затворен – Kurir.mk

Затворени за сообраќај патните правци Македонска Каменица-Делчево и Подмоље-Охрид

Тале Кристо — Sat, 10 Jun 2023 10:58:03 +0000

По обилните врнежи од дожд што го зафатија делчевскиот реон во четвртокот, сообраќајот на патниот правец Македонска Каменица-Делчево, на два километри пред Делчево, се пренасочува преку Виница и Смојмирово, информираат од АМСМ. Поради реконструкција на коловозот, сообраќајот на патниот правец Подмоље-Охрид на магистралниот пат А3, од вчера е пренасочен преку регионалниот пат Р-1208. И на двата патни правци поставена е соодветна сообраќајна сигнализација. На останатите државните патишта сообраќајот се одвива непречено по претежно суви коловози, со умерен интензитет на патните правци надвор од градските средини. На граничните премини од македонска страна нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Во финална фаза градежните работи од долниот затворен дел од Градскиот пазар во Велес

Тале Кристо — Thu, 27 Apr 2023 15:54:25 +0000

Интензивно се работи на повеќе позиции на долниот затворен дел од Градскиот пазар во Велес и остварување на заложбите за што побрзо да биде ставен во функција, информираат од Општина Велес. - И покрај сите предизвици со подземната инфраструктура и економската и енергетската криза со кои се соочивме, градежните активности се во финална фаза. Со завршувањето на оваа фаза трговците и посетителите ќе добијат модерен пазар, истакнуваат од Општина Велес. Горниот затворен дел од Градскиот пазар во Велес, кој всушност е една голема настрешница под која се поставени тезги за зеленчук, овошје и друго, беше направена и веќе е во функција пред една и пол година.

Утре целосно затворен автопатот А1 кај клучката Демир Капија

Тале Кристо — Tue, 25 Apr 2023 17:20:26 +0000

Од утре почнуваат градежни активности на Државен пат А1, од Демир Капија кон Неготино, за што ќе се изврши промена на режимот на сообраќај со целосно затворање на автопатот на клучката Демир Капија. Сообраќајот ќе биде пренасочен на Регионалниот пат Р1102, соопшти АМСМ. Сообраќајот на државните патишта се одвива непречено, по наместа влажни коловози. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

ОД ТОА ШТО СЕ ПОЈАВИ НА НЕБОТО ЦЕЛА ДРЖАВА СЕ КРЕНА НА НОЗЕ – затворен аеродромот во Санкт Петербург (ФОТО)

Дарко Андоновски — Tue, 28 Feb 2023 09:38:38 +0000

Сите комерцијални летови до Санкт Петербург, Русија се одложени и пренасочени откако над градот бил забележан „непознат објект“. Градските власти соопштија дека аеродромот Пулково во Санкт Петербург престанал да прима авиони, а најавените доцнења на летовите се и до 12 часа, пренесува „Комерсант“. Во соопштението се наведува дека „аеродромот и неговите услуги работат нормално“. Според податоците на веб-страницата Flightradar24, која го следи движењето на авионите, на небото над градот и Ленинградската област нема цивилни авиони. Летови од Москва до Санкт Петербург кружат или се враќаат.

All Commercial Aircraft that were inbound towards St. Petersburg have been diverted away reportedly due to “Unknown Objects” being spotted over the City; the Russian Air Force is said to have been scrambled to handle the Intrusion. pic.twitter.com/m1rsswRzn5
— OSINTdefender (@sentdefender) February 28, 2023

Телевизискиот канал РЕН, повикувајќи се на анонимен извор, јавува дека воздушниот простор во радиус од 200 километри е затворен над аеродромот Пулково. „На небото има воени авиони, потрагата по натрапникот е во тек“, пренесува тој ТВ канал.

Уште две земји од ЕУ го затвораат воздушниот простор за руските авиокомпании

Тале Кристо — Sun, 27 Feb 2022 11:25:19 +0000

Германија ќе го затвори својот воздушен простор за руските авиони и авиокомпании на три месеци од 15 часот денеска по локално време, соопшти неговото Министерство за транспорт. Летовите за хуманитарна помош се исклучени од забраната, рече портпаролот на Министерството. Министерството вчера соопшти дека се подготвува да го затвори германскиот воздушен простор за руски летови, по слични потези на други европски држави како одговор на руската инвазија на Украина. Белгиските власти исто така соопштија денеска дека го затвораат воздушниот простор за летови на руски авиокомпании.

Затворен угостителски објект во Грчец, пронајден нож, затекнати малолетници и низа незаконски активности

Тале Кристо — Sat, 05 Feb 2022 13:12:21 +0000

На 05.02.2022 околу 00 часот полициски службеници од Бирото за јавна безбедност-Оддел за криминалистичка полиција и Оддел за специјални полициски операции-Единица за брзо распоредување во координација со Управата за јавни приходи и Државен пазарен инспекторат извршиле контрола во угостителски објект во с. Грчец, скопско. Констатирани се низа неправилности во работењето: угостителскиот објект нема регистрирано правно лице-фирма, немало регистриран фискален апарат, не биле почитувани мерките за справување со Ковид 19, поради што од страна на Државниот пазарен инспекторат објектот е запечатен и изречени се соодветни глоби. Извршен е преглед на 40 лица и констатирано е присуство на тројца малолетници, за што ќе следуваат соодветни пријави. Исто така, приведено е едно лице кај кое е пронајден нож. За сите незаконитости ќе следуваат соодветни поднесоци.

Затворен најголемиот вакцинален пункт „Борис Трајковски“ – граѓаните со сè помал интерес за вакцинација ?!

Магдалена Андонова — Sat, 02 Oct 2021 20:02:06 +0000

Скопската сала „Борис Трајковски“ која беше најголем функционален пункт од синоќа повеќе не е во функција. Тоа се должи на намалениот интерес на граѓаните за вакцинирање. Од Министерството за здравство информираат дека повторно ќе биде отворен доколку има потреба. - Како друга причина за затворање на овој пункт е тоа што просториите на центарот се потребни за други активности. Според последниот извештај на Институтот за јавно здравје, најмногу граѓани вакцинирани со прва доза има во Охрид, Кавадарци, Гевгелија и Неготино. Најмногу со прва доза вакцинирани граѓани има во градовите Охрид, Кавадарци, Гевгелија и Неготино. Најголем опфат на вакцинирано население со прва доза има во градовите Битола, Д.Хисар, Ресен, Велес, Берово, Пехчево, Прилеп, Крушево, Валандово, Штип и Пробиштип. Помеѓу 40-50% опфат на вакцинирани граѓани има во градовите Кичево, Св.Николе, Кочани, Делчево, К.Паланка, Струга, М.Брод, Скопје и Тетово. Најмалку вакцинирани во моментов има во Виница, Куманово, Кратово, Дебар, Струмица, Гостивар и Радовиш-велат од Министерството за здравство.

Угостителски објект во Дебар не ги почитувал мерките против коронавирусот – 23 годишниот сопственик сега ќе зажали за грешката

Дарко Андоновски — Sun, 16 May 2021 08:44:08 +0000

На 15.05.2021 во периодот од 22.00 до 24.00 часот, од страна на полициски службеници од Надворешната канцеларија за криминалистички работи и Полициска станица Дебар, во содејство со инспектори од Државен пазарен инспекторат Струга извршена е контрола во угостителски објекти во Дебар. При контролата е констатирано дека во угостителски објект лоциран на ул.„8 Септември“, сопственост на К.Р.(23) од Дебар, не биле почитувани одлуките за превентивни препораки, времени мерки и протоколи за постапување и заштита на населението од заразната болест ковид-19. Сопственикот е лишен од слобода, а објектот е затворен со пломба. За случајот е запознат Јавен обвинител од ОЈО Дебар и по неговото документирање ќе биде поднесена кривична пријава по член 206 од Кривичниот законик за „непостапување според здравствени прописи за време на епидемија".

Работел угостителски објект и во него имало послужени гости – еве каква казна го снашло сопственикот откако влегла полицијата внатре

Дарко Андоновски — Sun, 18 Apr 2021 09:41:11 +0000

На 17.04.2021 во 13,10 часот полициски службеници од СВР Тетово извршиле контрола во угостителски објект на ул.“120“ во Тетово кој бил отворен и во кој биле послужени неколку гости.

Објектот бил времено затворен од Државен пазарен инспекторат, а сопственичката Ј.Б.Н.(49) била лишена од слобода и по целосното документирање на случајот ќе биде поднесена кривична пријава.

Поради рехабилитација на мост, целосно затворен за сообраќај патниот правец Лакавица – Неготино

Тале Кристо — Wed, 24 Mar 2021 07:09:58 +0000

Од денеска целосно се затвора за сообраќај патниот правец Лакавица – Неготино поради рехабилитација на мост, соопшти Авто мото сојузот на Македонија, повикувајќи се на информација од Дтг Жикол Дооел Струмица. Оваа делница ќе биде затворена во времетраење од пет месеци. На останатите патни правци низ државата сообраќајот се одвива по влажни коловози и наместа со остатоци на кашест снег.