затвара – Kurir.mk

„Пица хат“ ги затвора сите ресторани во Грција

Магдалена Андонова — Fri, 31 Jul 2020 11:15:32 +0000

Американскиот синџир ресторани за брза храна „Пица хат“ се повлекува од Грција и ги затвора сите 16 ресторани во земјата, откако констатирале дека бизнисот повеќе не е одржлив, објави грчката новинска агенција АНА-МПА повикувајќи се на извори од компанијата, јави дописничката на МИА од Атина. -Во последните 12 години и покрај континуираните финансиски загуби, компанијата инвестираше 23 милиони евра за развој на синџирот во Грција, а паралелно во последната деценија отвори и обезбеди над 450 работни места. Но, за жал, пандемијата на коронавирусот, која создаде криза во нашата земја и во странство, силно го погоди угостителскиот сектор и доведе до влошување на постоечките тешкотии и неможноста да се промени негативната клима, рекле извори од „Пица хат“ за АНА-МПА. Додаваат дека одлуката следи по повеќемесечните напори на компанијата да најде одржливо решение, а последица од заминувањето од Грција ќе биде околу 180 лица да останат без работа. (MИА)

Кина затвора граници за странци поради коронавирусот

Тале Кристо — Thu, 26 Mar 2020 19:12:05 +0000

Кина од 28 март привремено ќе запре влез на своја територија за странци со важечки визи и дозволи за престој како привремена мерка против ширењето на епидемијата на коронавирусот, соопшти денеска кинеското Министерство за надворешни работи. Исклучоци ќе се прават за лица кои ќе бидат во дипломатска или официјална посета, како и за лица што имаат „Ц“ виза. Визи од категорија „Ц“ се издаваат на странци кои учествуваат во меѓународни транспортни услуги. Во Кина се регистрирни 67 нови случаи на заразени со коронавирусот, додека во провинцијата Хубеи нема ниту еден нов случај, соопшти кинеската Национална комисија за здравство.

„Епл“ порди коронавирусот ги затвора своите продавници низ целиот свет

Тале Кристо — Sat, 14 Mar 2020 17:32:33 +0000

Технолошкиот гигант „Епл“, синоќа соопшти дека ги затвора своите продавници низ цел свет на две недели, со исклучок на Кина, кои беа затворени повеќе недели, за минимизација на ризиците од пренос на коронавирусот. -Ги затвораме сите наши продавници надвор од Кина. Ова значи дека тимовите треба да работат од далечина, ако тоа им го дозволат работните обврски, Тим Кук, раководител на „Епл“, напиша на Твитер. Компанијата вчера ги отвори сите 42 продавници на територијата на Кина, кои беа затворени од почетокот на февруари поради ширењето на вирусот. Компанијата вчера донирше 15 милиони долари за борба со коронавирусот, се вели ви соопштението на Кук.

Кипар ги затвора границите поради коронавирусот, потврдени 21 ново заразени

Тале Кристо — Sat, 14 Mar 2020 10:49:17 +0000

Забрана за влез на Кипар од утре до 30 март 2020, за сите кои што не се државјани на островот, немаат легален престој, не се дипломати или студенти, а се странски државјани, објави синоќа претседателот на Кипар, Никос Анастасиадис во обраќањето до јавноста. Во земјата веќе е потврден 21 случај на Ковид-19, јави дописничката на МИА од Атина. Кипарскиот претседател соопшти дека во првата фаза Владата одлучила од утре и во период од 15 дена да се забрани влез на сите граѓани кои не припаѓаат во категориите: државјани на Кипар, лица со легален престој во земјата, државјани на ЕУ или трети земји кои работат на Кипар, дипломати, странски студенти кои студираат на островот. Анастасиадис истакна дека конкретните мерки не влијаат на непречените трговски активности, со оглед на тоа дека нема никакво ограничување на увозот и извозот на производи. Бројот на позитивни случаи на коронавирусот на Кипар секојдневно се зголемува, а само во текот на вчерашниот ден беа потврдени 11 нови случаи. Министерството за здравство на Кипар доцна синоќа соопшти дека уште седум лица се заразени со коронавирусот, со што вкупниот број се искачи на 21 лице.