засолниште – Kurir.mk

Зградата на Твитер да биде засолниште за бездомници, бараат Џеф Безос и Илон Маск

Тале Кристо — Mon, 11 Apr 2022 11:31:49 +0000

Двајцата најбогати луѓе во светот, Џеф Безос и Илон Маск, изнесоа мнение за решавање на дел од проблемот со бездомниците… Имено, тие предложија седиштето на компанијата „Твитер“ да се претвори во прифатилиште. Основачот на платформата за интернет-купување „Амазон“ – Безос, притоа потсети дека во мај 2020 година, осум ката од седиштето на „Амазон“ во Сиетл биле претворени во дом за бескуќници, и дека тоа било голем успех и им ја олеснило работата на помагателите доброволци. Според Безос, и дел од седиштето на Твитер во Сан Франциско , ако не и цела зграда, треба да се претвори во засолниште за бездомниците. Маск се сложи и оцени дека тоа е „одлична идеја“ во своја објава на Твитер. Милијардерот, кој има над 81 милион следачи на Твитер, во саботата покрена анкета за овој предлог. За помалку од 24 часа, повеќе од милион луѓе учествуваа во анкетата и околу 90 отсто гласаа „за“. Познато е дека Маск честопати се шегува во своите Твитер-објави, но овојпат, сепак, експлицитно нагласи дека не се шегува и оти е сериозен во врска со ова.

Под мост во Скопје меѓу пандемијата и бедата – ваков живот живеат Адем и Бејруше

Магдалена Андонова — Sat, 05 Dec 2020 19:46:13 +0000

Адем , засолниште најде под мост во Скопје… Изгради импровизирана соба и веќе еден месец живее во неа заедно со својата парализирана сопруга. Освен што мора да работи за да може да се прехранат, тој се грижи и за сопругата која без негова помош не може воопшто да се движи, пренесува ТВ21 Ова е единствениот алат со кој се труди да заработи – собира шишиња од контејнери, кои потоа ги продава. Ова е вторпат како Адем и Бајруше се враќаат да живеат тука. Хуманите луѓе им помогнале и некое време живееле под кирија, но сега, како што вели, во недостиг на финансиски средства, принудени се оваа соба да ја нарекуваат – дом. Адем за ТВ21 раскажува дека иако ги поднел сите документи, сепак не зема социјална помош.

Имал свој бизнис, а потоа реши да направи нешто прекрасно: Ќе го засакате овој човек кога ќе видите што направил со парите (ФОТО)

Ивана Ефремовски — Sat, 08 Sep 2018 10:44:57 +0000

По години кариера тој одлучил дека сака животот да го посвети на нешто сосема поинакво и почнал со својата хумана мисија. Theoklitos Proestakis, познат како Такис, работел како стоматолог, но одлучил својот живот комплетно да го промени и ги продал недвижнините што ги поседувал, купил земјиште и изградил засолниште за животни на грчкиот остров Крит, во кое денес има околу 500 кучиња и десетина мачки и неколку кози. Инспириран бил кога видел едно повредено беспомошно куче и сфатил дека животните имаат потреба од соодветна медицинска нега и дека е ужасно што се комплетно препуштени сами на себе. Тој вели дека по долги години кариера едноставно се чувствувал преморено и сакал нешто сосема поинакво. Азилот за животни се протега на 5.200 квадратни метри и во него има многу бездомни животни, а Такис вели дека дури го продал и својот автомобил за да ги прехрани. Неговата мисија допрела до срцето на многумина и луѓе од цел свет почнале да донираат за неговиот проект „Takis Shelter“ и да го посетуваат засолништето. Целта на овој хуман човек е да им обезбеди подобри услови за живот на бездомните животни и да им пронајде дом барем на дел од нив, кај луѓе кои ќе ги сакаат како дел од семејството.