затвореничка – Kurir.mk

Трансродова затвореничка морала да биде префрлена во машки затвор бидејќи забременила две други затворенички

Магдалена Андонова — Tue, 19 Jul 2022 08:20:54 +0000

Трансродова затвореничка, од која забремениле две други затворенички во единствениот женски затвор во американската сојузна држава Њу Џерси, е преместена во машки затвор. Таа, инаку, е родена како биолошки маж. Имено, Деми Мајнор, која отслужува 30-годишна затворска казна за прободување на нејзиниот поранешен старател, во јуни беше префрлена од женскиот казнено-поправен дом „Една Мејхан“ во поправниот дом за млади лица – „Гарден стејт“. Таа, притоа, се жали на кршење на нејзините права и во објава на својот блог тврди дека по преместувањето, се обидела и да се обеси. - Прифатив дека сум во машка институција, но не прифатив дека сум ништо друго освен жена, која случајно е трансродова!, нагласи таа. Мајнор го обвини затворот дека ѝ нанел „непоправлива психолошка болка“ изложувајќи ја на овие предизвикувачки ситуации. - Не умеам да живеам како маж и одбивам кога било да им се вратам на таквите навики или однесување“, пишува таа на својот блог, жалејќи се и на тоа што новиот затвор нема клима-уред, ни кабловска телевизија и не дозволува видеоповици, како ниту ЛГБТК-групации. – „Психички не сум своја и ја губам својата суштина. Деми, која сака да се шминка и да се дружи со другарките, не смее тука, додаде таа. Мајнор била префрлена откако било откриено дека „таа“ е одговорна за бременоста на две затворенички. Установата со 800 затворенички, инаку, почна да прима трансродови жени – вклучително и онакви на кои допрва треба да им биде извршена операција за промена на полот, по тужба минатата година. Сега има 27 транс-затвореници. Мајнор во 2020 година ја започна својата родова транзиција. (МИА)

Поранешна затвореничка помилувана, 27 години по пресудата за убиство на нејзиниот подведувач

Катерина Бојаџиева — Wed, 06 Jul 2022 10:52:44 +0000

Поранешна затвореничка од САД е помилувана, од гувернерот на Калифорнија, Гевин Њусом, 27 години откако била осудена на доживотен затвор за убиство на нејзиниот подведувач. Во 1995 година, Сара Крузан е прогласена за виновна за убиство од прв степен, една година откако го уби Џорџ Гилберт Хауард. Имала 16 години. Во годините потоа, таа стана поборник за реформи во политиката во однос на жртвите на сексуална трговија со луѓе и тврдеше дека Хауард ја искористил за сексуална експлоатација и трговија со неа како тинејџерка. „Лос Анџелес тајмс“ пишува дека Крузан го запознала Хауард кога имала 11 години. Набргу по нивната средба, Хауард ја принудил на секс со други мажи заради материјална добивка. Години подоцна, Крузан го убила Хауард во мотел, со истрел од огнено оружје, бидејќи, како што вели, се плашела за својот живот. На 1 јули, Њусом ја помилува Крузан, првично осудена на доживотен затвор без право на помилување, заедно со 17 други. „Кога г-ѓа Крузан имаше 16 години, таа смртно го застрела човекот кој ја злоставуваше и тргуваше со неа заради секс“, се вели во одлуката за помилување, и се додава дека „таа дала докази дека покажала добро владеење, како и својата способност за враќање кон граѓанските права и одговорности“. Во 2011 година, гувернерот Арнолд Шварценегер ѝ ја намали казната на 25 години и во својата петиција за помилување ја вклучи можноста за условно ослободување. Две години подоцна, Судот уште повеќе ѝ ја намали казната, па таа истата 2013 година беше ослободена од затвор – на свои 35 години. Но, како осуденичка, не можела да најде работа. Во соопштението за печатот се наведува дека, иако не ја ослободува од вината, помилувањето дејствува на отстранување на „контрапродуктивните бариери за вработување и јавни услуги“.

Првпат по речиси седум децении американската влада уби затвореничка

Магдалена Андонова — Wed, 13 Jan 2021 10:34:12 +0000

На смртна казна е осудена во 2007 година поради монструозно злосторство. Во 2004 година убила жена во осмиот месец од бременоста сакајќи да ѝ го одземе нероденото дете. Детето преживеало. Монтгомери својата жртва ја нашла на интернет и ја посетила во нејзиниот дом во Мисури, под изговор дека сака да купи кутре. На местото на настанот ја загушила, ѝ ја распарала матката, го извадила бебето и ја оставила младата жена во локва крв. Таа беше прогласена за мртва во 1.31 часот откако доби смртоносна инјекција во сојузниот затворски комплекс во Тере Хауте, Индијана. Таа беше 11. затвореник што добила смртоносна инјекција таму од јули кога Доналд Трамп, ревносен поддржувач на смртната казна, ги продолжи федералните егзекуции по пауза од 17 години. „Неуспешната администрација беше прикажана во целост вечерва“, рече адвокатот на Монтгомери, Кели Хенри во изјава. „Секој што учествуваше во погубувањето на Лиза Монтгомери треба да се чувствува посрамен. владата не направи ништо да запре во нејзината ревност да ја убие оваа оштетена и заблуден жена“, рече Хенри. „

Овие двајца полицајци силуваа тинејџерка, но сега се пуштени на слобода (ВИДЕО)

Ивана Ефремовски — Sat, 31 Aug 2019 14:04:49 +0000

Двајца поранешни полицајци во Њујорк добија условна казна, иако признале дека имале сексуални односи со 18- годишна девојка, која ја привеле поради поседување марихуана. Еди Мартенс и Ричард Хол ја уапсиле лани девојката, а потоа со неа имале сексуален однос во задниот дел на полициското комбе во замена да ја пуштат на слобода. Тие се осудени на пет години условна казна, иако обвинителството барало една до две години затворска казна. Поранешните полицајци прво биле обвинети за силување, но ова обвинение било отфрлено од судот, поради недостиг на докази иако девојката направила ДНК тест веднаш по силувањето, каде се покажало дека има материјал и од двајцата полицајци. Веднаш по силувањето во јули 2017-та, тие си дале отказ во полицијата, а во меѓувреме е сменет законот со многу построги правила за полицајци кои силуваат затворенички.

Преубава затвореничка ги излуди жените: Од една причина бараат веднаш да излезе, а поради тоа би можела да заработи богатство (ФОТО)

Матеја Петровски — Wed, 15 Aug 2018 18:29:21 +0000

Маршала Перкинс, 19 годишна девојка од Тексас е уапсена откако кај неа биле пронајдени два грама марихуана. Во полиција ја фотографирале, а нејзината фотографија брзо станала вирален хит. Иако фотографијата е стара неколку месеци, неодамна ја откри една корисничка на Твитер и веднаш следеа лајковите. Имено, на жените најмногу им се допаднало како таа е нашминкана. -Ослободете ја, треба да не учи шминкање, е само една од бројните пораки на поддршка. -На почетокот мислев дека е непријатно затоа што мојата фотографија толку се прошири, но бидејќи прочитав позитивни коментари, помислив и дека не е така лошо, вели Маршала.

Blurry but you get the picture #BWM ?

A post shared by Marshala Perkins ? (@marshalaaaa_) on Jun 3, 2018 at 12:03pm PDT

Набрзо нејзиниот број на следачи на Инстаграм порасна, а една компанија и понуди за нив да направи мејк- ап колекција. Неодамна направи свој Јутјуб канал, иако уште нема објавена видеа на него.

PROM SZN! A slay for my boo @mya.caash ? Bwm $25 faces till August you won’t be disappointed

A post shared by Marshala Perkins ? (@marshalaaaa_) on May 19, 2018 at 4:09pm PDT

Почина затворничката која “Идризово” не ја носеше не лечење, а државата ја остави на улица

Ивана Ефремовски — Thu, 10 May 2018 12:46:09 +0000

Затвореничката од “Идризово”, Ката Трајкова која беше болна од карцином и два месеци лежеше во затворската соба без соодветна терапија и нега, вчера почина во Гостиварската болница, јавува Досие.мк. Според болнички извори, таа самата побарала лекарска помош. По неколку часа од приемот состојбата и се влошила и починала. Обвинителството дало наредба за обудукција. -Сега починатата беше осуденичка во затворот Идризово. Околу нова година беше оперирана од карцином, и веднаш вратена во затворски несоодветни услови. Внатре за неа се грижеа затвореничките. Од затворот Идризово, по објавувањето на сторијата на Досие.мк, ја пратиле Трајкова во болница но истовремено за неа бил побаран и предвремен отпуст од затворот, барање кое набризна било одобрено. Затворот ја остава во болницата од каде Трајкова си оди без никој да знае каде е и што прави. Трајкова била со нарушено психичко здравје, за што потврдија и тогашните раководители од Идризово и е нејасно како можела да потпишува документи, пишува порталот. Првиот документ кој го отвори овој сомнеж се документите за отпуст од Клиника на кои затвореничката е потпишана дека доброволно ја напушта болницата и тоа на нејзина одговорност, веднаш по операцијата. Но токму оваа постапка доведува до сомнеж колку била свесна што потпишала и дали воопшто знаела каков документ потпишува. Затвореничката подолг период е на силна медицинска терапија поради психички проблеми, заради што е нејасно како можела сама да донесе одлука. Иако вратена во “Идризово”, лекарите од Клиниката за онкологија препишале соодветна терапија меѓу другото и хемотерапија. Но жената воопшто не била однесена да ја прими ниту еднаш. Исто така е нејасно кој одлучил затвореничката ниту една да не ја прими најважната терапија за лекување на оваа тешка болест.