затворен пат – Kurir.mk

Регионалниот пат Велес- Градскo затворен за сообраќај во наредните девет месеци

Катерина Бојаџиева — Tue, 27 Sep 2022 10:07:10 +0000

Делницата Велес- Градскo на регионалниот пат Р1102, од утре па во наредните девет месеци ќе биде затворена за сообраќај поради градежни работи, соопшти АМСМ. Сообраќајот на државните патишта се одвива непречено по претежно влажни коловози. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

Патот Маврови Анови – Жировница затворен поради градежни работи

Магдалена Андонова — Wed, 07 Sep 2022 05:39:34 +0000

Денеска завршува тридневниот воспостваен времен режим на комплетно затворен сообраќај во периодот од 10:00 до 16:00 часот на патен правец Маврови Анови – Жировница (Р1202) од страна на Пелагонија АД Гостивар како изведувач на работите, поради испитување на мостовските конструкции на патот Р1202, делница Маврови Анови – Жировница“ согласно Одобрението за времена измена на режимот на сообраќај. Како што соопшти АМСМ, сообраќајот на останатите државни патишта се одвива непречено, по претежно суви коловози. Интензитетот на сообраќај на патните правци надвор од градските средини е умерен. На останатите граничните премини, од македонска страна, нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. (МИА)

Затворен патот Куманово – Св.Николе кај селото Габреш поради сообраќајка

Дарко Андоновски — Wed, 15 Dec 2021 13:05:48 +0000

Регионалниот пат Куманово – Св.Николе кај селото Габреш од 13:12 часот е целосно затворен за сообраќај, во двата правци. Како што информираат од АМСМ, причина за затворање на патот е сообраќајна незгода.

Затворен патниот правец Балван – Таринци кај мостот на реката Брегалница

Магдалена Андонова — Wed, 15 Dec 2021 09:52:39 +0000

– Мостот на реката Брегалница, кој ги поврзува карбинските села Долни Балван и Таринци е забранет за секаков вид сообраќај. Градоначалникот на Општина Карбинци, Виктор Паунов за МИА вели дека токму во моментов се поставува сообраќјната сигнализација, но и купчиња со песок за да возилата не поминуваат по него. -Забраната за сообраќај е донесена по препорака на проектантот на мостот, како и на надлежните од сообраќајната полиција и од инспекторите за одржување на состојбата со речните корита, односно водостопанство. Се додека не се стабилира тлото, но и нивото на реката, по овој мост нема да се поминува. Откако ќе се стабилизира повторно увид ќе направат сите надлежни институции, вели Паунов. Посочи дека по повторниот увид ќе се знае во каква состојба е мостот. Инаку во неделата едниот столб на мостот беше видливо попуштен по налетот на водата и дрвја. ЈП „Плачковица“ со помош на механизација ги отстрани дрвјата, кои беа попречени на столбовите на мостот. Жителите на Општина Карбинци за да патуваат кон Пробиштип, Кочани, Берово, Пехчево, како и кон граничниот премин кај Делчево ќе мора да го користат регионалниот пат преку селата Аргулица, Борилчево и да излезат на магистралниот пат, кај селото Кучичино.

На денот на изборите затворен патот кон Дебар преку Маврово

Магдалена Андонова — Sun, 14 Nov 2021 13:48:25 +0000

Дебар денеска гласа за градоначалник бидејќи во првиот круг не беше постигнат потребниот цензус на излезенi гласачи.Но голем број жители на Дебар и околината денеска се оневозможени да го остварат своето гласачко право. Причина за тоа е затворениот пат кој од Маврово води кон Дебар. Овој патен правец се прави подолго време и тој е затворен секој ден од 10 до 16 часот освен во неработни денови. Но, иако денеска е недела и е неработен ден на патот се изведуваат градежни работи и движењето за возило е забрането. Од фотографиите кои ги доби Република.мк се гледаат нервозни граѓани кои сакаат да поминат а полицијата ги спречува. Kако што известуваат, по инетервенција на ДИК почнаа да пропуштаат возила на жители на чија лична карта пишува дека се од Дебар за да можат да гласаат. Останатите, мораат да минуваат стотина километри повеќе и да кружат преку Струга. Се поставува прашањето дали денеска мораше да се работи на оваа делница и дали ова е направено токму поради гласањето?

Истурена сточна храна го прекина сообраќајот кај Росоман

Дарко Андоновски — Fri, 12 Jul 2019 11:00:05 +0000

Поради истурена сточна храна од 12:05 часот денеска е затворен за сообраќај патот Градско – Прилеп на потегот од Росоман до бензинска пумпа „Сирково“, соопшти Автомотосојузот на Македонија

АМСМ: Поради трки со мотори затворен патот преку Галичица

Дарко Андоновски — Sun, 30 Jun 2019 07:40:51 +0000

Патот што води преку планината Галичица од Царина до Трпеица од изутрината во шест часот е затворен за сообраќај поради одржување на трки со мотори, соопшти Автомотосојузот на Македонија.