застрелан маж – Kurir.mk

ТРАГЕДИЈА УТРОВО ВО МАКЕДОНИЈА – си го застрелал пријателот на лов бидејќи мислел дека е дива свиња

Дарко Андоновски — Sat, 30 Oct 2021 09:21:20 +0000

Шеесет и седумгодишен кумановец утринава е убиен додека бил на лов во кумановското село Гарбеш. Ловџијата го застрелал негов пријател со кого заедно заминале на лов на дивеч. Од повредите ловџијата починал на самото место. Несреќата се случила утринава околу 8 часот, во шума во близина на селото Габреш. „Во 08.00 часот во СВР Куманово И. С. (59) од Куманово пријавил дека во село Габреш, место викано Островица, пукајќи во лов го застрелал Ч. Р. (67) од село Лопате. Од страна на Брза помош е констатирано дека лицето починало, а увидот е се уште во тек“, соопшти СВР Куманово. Неофицијално, ловџиите утринава заедно заминале на лов, по што се разделиле. По извесно време без да знаат се приближиле еден до друг во густиот дел шумата, по што ловџијата мислејќи дека видел дива свиња пукал во пријателот. Полицијата работи на расчистување на случајот.

Kосово: Едно лице тешко повредено во судирите, лекарите се борат за неговиот живот (ВОЗНЕМИРУВАЧКИ ФОТОГРАФИИ)

Магдалена Андонова — Wed, 13 Oct 2021 11:57:06 +0000

Еден човек е тешко повреден на северот на Косово, неговиот живот е загрозен и во тек е операција во болницата во Косовска Митровица, потврди за Н1 др. Златан Елек, директор на Клиничкиот болнички центар во Косовска Митровица. Станува збор за прострелна рана во грбот. Директорот на Канцеларијата за Косово и Метохија, Петар Петковиќ, рече дека ранетото лице е 36-годишниот Сречко Софронијевиќ, а десетици Срби се ранети наутро на северот на Косово. Петковиќ на прес -конференција во Белград рече дека лекарите во КБЦ Косовска Митровица во моментов се борат за животот на Софронијевиќ. - Пред докторот да влезе во хируршката соба, слушнав од директорот на болницата кој ми рече дека е ранет во пределот на градниот кош и дека првото нешто што ќе се обидат да го направат сега е да го отстранат куршумот што му беше заглавен во белите дробови, рече Петковиќ. Косовската полиција, како што велат тие, од утрово спроведува операции против криумчарење на северот на Косово. Во таа прилика, дојде до конфликт помеѓу граѓани и специјални единици на косовската полиција.

Германската полиција застрела возрасен маж во Бохум

Предраг Кукиќ — Mon, 17 Dec 2018 09:38:36 +0000

Германската полиција застрела 74-годишен маж во градот Бохум, јави ДПА. Додека полицајци се обидувале да го утврдат идентитетот на возрасниот човек, тој одеднаш извадил предмет, при што еден полицаец пукал неколку пати и го убил. Обидите за реанимација на мажот биле науспешни. Не се соопштува што бил предметотт и зошто полицијата била повикана на местото каде што се случил инцидентот. Ова е еден од ретките случаи, во кои германските полицајци употребуваат огнено оружје, додава ДПА. Според официјални податоци, минатата година полицијата во Германија со огнено оружје застрелала 14 лица и повредила 39.