застрелан – Kurir.mk

Аргентински фудбалер застрелан во глава во кафуле во Росарио

Ристе Здравков — Sat, 14 Jan 2023 11:58:43 +0000

Ужасни вести доаѓаат од Аргентина, земјата актуелен светски првак, откако еден од најталентираните фудбалери Лаутаро Ронки (18) е застрелан од непознати вооружени напаѓачи во едно кафуле во Росарио, родниот град на Лионел Меси.

Lautaro Ronchi, futbolista de Cuarta División, fue herido de bala en un incidente en Rosario y permanece internado en el Hospital Clemente Álvarez, de dicha ciudad.

¡Fuerza Lauti, estamos siempre con vos! 💙
Nuestro abrazo a su familia y seres queridos.
— Racing Club (@RacingClub) January 12, 2023

Ронки случајно се нашол во кафулето со својот пријател Ерик Дијаз, кога упаднале вооружени напаѓачи и почнале да пукаат. Еден куршум завршил во главата на Лаутаро Ронки, а шест во неговото тело. Младиот фудбалер кој има само 18 години веднаш бил хоспитализиран и е во критична состојба, приклучен на респиратор, а веќе му е извршена и една операција на главата на клиниката „Клементе Алварез“ во Росарио. Неговиот пријател Ерик Дијаз бил убиен на лице место.

Јапонска полиција: Имаше пропусти во обезбедувањето на Абе

Дарко Андоновски — Sat, 09 Jul 2022 14:18:13 +0000

Имаше пропусти во обезбедувањето на поранешниот јапонски премиер Шинѕо Абе, кој беше убиен за време на предизборен митинг, изјави денеска началникот на локалната полиција Томоаки Онизука. – Мислам дека е неспорно дека имало проблеми со мерките за обезбедување на поранешниот премиер Абе, изјави на прес конференција началникот на полицијата на префектурата на градот Нара. Тој вети дека ќе ги преземе сите неопходни мерки за истрагата. Сепак, Онизука не кажа за кои конкретни пропусти станува збор. Абе беше застрелан од напаѓач за време на говор во Нара, по што бил пренесен во болница, каде што починал. Полицијата го привела напаѓачот, кој ја признал вината.

Застрелан началникот на крим-полицијата

Ристе Здравков — Mon, 21 Mar 2022 13:46:17 +0000

Началникот на секторот за криминалистичка полиција на Полициската управа на Приједор, Раденко Башиќ, е убиен утрово во престрелка во Пеќани кај Приједор, јавуваат медиумите во регионот. На местото на убиството на началникот Башиќ, во населбата Пеќани, се уште се води истрага. Ова место од утринава е под опсада на полициски службеници коишто ги контролираат минувачите и возачите. Полицијата во Приjедор, Република Српска, соопшти дека утрово во 6.53 часот било пукано врз едно лице од огнено оружје, а човекот загинал. Под надзор на тужител од Окружното јавно обвинителство во Приједор се преземаат мерки за утврдување на околностите за пријавата. Во интерес на истрагата, полицијата го блокирала градот.

Голема трагедија во Бразил: Убиен фудбалски навивач

Магдалена Андонова — Mon, 07 Mar 2022 20:26:32 +0000

Едно лице е застрелано во судир меѓу навивачи во бразилскиот град Бело Хоризонте, неколку часа пред вчерашното дерби меѓу Крузеиро и Атлетико Минеиро. Жртвата, како што јавија денеска локалните медиуми, е 25-годишен маж, кој бил застрелан во пределот на стомакот и починал во локалната болница. Случаен минувач, кој во време на навивачката пресметка се нашол на местото на инцидентот, е ранет во рамото и неговото здравствена состојба се проценува како „стабилна“, соопшти полицијата. На социјалните мрежи се објавени фотографии од инцидентот на кои можат да се видат педесетина хулигани, кои се судриле во реонот Бела Виста, источно од Бело Хирозонте, град со 2.5 милиони жители, во сојузната држава Минас Жераис. Причинетата е и материјална штета на околните згради, а оштетени се и повеќе автомобили. Пред три недели беше убиен навивач во Сао Паоло во физичка пресметка во близина на клупскиот стадион на Палмеирас, каде навивачите се собраа за на видеобим да го следат финалето на Светското клупско првенство. (МИА)

Едвај му го спасиле животот: Застрелан познат фудбалер

Ивана Ефремовски — Tue, 10 Nov 2020 17:19:04 +0000

Фудбалерот на Спортинг Лисабон, Бруно Тавареш е застрелан со градите и итно е префрлен во болница каде лекарите во последен момент му го спасиле животот. Како што пренесуваат португалските медиуми, младинскиот репрезентативец уште во неделата претпладне случајно е застрелан од пријател. Несреќата се случила во автомобилот во кој биле заедно, а пиштолот наводно истрелал сам од себе. Бруно Тавареш веднаш е префрлен во болница каде лекарите по интервенцијата објавиле дека фудбалерот имал многу среќа.

Portugal prodigy Bruno Tavares was rushed to hospital after reportedly being SHOT by a friend on Sunday morning. pic.twitter.com/EWszMd5bLj
— FlashScore Nigeria 🇳🇬 (@FlashScoreNG) November 10, 2020

Застрелан полицаец пред Владата во Загреб, напаѓачот се самоубил

Тале Кристо — Mon, 12 Oct 2020 08:14:02 +0000

Во Загреб пред зградата на хрватската Влада утрово е повреден полицаец од огнено оружје, а хрватските медиуми објавија дека напаѓачот се самоубил. – Полициските службеницви на адреса во Јабуковац пронајдоа лице кое одговара на описот на напаѓачот, лицето изврши самоубиство, соопшти полицијата по инцидентот. Повредениот полицаец со возило на брза помош е однесен во болница. Според очевидци при нападот се слушнало рафал, додека дел од хрватските медиуми објавија дека во полицаецот е пукано од калашњиков.

Хаос во центарот на Мелбурн, три лица избодени, напаѓачот застрелан

Дарко Андоновски — Fri, 09 Nov 2018 08:13:18 +0000

Во центарот на австралискиот град Мелбурн три лица се прободени со нож, а напаѓачот е застрелан од полицијата. Хаосот почнал кога полицијата била повикана поради возило што горело во центарот на градот. Напаѓачот е хоспитализиран во критична состојба.

Пукано кон пејачот Дарко Лазиќ

Ивона Петрова — Thu, 02 Aug 2018 07:51:07 +0000

Пејачот Дарко Лазиќ е претепан синоќа околу 22:40 часот во населбата Умчари кај Белград, кога засега непознати лица го нападнале, пукале од огнено оружје, а потоа го претепале, јавуваат српските медиуми.. Пејачот со повреди е пренесен во болница, каде му е укажана медицинска помош. Лазиќ, како што пишуваат српските медиуми, дошол на приватна забава, каде требало да пее на прослава за 18 роденден. Пејачот и неговиот менаџер биле пресретнати од автомобил “Ауди А4” во кој се наоѓале 4-5 лица кои биле вооружени. Напаѓачите го испрскале со солзавец, а потоа го нападнале и физички. Го тепале по телото и главата, рацете и нозете, а неговиот менаџер добил удар од пиштол по главата.