одделение Групчин при што било посочено дека од заскитан куршум во село Желино било оштетено патничко возило „бмв“ со швајцарски национални ознаки, сопственост на Б.Б.(45) од село Сараќино, Тетовско. Полициски службеници излегле на местото и зрното било подигнато за понатамошна постапка. Во СВР Тетово, пак, вчера, во 16:30 часот тетовецот С.С.(70) пријавил дека на тераса од неговата куќа пронашол зрно од огнено оружје. Полициски службеници излегле на местото и зрното било подигнато за понатамошна постапка. По документирање на трите случаи ќе следат соодветни поднесоци, наведуваат од МВР.

Заскитан куршум во Кисела Вода оштети „хонда цивик“

Катерина Бојаџиева — Sat, 04 Jan 2020 15:48:28 +0000

Од заскитан куршум оштетено е возило марка „хонда цивик“ со скопски регистарски ознаки на ул. „Локов“ во населбата Кисела Вода. Како што соопшти МВР, инцидентот бил пријавен вчера во 13.30 часот во Полициската станица Кисела Вода од страна на сопственикот на возилото, Д.С.(48) од Скопје. Извршен бил увид.

Заскитан куршум оштетил автомобил во тетовско

Предраг Кукиќ — Tue, 30 Jul 2019 14:35:01 +0000

Во тетовската полиција вчера било пријавено оштетување на автомобил од заскитан куршум. Сопственикот го паркирал возилото на прометна улица во Тетово, а кога се вратил по шест часа ја увидел штетата. – Педесетгодишниот С.Б. од тетовското село Порој пријавил дека околу 9 часот го паркирал неговото патничко возило „Фолксфаген Голф“ со тетовски регистарски ознаки на улица „Јане Сандански“ во Тетово. Кога се вратил околу 15 часот забележал оштетување на предното ветробранско стакло и во внатрешноста на возилото од испукан проектил. Извршен е увид и се преземаат мерки за расчистување на случајот, инфомираат од СВР Тетово. Секторот за внатрешни работи Тетово редовно апелира до граѓаните да не употребуваат огнено оружје на семејните веселби и свадби со оглед дека минатите години чести беа случаите на повредени лица и оштетени возила и друг имот. Пукањето со огнено оружје е спротивно на Законот за прекршоците против јавниот ред и мир и глобата за ваков вид на прекршок се движи од 200 до 500 евра во денарска противвредност. За кривично дело „предизвикување општа опасност“ доколку има и последици е предвидена затворска казна од една до пет години.

Заскитан куршум завршил во автомобил паркиран на „Џон Кенеди“

Дарко Андоновски — Thu, 07 Mar 2019 16:03:42 +0000

27-годишен скопјанец на 6 март во полиција пријвил дека неговиот автомобил бил оштетен од заскитан куршум.

Според пријавата на скопјанецот, возилото било паркирано на улицата „Џон Кенеди“, а во еден момент кога тој се приближил до него забележал дека истото е оштетено од заскитано зрно. Полицијата презема мерки за расчистување на случајот.