Познати шеширите за финалниот АТП турнир

Бошко Тасиќ — Wed, 09 Nov 2022 20:35:29 +0000

Завршниот Мастерс турнир ќе се одигра во Торино, а на него ќе учествуваат осум тенисери. Отсутен поради повреда ќе биде првиот светски рекет, Карлос Алкараз, па веќе се познати шеширите пред ждрепката. Во првиот како главни носители се најдоа Рафаел Надал и Стефанос Циципас. Поради отсуството на Александар Зверев, во вториот ќе бидат Каспер Руд и Данил Медведев, додека Оже-Алијасим и Рубљев се во трет. Новак Ѓоковиќ, кој со Тејлор Фриц се во четвртиот шешир.

Шешири за ждрепката за финалниот Мастерс:

Шешир 1: Рафаел Надал, Стефанос Циципас Шешир 2: Каспер Руд, Данил Медведев Шешир 3: Феликс Оже-Алијасим, Андреј Рубљев Шешир 4: Новак Ѓоковиќ, Тејлор Фриц Според сегашните шешири, постои можност да има „група на смртта“ со Надал, Медведев и Ѓоковиќ. И натаму постои простор некој да откаже, па прва замена е Холгер Руне кој неодамна го освои АТП турнирот во Париз. Ждрепката е закажана за в четврток од 12:00 часот. Завршниот турнир во Торини ќе се одржи од 13 до 20 ноември.

Завршниот турнир од АБА 2 лигата во Скопје ќе има хуманитарен карактер

Тале Кристо — Wed, 06 Apr 2022 17:14:54 +0000

Завршниот турнир од НЛБ АБА2 лигата, чиј домаќин од 13 до 17 април ќе биде МЗТ Скопје Аеродром, ќе има хуманитарен карактер, а продажбата на влезниците за сите средби ќе оди преку фондацијата „Марко Божиновски“, која потоа ќе ги пренасочи собраните средства онаму каде што е најпотребно. -На тој начин нашиот клуб, заедно со општина Аеродром, уште еднаш ќе му оддадеме почит на нашиот голем навивач и кадетски и јуниорски ракометен репрезентативец на Македонија, кој неочекувано почина пред 10 месеци, соопшти попладнево МЗТ Скопје Аеродром. Планирано е да има блок билет, кој ќе чини 300 денари со важност за целиот турнир, како и поединечен билет за секој натпревар по цена од 100 денари. Цените се симболични, но доволни од целиот турнир да се собере солидна вкупна сума, која и тоа како ќе биде помош за тие на кои им е неопходно, а на кои ќе им биде пренасочена од луѓето од фондацијата „Марко Божиновски“, се посочува во клупското соопштение на актуелниот кошаркарски првак. Продажбата на билетите почнува в четврток, а ќе можат да се купат преку интернет-сајтот www.mktickets.mk, продажните места на МК Тикетс, како и на билетарницата пред спортскиот центар „Јане Сандански“. Поранешниот македонски кадетски и младински ракометен репрезентативец Марко Божиновски почина во сон на 3 јуни минатата година, кратко време по прволигашкиот натпревар на кој настапи во дресот на Бутел против Еурофарм Пелистер 2.

Завршен турнир – Kurir.mk

Познати шеширите за финалниот АТП турнир

Завршниот турнир од АБА 2 лигата во Скопје ќе има хуманитарен карактер