затвореник – Kurir.mk

Приведени затвореник и затворски полицаец од струмичко

Тале Кристо — Mon, 23 Oct 2023 18:49:19 +0000

Денеска (23.10.2023) во 12.00 часот на раскрсница кај село Чалакли, валандовско, полициски службеници од Одделението за внатрешни работи Валандово ги лишиле од слобода Р.М. (42) од село Водоча и Д.Д. (27) од село Рич, струмичко. Имено, Р.М. кој денеска во периодот од 07.00 до 19.00 часот бил на работа како затворски полицаец во Затвор Струмица, пречекорувајќи ги неговите овластувања му овозможил на осуденикот Д.Д., кој во моментот издржува затворска казна, времено да го напушти затворот, иако за тоа немал соодветно Решение. Притоа, двајцата, со приватното возило на Р.М. се упатиле кон село Јосифово, валандовско. За случајот се запознаени Основното јавно обвинителство Струмица и Затворот Струмица, а по негово целосно документирање ќе биде поднесена соодветна пријава.

Затвореник излегол на викенд, па си донел дрога во затвор

Ивана Ефремовски — Fri, 15 Sep 2023 18:02:21 +0000

Надворешната канцеларија за криминалистички работи Кочани поднесе кривична пријава против Ѓ.В.(27) од Свети Николе, поради постоење основи на сомнение за сторено кривично дело „неовластено производство и пуштање во промет наркотични дроги, психотропни супстанци и прекурсори“. Пријавениот, во август 2022 година, кога бил на викенд отсуство од Казнено-поправната установа Затвор Штип, набавил хероин кој го внел во установата, а на 01.09.2022, при извршен претрес во собата на пријавениот, дрогата била пронајдена и одземена.

Затвореник фатен со огнено оружје: Викенд отсуството ќе го чини нова казна (ВИДЕО)

Ивана Ефремовски — Sun, 30 Jul 2023 09:02:18 +0000

На 30.07.2023 од страна на полициски службеници од Одделот за криминалистичка полиција, Сектор за недозволена трговија со дрога оружје и опасни материи заедно со СВР Штип на булевар „Гоце Делчев“ во Штип приведен е В.И. (51) од Кочани бидејќи кај него биле пронајдени автоматски пиштол „шкорпион“ и 21 куршуми калибар 7.65 мм. Лицето во моментот издржува казна затвор во траење од вкупно 18 години во КПУ Куманово, а користел викенд отсуство. Известен е јавен обвинител и од страна на СВР Штип по документирање на случајот ќе биде поднесена кривична пријава за извршено кривично дело по чл.396 од КЗ.

МВР му поднесе кривична пријава на Беким Мемети, затвореникот од Идризово кој имаше филмско бегство

Ивона Петрова — Thu, 04 May 2023 15:00:41 +0000

СВР Скопје поднесе кривична пријава против Б.М.(37) од Тетово, поради постоење основи на сомнение за сторени кривични дела „убиство во обид“ и „бегство на лице лишено од слобода“. -На 12.01.2023 на автопатот „Пријателство“, додека бил вршен спровод на пријавениот, осудено лице, од Казнено-поправната установа Идризово до Комплексот клиники „Мајка Тереза“ Скопје, тој одзел службен пиштол од вработен во затворската полиција и испукал еден проектил, со кој го ранил. Притоа, службеното возило застанало, а пријавениот излегол од возилото и влегол во патничко возило „ауди“ без регистарски ознаки и заминал, информира МВР. По бегството на Мемети суспендирани од работа беа четворица затворски полицајци кои го спроведувале осудениот од КПУ Идризово во Ургентниот центар „Мајка Тереза“ и командирот кој ја издал наредбата.

Почина осуденик во штипскиот затвор

Ивона Петрова — Fri, 21 Apr 2023 15:06:05 +0000

Почина осуденик во Затвор - Штип, потврди и директорот Мики Тодоров. Станува збор за возрасно лице, кое вчера со возило на Итната медицинска помош било однесено во Клиничката болница во Штип на Интерно одделение, каде останало неколку часа, а утринава е отпуштено. Осуденикот починал само што бил вратен во Затворот и за тоа биле известени екипи на Итната медицинска помош, кои констатирале смрт. Тодоров изјави дека за смртта на осуденикот е известен и СВР Штип, а според сите документи со кои располагаат во однос на здравствената состојба на лицето, не е дадено наредба да се изврши обдукција.

Почина затвореник во Струга

Ивана Ефремовски — Sun, 09 Apr 2023 14:07:57 +0000

На 08.04.2023 во 13.30 часот во ОВР Струга, од Казнено-поправната установа во населба Теферич во Струга било пријавено дека починал затвореникот Б.И.(40) од Струга. Извршен бил увид, а по наредба на Јавен обвинител телото на починатиот било дадено на обдукција.

Нападнал и ограбил човек додека користел слободни денови од затвор

Ивана Ефремовски — Wed, 01 Mar 2023 16:45:45 +0000

СВР Охрид поднесе кривична пријава против А.Д.(31) од Охрид поради постоење основи на сомнение за сторено кривично дело „разбојништво“. Пријавениот на 26.02.2023 на ул.„Гоце Делчев“, за време на користење слободни денови од казнено-поправната установа Затвор Теферич – Струга, со закана и употреба на сила од М.Е.(20) одзел пари.

Трагедија: Почина затвореник, познат неговиот идентитет

Ивана Ефремовски — Wed, 15 Feb 2023 17:53:59 +0000

На 14.02.2023 во 09:54 часот во СВР Скопје, од Казнено-поправна установа Затвор Идризово било пријавено дека во затворот починал А.Г.(48), осуденик од Тетово. Лекар констатирал смрт без видливи траги на насилство. Телото на починатиот по наредба на Јавен обвинител било дадено за обдукција.

Почина затвореник во Скопје

Ивона Петрова — Mon, 13 Feb 2023 15:43:58 +0000

На 12.02.2023 во СВР Скопје било пријавено дека во Градската општа болница „8 Септември“ починал В.Н.(54) од Скопје, осуденик во Казнено-поправната установа Затвор Скопје. -Според пријавеното, на В.Н. му се слошило во затворот, по што со нивно возило бил пренесен во медицинска установа, каде нешто подоцна лекар констатирал смрт, информира МВР. По наредба на Јавен обвинител, телото на починатиот било дадено на обдукција.

Избега уште еден затвореник, полицијата го најде по два часа

Ивона Петрова — Sat, 11 Feb 2023 16:41:19 +0000

На ул."Маџари" денеска околу 14:20 часот, од полициски службеници од Единица за интервентна полиција при СВР Скопје е лишен од слобода Џ.Д.(24) од Скопје. -За него била распишана локална потерница по објава од Полициска станица Чаир, каде во 12.00 часот било пријавено дека избегал од Казнено-поправната установа Затвор Скопје. Лицето е приведено во Полициска станица Гази Баба, а потоа спроведено во казнено-поправната установа за доиздржување на казната,информира МВР.