затворено – Kurir.mk

Од 1 јуни во Грција привремено се укинува задолжителната маска и на затворено

Тале Кристо — Wed, 18 May 2022 14:28:15 +0000

Од 1 јуни привремено се укинува задолжителната маска и во внатрешните објекти во Грција, со исклучок на болниците, домовите за стари лица и јавниот градски сообраќај, соопшти попладнево министерот за здравство Танос Плеврис, јави дописничката на МИА од Атина. Плеврис рече дека одлуката е по препораката од надлежната комисија на епидемиолози и ќе важи до 15 септември 2022 година. Маската повеќе нема да биде задолжителна за затворените простори, но и за авионите и за превозните средства со нумерирани седишта, како што се возовите и меѓуградските автобуси. Министерот за здравство на Грција објасни дека маската и понатаму ќе биде задолжителна во болниците, домовите за нега на стари лица и слични институции, како и во јавниот градски превоз, како што се автобусите, метрото, трамваите и тролејбусите. За употребата на маската во образовните институции и во бродскиот сообраќај, Комисијата на епидемиолози, како што рече Плеврис, ќе одржи нов состанок следната седмица. -Укинувањето на задолжителната употреба на маска значи дека нема да се изрекува административната казна, но сепак останува охрабрувањето и препораката, дека ќе треба да се користи маската во сите простори, особено за населението кое припаѓа на ранливите категории, рече Плеврис.

Затворено скопското кафуле „Интермецо“

Магдалена Андонова — Wed, 08 Sep 2021 09:34:29 +0000

Синоќа по 22:00 часот скопско кафуле „Интермецо“ беше затворено од страна на Државниот пазарен инспекторат поради непочитување на протоколите за заштита од Ковид-19. ДПИ информира дека задно со МВР утврдиле дека имало поголем број на луѓе во кафулето од потребно и поради тоа е ставена пломба на кафулето. Според предвидените казни, локалот може да биде затворен од 10 до 30 дена, а казнаа за одговорното лице 1.500 евра

Пановски: Да се укинат свадбите во затворено за да се запре ширењето на Делта сојот

Тале Кристо — Fri, 09 Jul 2021 07:21:50 +0000

Микробиологот д-р Никола Пановски смета дека за да се забави ширењето на Делта сојот потребни се навремени мерки. Тој во изјава за Телма рече дека свадби во затворен простор не смее да има, а потребни се и рестриктивни мерки на границите. -Треба контрола на границите од земјите во кои тој доминира. И на Аеродром и на границите. Треба да се размисли со исто со нашите луѓе што одат масовно во Грција. Меѓутоа, особено на иселениците кои понатаму во домовите, во затворен простор, овој вирус уште побрзо да го прошират. Треба да се повлече одлуката за одржување на свадби, барем во затворен простор бидејќи иселениците доаѓаат баш на тие места и исто така да се прекинат какви било прослави во затворен простор. Тоа е минимум што би требало да се направи, вели Пановски.

Затворено интернет кафе во Бутел

Тале Кристо — Thu, 25 Feb 2021 13:00:26 +0000

На 24.02.2021 во 22.00 часот, додека вршеле контроли во угостителски објекти, полициски службеници од СВР Скопје на ул.„Тале Христов“ констатирале дека интернет кафе работи и вo објектот има 10 лица. Тие биле приведени во Полициската станица Чаир и по целосно документирање на случајот ќе биде поднесена пријава по член 206 од Кривичниот законик – „непостапување според здравствените прописи за време на епидемија“.

Во Виена е затворено основно училиште поради соменевање за Ковид-19

Тале Кристо — Mon, 18 May 2020 09:31:06 +0000

Основните училишта во Австрија започнаа со работа, по двомесечната пауза поради пандемијата на новиот коронавирус, но во Виена поради сомневање за појава на инфекција, затворено е едно училиште. Директорката на училиштето од 18-та област во Виена, вратилa дома 200 ученици, бидејќи постои сомнение дека наставник е заболен со Ковид-19. Наставникот пријавил боледување во саботата. Децата беа вратени дома од вратата на приватното католичко училиште, без претходно известување. Надлежните органи на градот Виена покренаа истрага за овој случај, а Министерството за образование најави изработка на план за вакви случаи.