Затуроска: Со новиот Статут на ВМРО-ДПМНЕ жените добиваат поголема одлучувачка моќ во партијата

Тале Кристо — Wed, 22 Jul 2020 13:27:45 +0000

Централниот Комитет на ВМРО-ДПМНЕ на редовната седница одржана на 21.07.2020 му даде целосна поддршка на претседателот Христијан Мицкоски да продолжи со преговорите за формирање на идната Влада која треба да биде базирана врз принципи, критериуми, европски вредности, а при тоа да биде земена во предвид волјата на граѓаните, нивното достоинство, почитување на нивното минато, сегашност и иднина, посебноста на македонскиот народ, традиција и култура, пишува на Фејсбук Лилјана Затуроска, генерален Секретар на Унија на Жени на ВМРО - ДПМНЕ. ВМРО-ДПМНЕ е партија чија идеологија се заснова токму на овие вредности, бидејќи е партија која произлегува од НАРОДОТ и затоа потребите и барањата на народот ќе бидат приоритет во секоја ситуација, бидејќи токму по тоа сме различни од социјал-демократите кои докажаа дека за нив приоритет се нивните бизниси и принципот рекетирај и поткупувај за да владееш. ВМРО-ДПМНЕ уште еднаш покажа дека е секогаш подготвена да се прилагодува на новите модерни, европски вредности донесувајќи Статут кој е одраз на демократскиот карактер на партијата бидејќи во него главниот акцент е ставен на ЧЛЕНОВИТЕ, бидејќи членовите го даваат суверенитетот на партијата, тие се алфа и омега и од нив мора да произлегуваат предлозите, идеите и идните чекори кои треба партијата да ги прави. Посебно ме радува тоа што со новиот статут жените добиваат поголема одлучувачка моќ во партијата. Демократскиот капацитет се согледува и преку давањето на рамноправен статус на жените во Статутот на партијата како исклучително важна нишка во функционирањето на партијата. Жените се основната функционална клетка во општеството, а исто така и во ВМРО-ДПМНЕ имаат посебна почит и вреднување. Тука морам да ги искоментирам и најновите испади на одредени членови на партијата кои до одреден период беа, благо кажано, во ровови кога станува збор за крупни прашања, единствено чекајќи идеален момент за да ја нападнат партијата. ВМРО-ДПМНЕ помина низ многу премрежја последните неколку години, честопати се прават обиди за раскинување на ткивото на партијата и подбуцнување на внатрепартиски тензии поради преголемите амбиции на одредени членови на партијата, кои, за жал, никако да разберат дека ВМРО-ДПМНЕ е партија која се создала, дише и опстанува благодарение на ВЕРНИТЕ членови кои веруваат и ја пренесуваат каузата и нејзината идеологија! Себичноста и алчноста никогаш не биле карактеристики на оние кои вистински ја почитуваат и сакаат својата партија! Демократичноста во една партија не е да чекаш момент за да ја нападнеш во предизвикувачки и одлучувачки моменти, демократија е да делуваш со идеи и стратегии постојано внатре во партијата, а не да го задоволуваш апетитот на оние кои сакаат партијата да ја нема! ВМРО-ДПМНЕ е партија која учи, се надоградува, прифаќа ново и она што е најважно секогаш го слуша НАРОДОТ и своето ВЕРНО ЧЛЕНСТВО! Секогаш за ВМРО-ДПМНЕ! Секогаш за МАКЕДОНИЈА! Огромна и максимална поддршка за Претседателот Христијан Мицкоски, пишува Затуроска во својата објава.

Затуроска: Многу чудни работи се случуваат со веб страната на ДИК за објавените резултати

Тале Кристо — Fri, 17 Jul 2020 08:51:34 +0000

Многу чудни работи се случуваат со веб страната на ДИК за објавените резултати, вели Лилјана Затуроска од ВМРО-ДПМНЕ. При обид за проверка на достапност на електронскиот внес на резултатите, страната од ДИК паѓа на секои две минути со тоа што кога страната е моментално достапна може да видиме дека објавените електронски резултати се третирани како неофицијални првични, но позадински варијаблата која ја користат програмерите е заведена како неважечки податоци, пишува на својата Фејсбук страница Лилјана Затуроска, генерален Секретар на Унија на Жени на ВМРО - ДПМНЕ. Дали некој свесно предвреме знаел дека овие податоци ќе бидат неважечки и лажни?!

Затуроска: Време е да го исправиме погазеното достоинство на македонската жена!

Тале Кристо — Sat, 04 Jul 2020 13:16:15 +0000

Родова еднаквост? Заштита на жената од навреди и насилство? Почит? Нема ништо од ова да најдете кај социјалдемократите, кај нив ќе најдете само полни усти со празни зборови! ШТО ЗНАЧИ ДА СЕ БИДЕ ЖЕНА ВО МАКЕДОНСКАТА ПОЛИТИКА? Унијата на Жени на ВМРО-ДПМНЕ со кампања за подигнување на свеста кај населението за поголема родова еднаквост и заштита на жената од сексистички навреди и деградирања. Време е да го исправиме погазеното достоинство на македонската жена! На 15-ти јули #ОдбериОбнова, #Заокружи14, вели во својата објава генералниот секретар на Унија на жени на ВМРО-ДПМНЕ Лилјана Затуроска.

Затуроска – Kurir.mk

Затуроска: Со новиот Статут на ВМРО-ДПМНЕ жените добиваат поголема одлучувачка моќ во партијата

Затуроска: Многу чудни работи се случуваат со веб страната на ДИК за објавените резултати

Затуроска: Време е да го исправиме погазеното достоинство на македонската жена!