заведување – Kurir.mk

Само еден знак е меѓу 12: Дознајте кој е најдобриот заводник во хороскопот

Ивана Ефремовски — Tue, 04 Jul 2023 18:25:33 +0000

Станува збор за Лавовите. Тие се храбри, амбициозни, позитивни и независни личности кои имаат силна волја и голема самодоверба. Среќни се кога се во центарот на вниманието, но уште посреќни се кога имаат контрола врз ситуацијата во која се наоѓаат. Тие се родени лидери, независно дали станува збор за мир или побуна против непроменетиот статус кво. Иако понекогаш можат да делуваат арогантно и по малку нарцисоидно, сепак тие се најефикасни кога се во командната позиција. Со нивниот личен магнетизам и вродена харизма, Лавовите го извлекуваат најдоброто од оние кои се наоѓаат во нивно присуство. Шармантни и заводливи, тие успеваат да го привлечат скоро сечие внимание. Понекогаш можат да делуваат нељубезни и нелојални, но всушност тоа се едни од квалитетите кои Лавовите најмногу ги ценат и кај себе и кај другите. Кога се сигурни дека ќе ја исполнат целта, тогаш ја вложуваат сета своја енергија. Нивниот идеализам и практичната интелигенција ги прават способни да навлезат директно во сржта на проблемот и да го пронајдат најдоброто соодветно решение.

Харизматичните луѓе имаат голема моќ: Која е нивната тајна?

Ивана Ефремовски — Wed, 02 Nov 2022 07:00:44 +0000

Сите знаеме по една личност која кога ќе влезе во просторијата, сè е поинаку. Се прашуваме зошто се толку познати и обожавани од другите. Тие поседуваат шарм и харизма. Но, која е нивната тајна? Немојте да бидете напнати и нервозни Шармантните луѓе се ретко нервозни и напнати. Тие имаат самодоверба, а изгледа како некои да се родени со неа. Но, тоа исто така се учи. Првиот чекор е да се опуштите и да не се плашите од тоа што ќе се случи. Дозволете си да бидете тоа што сте. Луѓето го сакаат тоа. Зборувајте за работите кои ви значат Ако не сте 100% заинтересирани за нешто, тоа се забележува. Од друга страна пак, кога за нешто зборувате со страст, таквата енергија се забележува и луѓето ја ценат. Страста му дава моќ и значење на она што го кажува и тоа ги привлекува луѓето околу вас. Слушајте ги другите Никогаш нема да делувате шармантно ако само вие зборувате. Така ќе изгледате само надмено. Дозволете им на другите луѓе да се искажат и внимателно слушајте ги. Харизмата значи и да направите другите луѓе да се чувствуваат важни. Покажете ја вашата смисла за хумор Не мора да изигрувате кловн, туку само бидете опуштени и дозволете си да се шалите за работите со кои вообичаено се шалите или за кои се смеете. Смислата за хумор и харизмата одат заедно, рака под рака. Говор на телото Не дозволувајте тоа што имате да го кажете да оди само преку вашите зборови, туку користете и го својот говор на телото. Вашите гестови и начин на држење исто така испраќаат силна порака. Запаметете ги имињата на луѓето Тоа значи дека луѓето ви значат и дека сакате да запаметите важни детали за нив. Ги прави луѓето да се чувствуваат важни кога се околу вас.

ОВИЕ ЛУЃЕ се родени лидери, но лесно ќе ги заведете – во кревет се…

Ивана Ефремовски — Wed, 20 Apr 2022 20:48:53 +0000

Лицата кои се родени во хороскопски знак Лав, се родени лидери. Без проблем ќе ви стават до знаење дека им се допаѓате. Ако почувствуваат голема сексуална привлечност, ќе ви ги покажат своите заводнички способности и ќе направат сè за да ве освојат. Кога станува збор за афинитетите во кревет Лавовите преферираат жесток и активен секс. Многу се страствени, а се палат и на комплименти. Мистичните Скорпии од астролозите повеќе пати се прогласувани за најсексуален знак. Нивната таинственост, магнетниот шарм и опасниот поглед се неодоливи за многумина. Иако се многу ексцентрични во кревет, имаат бујна фантазија и подготвени се да пробаат сè.

Овие три хороскопски знаци имаат тајни во заведувањето – прочитајте ги!

Ивана Ефремовски — Thu, 10 Mar 2022 16:05:35 +0000

Дознајте што е во хороскоп човекот за кого сте заинтересирани и ќе знаете како да се поставите кон него! ОВЕН Кога се работи за додворувањето, мажот Овен е директен и агресивен. Немојте да побарате дозвола за да го бакнете, само направете го тоа кога сметате дека е добар момент. Колку посигурно му пристапите толку ќе биде подобро за вас во иднина. Овните се подложни на комплименти. Тие сакаат да слушнат дека се најпривлечни личности во вашиот живот. Но слободно спротивставете му се. Зошто? Затоа што на овните расправата им е афродизијак. На тој начин полесно ќе стигнете до неговото срце. ЛАВ Ако сакате да го освоите Лавот, бидете подготвени на тешка борба. Верувајте, тој веќе заборавил дека бил со вас, а пораките кои му ги испраќате не само што нема да ви одговори, најверојатно нема ни да ги прочита. Ако сака да биде со вас, тој ќе се обиде да ве “улови“, обратно скоро е невозможно да го постигнете резултатот кој го сакате. РИБИ Рибите сакаат да заведуваат, но во тој процес не ги вклучуваат емоциите. Подоцна сигурно ќе го направат тоа, ако сметаат дека сте вистинската. Тие заведуваат галантно, така што секоја дама таа вечер ќе се чувствува посебно. Но тоа е само тактика за партнерката да се опушти и да им се препушти.

Поради овие грешки во заведувањето, вие не изгледате привлечно туку очајно

Ристе Здравков — Sat, 12 Feb 2022 22:03:05 +0000

За да го придобијат мажот, често се користат методи кои имаат спротивен ефект. Следниве методи не само што ќе го одбијат потенцијалниот партнер, туку и многу е веројатно дека ќе помислат дека вашиот коефициент на интелигенција нема висока вредност или дека сте многу очајни. Еве што не треба да правите: Грешка број 1 – Многу сум секси Фотографиите на социјалните мрежи ги менувате неколку пати на ден и сѐ е во стандардна положба – малку кожа, особено во делот на деколтето, комплетна шминка и секако неизбежно полни усни. Секогаш кога сте фул средени, сликата мора да се појави на Facebook и Instagram, бидејќи сакате да бидете сигурни дека оној што ви се допаѓа ќе ве види само во најдобро издание. Добивате лајкови, но не и од него. Убедени дека сте неодоливи, постојано ги проверувате нотификациите и сте сигурни дека тој не реагира само затоа што сака да ве полуди и да се прави недостижен. Потоа доаѓа фазата во која мислите дека треба да се потрудите повеќе и да објавите уште попровокативни фотки… Но, не, сосема неточно и погрешно. Не ја правете секогаш истата грешка. Направете пауза од социјалните мрежи и преправајте се дека сте недостижни за промена. Исчезнете некое време. Грешка број 2 – Достапна сум Му праќате пораки, му се јавувате, му лајкате сѐ што ќе објави, а тој не прави ништо. И тогаш „еднаш во сто години“ ви праќа порака и сте пресреќни, мислејќи дека можеби вашиот труд вроди со плод. Веднаш одговарате и иницирате понатамошен разговор, но не постигнувате успех. И ништо, чекате да ви пише или да ви се јави, а тој знае дека секогаш во рекордно време ќе добие одговор од вас, дури и повеќе од еден одговор. Во основа, секогаш кога ќе стапи во контакт, секогаш сте таму. Погрешно! За промена, обидете се барем еднаш да не одговорите на порака или да не се јавите. Грешка број 3 –Каде е тој, таму сте вие Обожавате да излегувате и мислите дека излегувањето е еден од најдобрите начини да се запознаете, па и да има малку алкохол, ќе бидете поискрени и послободни. Местото каде што ќе излезете најчесто го избирате врз основа на тоа каде се наоѓа тој, па секогаш се случува да сте на истото место како „случајно“. Се дотерувате од глава до пети и после цела ноќ чекате дали ќе се појави. Неговите пријатели се таму, но не и тој. Веднаш ви се расипува вечерта, но вие во контра – почнувате лудо да се забавувате за да ве видат неговите пријатели и да му пренесат. Погрешно! Пријателите нема да му кажат, а вие сепак потрудете се да се забавувате со вашето друштво. Грешка број 4 – Пијана сум и подготвена на сѐ Во оваа фаза, подготвени сте да кажете буквално сè, а потоа да се оправдате колку сте биле пијани. Способни сте да направите сцена, да му кажете дека е безобразен и дека ве врти околу малиот прст како што сака. Но, каењето најчесто доаѓа подоцна кога ќе сфатите што сте му кажале или каква порака сте му испратиле, а потоа е време за нова грижа – да не сте го навредиле и дали после тоа ќе ви одговори повторно. Се обвинувате себе си и размислувате да му напишете порака со извинување. Се извинувате и пак ништо. Тогаш почнувате да плачете. Погрешно! Во овој случај, најдобро е да го „заборавите“ телефонот дома.

Кој е најсилниот женски адут при заведувањето?

Катерина Бојаџиева — Sat, 06 Jul 2019 09:06:54 +0000

Не е тајна дека жените се поснаодливи во љубовните игри од мажите, а новото истражување покажува и дека тактиките им успеваат. Психолозите сметаат дека жените уште на почетокот свесно повлекуваат одредени потези за да го заинтригираат партнерот, како на пример тоа што не му креваат на телефон или го одложуваат состанокот за да излезат со другарките. Поголемиот дел од мажите кои учествувале во истражувањето сметаат дека жените непотребно ги комплицираат работите и прават проблем таму каде што нема, само за да видат до каде можат да одат во врската. Мажите тврдат и дека жените често стратешки прават нешто само за да ја видат нивната реакција и за да знаат како да се постават во иднина при некоја слична ситуација. Резултатите од една анкета во САД покажале дека жените највеќе сакаат да „си играат чекање“, како на пример кога намерно ќе задоцнат на состанок, како и да се претставуваат како недопирливи и да им стават до знаење на мажите дека не можат да ги имаат. Анкетите покажале и дека жените по 30-тата година воглавно играат на изгледот и го користат како адут при заведувањето, па затоа „спонтано“ го прашуваат партнерот како им стои некој фустан сакајќи да го насочат вниманието кон нивното тело, деколте или нозе. Одговорот на тоа прашање не е баш лесен, затоа што ако мажот пребрзо даде некој комплимент, тоа најчесто ќе биде сфатено дека не гледал доволно внимателно туку го кажал тоа колку да го каже. Според мислењето на мажите во голем број анкети, омилена љубовна игра на повеќето жени е да се прават дека се слаби, немоќни, трапави и неспособни, па секогаш им е потребна помош од партнерот и неговото присуство. Јасно е дека тие би можеле и самите да убијат инсект, да отпатуваат некаде, да заковаат клинец или да променат светилка, но дамите на тој начин им покажуваат на партнерите колку им се потребни и дека без нив не можат да функционираат.

Совет плус: Како да заведете искусна жена?

Ристе Здравков — Mon, 29 Apr 2019 11:03:51 +0000

Нема маж што во некој момент од својата младост не фантазирал за авантура со повозрасна жена. Врската на мажот со некоја жена што е повозрасна неколку години, па и децении веќе не е табу. Ако ви се допаѓаат поискусни дами еве неколку трикови со помош на кои сигурно ќе ги освоите. Немојте да си играте детски игри со неа. Треба да бидете свои и да не глумите за да ја импресионирате. Неа најверојатно ја привлекува вашата младост, спонтаност, отвореност, па затоа немојте да се трудите да ја импресионирате со вашиот памет и со мудроста. Сето тоа таа веќе го видела и го слушнала, затоа задржете го свежиот, речиси наивен поглед на светот. Тоа не значи дека треба да бидете несигурни, затоа што без разлика на тоа колку години има, жената посакува самоуверен партнер што знае колку вреди и не се плаши да го изрази сопствениот став. Одлучноста во комбинација со младоста целосно ќе ја разоружа. Но, треба да внимавате да не претерате. Ако не знаете ништи за некоја одредена тема, немојте да се впуштате во расправа. Запомнете, таа запознала веќе доволно луѓе за да знае да ја раздвои лажната од вистинската самодоверба. Исто така, немојте да и’ ласкате, но комплиментите се важни и пожелни. Немојте да си играте детски игри со неа – ако сте кажале дека ќе и’ се јавите, тогаш сторете го тоа. Ако чекате неколку дена за да ја натерате да ве исчекува, ќе завршите во корпата за „отпадоци“, затоа што таа знае што сака, а тоа сигуно не е да губи време со некое детиште.

Како да ги заведете хороскопските знаци?

Катерина Бојаџиева — Tue, 26 Feb 2019 22:03:01 +0000

Постои причина што заведувањето често се нарекува и уметност. Тоа е повеќе од флертување и вклучува контакт со очите, допир, сензуалност, но и интелигентен разговор кој зависи од вештините на личноста. Ова се неколку карактеристики на секој од 12-те хороскопски знаци, кои ќе ви помогнат како да ги заведете полесно. Овен Претставниците на овој знак се карактеризираат со интензивна сексуалност и се речиси незаситни. Тие се сигурни во себе и немаат проблем да го направат првиот чекор. Затоа, не чекајте многу – грабнете ги и бакнете ги. Исто така, не се плашете да им го кажете или покажете тоа. Бидете слободни во изразувањето, бидејќи ќе им се допадне вашата искреност. Бик Биковите не сакаат љубов на кратки патеки, тие уживаат во целиот процес на заведување. Тие имаат развиено длабока почит за убавината и љубовта како и за останатите фини нешта во животот, така што потрудете се да им купите подароци кои се убави, но и скапи. Кога конечно ќе се приближите до фазата на сексот, потрудете се да имате доволно енергија, бидејќи тие на сексот гледаат како на еден долг маратон. Близнаци Тие го сакаат знаењето и можете да ги освоите со покажување интелект. Колку повеќе знаете на темата и колку повеќе зборувате, толку поголема е веројатноста целосно да ги заведете. Тие ги сакаат креативноста и авантурите и во голем мера ужуваат во сексот. Можеби ќе бидете срамежливи да имате секс по телефон или да си праќате „валкани“ пораки, но близнаците ќе го обожаваат тоа. Рак Раковите се многу претпазливи и нема да влетаат во кревет со било кога. Доколку сакате да заведете претставник на овој знак, бидете нежни и внимателни. Подгответе им вечера со фина музика и романтично осветлување и бидете свесни дека тие ќе сакаат мали допири, интимни разговори и многу фини нешта за да влезат во расположението кога ќе можат целосно да се предадат. Лав Првото правило во заведувањето на лавовите е да не правите ништо што е половично, ништо што ќе ги навреди или нешто што нема да им покаже дека тие се единствените. Фокусирајте се на нив како на ласер и подгответе се да им кажете и покажете дека се најдобри во сè. Колку поголем напор ќе направите за да бидете со нив, толку повеќе ќе го ценат тоа. Доброто нешто лежи во тоа што тие навистина ќе го ценат вапиот напор и колку повеќе им давате, толку повеќе ќе ви возвратат. Девица Тие не сакаат хаотични ситуации, а тоа ве вклучува и вам. За разлика од другите знаци, тие ќе сакаат да бидете чисти, да имате хигиенски навики и чисти алишта и да мирисате убаво. Иако веројатно ќе имате проблем на почетокот со нив, бидејќи се многу комплицирани, сепак треба да знаете дека тие се големи перфекционисти и сакаат нештата да бидат целосни. Тоа значи дека навистина ќе морате да се потрудите. Вага Претставниците на овој знак сакаат баланс, така што доколку им изгледате премногу силни - ќе ги исплашите, но доколку не изгледате доволно силни, ќе сметаат дека не сте доволно заинтересирани. Тие сакаат љубовник кој точно знае што прави. Иако се смирени и чисти личности, треба да знаете дека тие често можат да бидат многу несигурни, затоа потрудете се да им покажете дека навистина ви значат. Шкорпија Тие се страствени, интензивни и секогаш сакаат да се главни. Можеби ќе мислите дека заведувањето доаѓа од ваша страна, но ќе бидете изненадени кога шкорпијата ќе ја преземе играта. Тие се толку доминантни, што може да биде и претерано. Сепак, ноќта со претставник од овој знак е нешто што никогаш нема да го заборавите. Стрелец Стрелците можат лесно да бидат заведени со хумор. Поканете ги на некоја комедија или смешно шоу и на тој начин лесно ќе ги опуштите. Но, внимавајте да не брзате премногу, бидејќи тие сакаат да одат чекор по чекор. Тие сакаат да поминуваат време во природа и затоа можете да ги однесете на романтично кампување во природа или на прошетка под ѕвездите. Јарец Претставниците на овој знак сакаат структура и затоа структурираниот пристап е најдобар за нив. Лимитирајте ја првата средба со мал бакнеж, за да на следната преминете на посериозен разговор или пак посилно и постраствено бакнување. По ова, тие веднаш ќе бидат освоени и се ваши и посветени љубовници, додека им покажувате внимание. Водолија Кај водолиите потребно е прво да го освоите нивниот ум, а потоа телото. Важно е да знаете дека триковите кои се успешни кај останатите знаци од хороскопот, најверојатно ќе бидат успешни кај водолиите. Тие сакаат нови, свежи и спонтани нешта, бидејќи се уникатни. Тоа ќе го забележите и во љубовта во нив, откако ќе ги освоите. Риби За рибите, љубовта е најважното нешто во животот. Тие живеат за да сакаат и да бидат сакани и затоа мошне важно е да видат искрен напор од ваша страна. Тие се посветени љубовници со неограничена фантазија и затоа љубовта и сексот со нив ќе бидат секогаш незаборавни.

Како да ги заведете родените во знакот Водолија: Ова се работите што не/треба да ги правите

Катерина Бојаџиева — Fri, 08 Feb 2019 16:22:33 +0000

Ова се неколку нешта што треба/не треба да ги правите доколку сакате да освоите една Водолија. Да Бидете подготвени со нив да разговарате на различни теми. Доколку сте личност која може да зборува на различни теми, ќе бидете обожавани од нив. Изненадете ги со нешто оригинално. Тие сакаат изненадувања – колку пооригинални, толку подобро. Немојте претерано да ги врзувате за себе. Ним им е потребен простор за да бидат среќни. Ценете ја нивната посветеност за хуманистичките идеи и идеалите посветени за човештвото. Најпрво доближете се до нивниот ум, а потоа до нивното тело. Не Немојте да бидете претерано нападни. Тие лесно се плашат и се повлекуваат во својот хармоничен свет. Немојте брзо да барате сериозна врска и не се обидувајте да бидете единствената планета во нивниот универзум. Немојте да ги терате да го сменат мислењето за нешто, дури и кога не се сложувате со нив. Тие мислат дека знаат најдобро. Немојте да ги прашувате што се случува кога им лутаат мислите. Нема да ви одговорат или речат било што, ако се чувствуваат како да се принудени. Немојте да се мешате во нивниот стил. Тие сакаат да бидат поинакви од другите.

Магијата на заведувањето: Флертувајте со стил!

Ристе Здравков — Thu, 07 Feb 2019 08:57:13 +0000

Флертувањето е секогаш забавно, а мажите обожаваат кога жената ќе ги заведе. Многу жени сметаат дека е доволно да изгледаат супер, но всушност, едноставните ситници се работите кои проаѓаат кај поголемиот дел од мажите. Денес ви презентираме 8 видови заведување кои навистина функционираат! 1. Едноставност Мажите сакаат кога девојката едноставно ќе пријде и ќе им каже: „Здраво!“. Многу мажи сакаат ког жената е директна и кога презема контрола, но сето тоа да биде на пријателски и духовит начин. Насмевка и едноставно прашање ќе го направат разговорот многу полесен. 2. Зезање Заиграните и забавни девојки се интересни за секој маж. Мажите во своите друштва постојано се зафркаваат едни со други и на тој начин градат поврзаност и пријателство. Ако и девојката се однесува така, тоа ќе го воодушеви. 3. Пристапност Девојките кои се пристапни, кои не се срамат да покажат дека се заинтересирани, добиваат голем плус кај мажите. Тие полесно ќе и пријдат на девојката која понекогаш ќе се одвои од своите пријателки и друштво. Седнете во негова близина и започнете разговор за лесни теми. Уште еден совет: Тие ја сакаат она игра на дамата во неволја, па доколку генерално сте силна и независна жена, пробајте да ја играте оваа улога за да видите како таа делува на машкиот род. Кога на жената и е потребна помош, мажот веднаш ќе долета затоа што на тој начин може да ужива во улогата на спасител. 4. Говорот на тело Пријателскиот говор на тело е многу важен при флертувањето. Многу жени не сфаќаат дека понекогаш изгледаат луто и недостапно. Со положбата на телото покажете му дека сте заинтересирани, а рацете не смеете никако да ги држите прекрстени на градите, затоа што така делувате одбивно и одбранбено. 5. Насмевка Кога ќе види дека девојката се забавува и се смее, мажот ќе посака да ја запознае и да стане дел од нејзиниот живот. Можеби звучи чудно, но насмевката за мажите е најсексипилната работа на женското тело. 6. Допирање Суптилно допрете го неговото рамо, рака, колено или долниот дел од грбот. Мажите обожаваат допири, но само ако не се пренападни. 7. Слушање Мажите сакаат кога ќе видат дека жената се интересира за нив и кога со интерес го слуша додека тој и зборува за својата работа или интереси. 8. Комплименти Пофалете го неговиот изглед, прашајте го каде вежба... како и жените и мажите сакаат да добиваат комплименти, а кога веќе го фалите неговото тело, тоа ви дава совршена прилика и да го допрете.