затајување – Kurir.mk

Полнел гориво во туби, а плаќал од сметка на Здравствен дом, вработен ќе одговара за „затајување“

Ивана Ефремовски — Fri, 15 Sep 2023 15:39:59 +0000

Надворешната канцеларија за криминалистички работи Свети Николе поднесе кривична пријава против Д.Ј.(36) од с.Мустафино, светиниколско, поради постоење основи на сомнение за сторено кривично дело „затајување“. Пријавениот, вработен како економ во ЈЗУ Здравствен дом Свети Николе, во јуни, јули и август 2023 година, во 18 наврати на бензинска пумпа во Свети Николе полнел гориво во туби, а на вработените на бензинската пумпа им укажувал да изготвуваат испратници за фактура и им ги давал картичките со податоци за службените возила на Здравствениот дом кои му биле доверени. Со што противправно присвоил гориво во вредност од 79.891 денари на штета на ЈЗУ Здравствен дом.

Изнајмил патничко возило од фирма, па не го вратил – маж доби кривична

Ивана Ефремовски — Wed, 22 Mar 2023 15:49:27 +0000

Надворешната канцеларија за криминалистички работи Виница поднесе кривична пријава против Ј.Р. од село Врапчиште поради постоење основи на сомнение за кривично дело „затајување“. На 12.07.2022, пријавениот од правно лице од Виница изнајмил патничко возило „фолксваген“ во времетраење од 19 дена, а по истекот на договорениот рок не го вратил патничкото возило, со што му нанел штета на правното лице во износ од 361.500 денари.

Кривична пријава против охриѓанец за затајување

Тале Кристо — Fri, 21 Oct 2022 10:47:53 +0000

СВР Охрид поднесе кривична пријава против Н.С.Л.(41) со привремен престој во Охрид, поради постоење основи на сомнение за сторено кривично дело „затајување“. Тој, на 21.09.2022 неовластено ја употребил банкарската картичка, сопственост на 86 - годишна жителка на Англија, со привремен престој во Охрид, за која се грижел, и без нејзино знаење извршил повеќе парични трансакции. Со тоа пријавениот се стекнал со противправна имотна корист од 1.700.000 денари.

Маж од Тетово ќе одговара за затајување, скопјанец за прикривање, еве што направиле двајцата заедно

Ивана Ефремовски — Tue, 29 Mar 2022 17:40:50 +0000

СВР Скопје поднесе кривична пријава против В.Ш.(39) од Тетово, поради постоење основи на сомнение за сторено кривично дело „затајување“ и против Б.И.(30) од Скопје, поради постоење основи на сомнение за сторено кривично дело „прикривање“. Првопријавениот, на 06.12.2021 склучил договор со правно лице за изнајмување на патничко возило „опел астра“. Бидејќи имал потреба од парични средства возилото му го понудил на Б.И., го ставил под залог и зел 2.500 евра. Второпријавениот, иако знаел дека возилото е на правен субјект, го прикривал возилото. На тој начин пријавените се стекнале со противправна имотна корист од 860.000 денари.

Затајувањето даноци го чини светот 427 милијарди долари годишно

Тале Кристо — Fri, 20 Nov 2020 11:37:04 +0000

Затајувањето даноци го чини светот околу 427 милијарди долари годишно, покажуваат објавените податоци на невладината мрежа Текс џастис нетворк (Tax Justice Network) Организацијата посочува дека ова е прва светска студија од ваков вид. Авторите на истражувањето повикуваат на глобална акција против даночните раеви, кои пренасочуваат милијарди долари од земјите, додека тие се борат против пандемијата на коронавирус. Мрежата, која вклучува група невладини организации, ги провери даночните пријави на мултинационалните компании и податоците кои ги собра Париската организација за економска соработка и развој од 2016 година. Проучени се и податоците на Банката за меѓународни плаќања од 2018 година. Државите губат повеќе од 427 милијарди долари годишно поради даночни измами од меѓународни корпорации и даночно затајување од приватни лица, се вели во студијата на мрежата. Забележано е дека ова е еквивалентно на годишните плати на 34 милиони медицински сестри годишно. Компаниите сокриле 245 милијарди долари, а 182 милијарди долари се затаени од физички лица. Мултинационалните корпорации движат профит од 1,38 трилиони долари преку даночни раеви, додека приватни лица инвестирале над 10 трилиони долари во активи во такви места. Најбогатите региони во светот, Европа и Северна Америка, се најмногу погодени од затајување данок. Кајманските Острови, британска прекуморска територија, се одговорни за најголемата глобална загуба на данок. Се споменуваат и други даночни раеви, како што се Холандија, Луксембург, американската држава Делавер и Хонг Конг.