затворени училишта – Kurir.mk

Во Франција се затворени 81 училиште поради коронавирусот

Магдалена Андонова — Wed, 16 Sep 2020 08:20:48 +0000

Од почетокот на школската година, само по една недела на работа на 7 септември, Министерството за образование регистрира дека 28 школски установи и 262 паралелки беа затворени заради епидемијата, јави дописникот на МИА. А според последните бројки кои ги даде министерот за образованием Жан Мишел Бланкие, до денес се затворени осумдесет и едно училиште и нешто повеќе од 2.100 паралелки поради случаи на Ковид-19. Бројот на затворените училишта претставува „околу 0,13 отсто“ од околу „60 000 училишта во земјата“, рече министерот. -Ова се бројки кои се уште се многу ограничени (…) а кога имате само 0,13 отсто, сепак е добро враќањето на училиште“, „ тоа е најдоброто можно нешто со оглед на здравствената криза“, процени Бланкие. На 7 септември, Министерството броеше само 28 затворени училишта и 262 паралелки поради епидемијата. -Имаме околу 1.200 нови случаи на ученици заразени со Ковид во споредба со претходната недела“, детално објасни министерот, потсетувајќи дека општо е правилото, „да се затвора една паралелка ако има три регистрирани случаи со Ковид.“ (МИА)

Португалија затвора училишта, забранува симнување патници од крузери

Ивона Петрова — Fri, 13 Mar 2020 06:43:42 +0000

Португалската Влада донесе одлука да ги затвори сите училишта во државата од понеделник за сузбивање на коронавирусот и тоа до 9 април, кога се најавува нова проценка на ситуацијата. Тоа го најави синоќа премиерот Антонио Коста. Во телевизиското обраќање тој рече дека на крузери нема да им биде дозволено да оставаат патници, освен ако не живеат во Португалија. Ноќните клубови ќе бидат затворени и ќе бидат воведени и бројни ограничувања за посети на ресторани и трговски центри. Во Португалија регистрирани се 78 лица заразени со новиот коронавирус.

НЕОФИЦИЈАЛНО: Од утре во наредните 14 дена се затвораат сите училишта, градинки и факултети во Македонија! (ФОТО)

Дарко Андоновски — Tue, 10 Mar 2020 11:56:29 +0000

На денешниот состанок на Комисијата за заразни болести неофицијално комисијата и Владата донеле одлуки во врска со коронавирусот во Македонија. При тоа заклучено е од утре до 24 март да се затворат сите училишта и градинки. -Комисијата за заразни болести ги заострува мерките и ги упатува сите основни, средни и високо образовни институции како и детските градинки да запрат со одвивање на наставно- воспитниот процес во тек на наредните 14 дена. -Се забрануваат сите масовни собири на отворено и затворено, сите културни настани на ниво на РМ, а спортските настани да се одвиваат без публика. Инаку оваа мерка се очекува министерот за здравство да ја потврди на прес-конференција во 14 часот во Владата на Македонија.

Алармантно во БиХ, затворени училиштата поради снегот

Предраг Кукиќ — Mon, 17 Dec 2018 13:56:37 +0000

На подрачјето на општините Коњиц и Јабланица денеска и утре поради лошите временски услови и непроодните патишта нема да има настава во основните и средните училишта, како и во детските градинки. „На подрачјето на општина Коњиц, од 110 населени места, за околу 30 места не е квалитетно решено прашањето за чистење на патиштата, така што целата механизација е распоредена на овие места, сите средства со кои се располага се достапни за да се исчистат патиштата до секое место”, велат официјални претставници од БиХ. Како што беше посочено, во општината Јабланица проблем е снабдувањето со електрична енергија бидејќи еден дел од граѓаните во ова населено место сè уште се без редовно снабдување со електрична енергија. Во моментов малку загрижува тоа што во текот на утрото повторно во областа Коњиц почнало да паѓа снег, додаваат властите. Во општините Коњиц и Јабланица во неделата беше прогласена состојба на природни непогоди поради обилните врнежи од снег.

Снег на Алпите и во Аоста, на Сардинија затворени училишта

Ивона Петрова — Mon, 19 Nov 2018 15:23:08 +0000

Во Италија денеска се забележани температури под просек за овој период на годината, со силен ветер и снег на високите предели. Тројца планинари беа „заробени“ во снег во високите подрачја на Фурланија, но подоцна се спасени. Во Фурланија во сила е предупредувањето поради силниот ветер, а снег падна на Алпите, но и во Аоста, град во северниот дел на Италија. Поради лошото време затворени се училиштата на Сардинија, а во сила е портокалово предупредување во Кампанија. Портокалов метео аларм е издаден и за Лацио. МИА