затворени улици – Kurir.mk

УТРЕ СКОПЈЕ БЛОКИРАНО – овие улици и булевари целосно затворени

Дарко Андоновски — Mon, 23 May 2022 11:21:02 +0000

На 24.05.2022 (вторник) поради официјална посета на делегација на Српската православна црква, Одделението за безбедност на патниот сообраќај при СВР Скопје ќе преземе мерки за посебен режим на сообраќај по сообраќајниците на поширокото централно подрачје на град Скопје, при што за сообраќај ќе бидат затворени бул. „Партизански одреди” од крстосница со ул. „Аминта Трети” до крстосница со бул. „ВМРО” и ул. „Св.Климент Охридски” од крстосница со бул. „Илинден” до крстосница со ул. „Димитрие Чуповски” во Скопје. СВР Скопје апелира до сите граѓани учесници во сообраќајот да се почитуваат наредбите кои ќе ги даваат униформираните полициски службеници.

Денеска и утре посебен сообраќаен режим во Скопје поради најавените митинзи на партиите, еве кои улици ќе бидат затворени

Предраг Кукиќ — Sat, 13 Apr 2019 07:45:01 +0000

Кандидатката за претседателка на државата од ВМРО-ДПМНЕ и коалицијата, Гордана Сиљановска Давкова, вечерва во 19 часот ќе го одржи централниот митинг во Скопје пред Владата. Централниот митинг на кандидатот на СДСМ и коалицијата Стево Пендаровски, пак, ќе се одржи утре во Скопје во 14 часот пред зградата на ЕУ Инфо Центар. Денеска ќе биде затворен дел од булеварот Илинден на потегот од крстосницата со булеварот Гоце Делчев до крстосницата со булеварот Свети Климент Охридски. Посебниот сообраќаен режим ќе трае утре до полноќ. Поради маршот организиран од политичката партија СДСМ, чиј почеток е закажан за 12.30 часот в недела, за сообраќај ќе бидат затворени улиците по кои ќе се одвива настанот. Од МВР соопштуваат дека блокадата ќе почнува од Соборниот храм, потоа право по булеварот Партизански одреди, десно по улицата Васил Главинов, па лево по улицата Димитрие Чуповски и право до крстосницата помеѓу улицата 11 Октомври и булеварот Кочо Рацин. Потоа, пред МТВ и МАНУ право по булеварот Крсте Петков Мисирков, право по булеварот Кочо Рацин до крстосницата со улицата 11 Октомври, како и пред Транспортен центар право по булеварот Кузман Јосифовски – Питу, лево по булеварот Кочо Рацин до крстосница со улицата 11 Октомври. Исто така, ќе биде затворена делницата од Тутунскиот комбинат право по улицата 11 Октомври до крстосницата со булеварот Кочо Рацин, како и од крстосницата помеѓу булеварот Кочо Рацин и улицата Беласица право по булеварот Кочо Рацин, десно по улицата Свети Кирил и Методиј до седиштето на ЕУ, каде што во 14 часот ќе се одржи митинг. Покрај ова, од 13 април од 14 часот до 14 април до 24 часот, ќе биде затворена за сообраќај улицата Свети Кирил и Методиј, и тоа на потегот од крстосницата со булеварот Кочо Рацин до крстосницата со булеварот Свети Климент Охридски.

Денес посебен сообраќаен режим- овие улици ќе бидат пренасочени

Предраг Кукиќ — Tue, 02 Apr 2019 07:54:14 +0000

Поради посетата на грчкиот премиер Алексис Ципрас, министерството за внатрешни работи информираше за времен сообраќаен режим на дел од сообраќајниците во Скопје. Според информации на Скопје Инфо времениот сообраќаен режим ќе се спроведува на сообраќајниците кои водат од скопскиот аеродром, преку населбата Автокоманда до зградата на Владата на Република Македонија. По завршувањето на средбата планиран е ручек во елитен скопски ресторан во населбата Капиштец во чија близина ќе бидат пренасочени локалните улици. Времениот сообраќаен режим ќе заврши во 20 часот кога е планирано заминување на грчкиот премиер.

Викендов ќе бидат затворени неколку улици во Скопје

Предраг Кукиќ — Sat, 30 Mar 2019 10:24:03 +0000

Продукцијата „Скопје Филм Студио“ ја известува јавноста дека во периодов се работи на снимање на нов долгометражен игран филм со работен наслов “Хомо”. Филмот ќе се снима на повеќе локации низ град Скопје. „Скопје Филм Студио“ известува дека, во координација со Надлежните институции, за потребите за снимање на филмот, на ден 30.03.2019 година (сабота), во период од 6 до 18 часот, ул. „Васил Главинов“ во правец од ул. „Димитрија Чуповски“ кон Бул. „Партизански одреди“ ќе биде затворена за сообраќај. Исто така на ден 31.03.2019 година (недела), во период од 6 до 18 часот, ул. „Самоилова“ кај вкрстувањето со надвозникот кој поминува над бул. „Гоце Делчев“ ќе биде затворена за сообраќај, се наведува во соопштението. Сообраќајот ќе биде стопиран, а возилата ќе coобраќаат со изменет режим – пренасочување кон околните улици, со повремени пропуштања.

Викендов ќе бидат затворени неколку улици во Скопје

Ивана Ефремовски — Fri, 29 Mar 2019 10:21:47 +0000

Продукцијата „Скопје Филм Студио“ ја известува јавноста дека во периодов се работи на снимање на нов долгометражен игран филм со работен наслов “Хомо”. Филмот ќе се снима на повеќе локации низ град Скопје. -“Скопје Филм Студио“ ве известува дека, во координација со Надлежните институции, за потребите за снимање на филмот, на ден 30.03.2019 година (сабота), во период од 6 до 18 часот, ул. Васил Главинов во правец од ул. Димитрија Чуповски кон Бул. Партизански одреди ќе биде затворена за сообраќај. Исто така на ден 31.03.2019 година (недела), во период од 6 до 18 часот, ул. Самоилова кај вкрстувањето со надвозникот кој поминува над бул.Гоце Делчев ќе биде затворена за сообраќај, се наведува во соопштението. Сообраќајот ќе биде стопиран, а возилата ќе coобраќаат со изменет режим - пренасочување кон околните улици, со повремени пропуштања.

Важна вест за возачите – овие улици ќе бидат блокирани во Скопје

Предраг Кукиќ — Tue, 11 Dec 2018 14:39:26 +0000

Поради закажан протест во централното градско подрачје во Скопје, утре од 17 часот ќе биде воведен посебен сообраќаен режим. Како што информираат од МВР, демонстраните кои се организирани од страна на политичка партија ќе се движат од плоштадот ВМРО, десно по улицата „Даме Груев“, право по улицата „Васил Главинов“, право по булеварот „ВМРО“, лево по булеварот „Илинден“ до пред зградата на Влада на Р. Македонија. МВР апелира до граѓаните да ги почитуваат наредбите што ги издаваат полициските службеници.

Викендов посебен сообраќаен режим во Скопје, овие улици ќе бидат затворени

Ивона Петрова — Fri, 09 Nov 2018 13:17:22 +0000

Поради одржување на неколку спортско-рекреативни манифестации на подрачјето на главниот град во текот на викендов (10 и 11.11.), Одделението за безбедност на патниот сообраќај при СВР Скопје ќе воведе посебен сообраќаен режим заради безбедно одвивање на најавените настани. Така, утре и задутре во периодот од 07.00 до 12.30 часот, во организација на АКК СКОПЈЕ - Скопје, ќе се одржува ридско-брзински натпревар во автомобилизам “Водно II 2018“, и тоа на потегот од Олимписко село до Средно Водно, во должина од 3950 метри. Заради тоа ќе биде забрането сообраќање со возила од улицата “Тодор Александров“ (кај Олимписко село) кон средно Водно. Потоа во недела (11.11.) во времето од 11.00 до 14.00 часот, во организација на Сојузот на спортови на Скопје, ќе се одржи спортска манифестација „Скопје на точак 2018“ со старт од фонтана „Лотус“ во Градски парк. Трасата на движење потоа оди право по булеварот „Илинден“, лево по улицата „Љубљанска“, право по улицата „Московска“, лево по улицата „Митрополит Теодосиј Гологанов“, право по улицата „Димитрие Чуповски“, право по улицата „11-ти Октомври“, лево по булеварот „Кочо Рацин“, право по булеварот „Крсте Петков Мисирков“, лево по булеварот „Гоце Делчев“, десно по булеварот „Илинден“ со крајна цел повторно кај фонтаната „Лотус“ во градски парк, во Скопје. Во периодот на одржување на настанот овие сообраќајници етапно ќе бидат затворани. И исто така во недела во периодот од 15.00 до 17.00 часот, во организација на Атлетска федерација на Македонија, ќе се одржи Атлетска ноќна улична трка по повод празникот „13-ти Ноември“, денот на ослободување на Град Скопје, со старт на плоштад Македонија, потоа право кон Триумфална капија, лево во подземниот премин на Градски трговски центар, десно по улицата „Филип Втори Македонски“ (покрај Градската општа болница), десно по булеварот „11-ти Октомври“, право по улицата „Димитрие Чуповски“, десно по улицата „Никола Вапцаров“ во правец на плоштад Македонија и со крајна цел кај плоштадот Пела под Триумфалната капија, во Скопје. Во текот на одвивањето на трката (во женска и машка конкуренција) овие сообраќајници ќе бидат затворени за сообраќај. МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвиваат најавените манифестации.